هيلن ڪيلر
هيلن ڪيلر (انگريزي ٻولي: Helen Adams Keller) آمريڪا جي رياست اتر الاباما جي ٽسڪومبيا نالي ڳوٺ ۾ 27 جون 1880ع جنم ورتو.
سندس والد آٿر ايڇ ڪيلر دفاعي فوج ۾ ڪيپٽن هو. ٻيئن سالن جي عمر ۾ ننڍڙي هيلن سخت بيمار ٿي پئي. جنهن ۾ هوءَ ڏسڻ ۽ ٻڌڻ جي صلاحيت وڃائي ويٺي. علاج لاءِ ڪيترن ئي ڊاڪٽرن کي ڏيکاريو ويو. ليڪن سندس طبيعت ۾ ڪا خاص بهتري ڪونہ آئي. ليڪن جڏهن هوءَ ستن سالن جي ٿي ته هن جي زندگي اچانڪ تبديل ٿي وئي. هيلن جي والد هڪ عورت مس سيلوان کي پنهنجي نابين ٻارڙي جي سنڀال لاءِ چيو. جنهن هيلن کي سيکارڻ شروع ڪيو. هڪ ڏينهن هوء هيلن کي درياهه جي ڪناري تي وٺي وئي. ۽ هن جو هٿ پاڻي ۾ وڌو پوءِ آهستي آهستي واري تي لفظ پاڻي لکيائين. هن هيلن کان آها مشق ڪيترائي دفعا ڪرائي. جنهن سان هيلن سکيو ته لفظ پاڻي ڪيئن لکجي. آهستي آهستي هن هيلن کي جبلن، درياهن، تاريخ ۽ جاگرافي بابت سيکاريو.
| Helen Keller | |
|---|---|
 Helen Keller holding a magnolia, ca. 1920 | |
| پيدائش | Helen Adams Keller جون 27 1880 Tuscumbia, Alabama, U.S. |
| وفات | جون 1, 1968 (عمر 87 سال) Arcan Ridge, Easton, Connecticut, U.S. |
| مدفون | Washington National Cathedral |
| ڌنڌو | Author, political activist, lecturer |
| تعليم | Harvard University (BA) |
| مُکيه ڪم | The Story of My Life |
| دستخط |  |
جڏهن هوءَ اٺن سالن جي ٿي ته هن کي اسڪول موڪليو ويو. هن کان وسري ويو هو ته ڪيئن ڳالهائجي. پر استادن هن جي مدد ڪئي. هو هيلن جو هٿ پنهنجي چپن تي رکندي هئي. هيلن کي چپن جي چرپر محسوس ڪرائيندي هئي. هيلن اهڙيون ڪيتريون ئي مشقون ڪيون.
آخر ڏهن سالن جي ڄمار ۾ هيلن ٻيهر ڳالهائڻ شروع ڪيو. آهستي آهستي هن ڪتاب پڙهڻ سکيا. اهي ڪتاب اڀريل نقطن سان ڇپيل هوندا هئا.
هوء ڪاليج ۽ پوءِ هارورڊ يونيورسٽي وئي. هن يونيورسٽي مان گريجويشن ڪئي.
هن پنهنجي سڄي ڄمار انڌن ۽ ٻوڙن انسانن جي خدمت ڪندي گذاري. هي عظيم عورت 1 جون 1968ع وفات ڪري وئي. پر اڄ تائين ڪيترن ئي ملڪن ۾ سندس حياتي جي احوال کي نصابي ڪتابن ۾ سبق طور پڙهايو ويندو آهي.
حوالا
This article uses material from the Wikipedia سنڌي، سندھی ، सिन्ध article هيلن ڪيلر, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). مواد CC BY-SA 4.0 ھيٺ موجود آھي جيسيتائين ٻي صورت واضع نہ ڪئي وڃي. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سنڌي، سندھی ، सिन्ध (DUHOCTRUNGQUOC.VN) is an independent company and has no affiliation with Wiki Foundation.