Hun Sen

He is currently the warld's langest-servin prime meeenister, the langest-servin heid o govrenment o Cambodie, an ane o the langest-servin leaders in the warld. He is the preses o the Cambodie Fowkpairty (CPP) an aw an a member o the Naitional Assembly for Kandal. His full honorar title is Samdech Akka Moha Sena Padei Techo Hun Sen (Khmer: សម្តេចអគ្គមហាសេនាបតី តេជោ ហ៊ុន សែន; meanin "Laird Prime Meenister, Supreme Militar Commander Hun Sen"). Born Hun Bunal, he chyngit his name tae Hun Sen in 1972 twa years efter jynin the Khmer Rouge. Frae 1979 tae 1986 an again frae 1987 tae 1990, he servit as Cambodie's foreign meenister.

Samdech Hun Sen MP
ហ៊ុន សែន
Hun Sen speakin at the Warld Economic Forum in East Asie (2010)
Prime Meenister o Cambodie
In office 30 November 1998 – 22 August 2023
Monarch	Norodom Sihanouk Chea Sim (Regent) Norodom Sihamoni
Precedit bi	Ung Huot
Succeedit bi	Hun Manet
In office 14 Januar 1985 – 21 September 1993 Alongside Norodom Ranariddh: 2 Julie 1993 – 21 September 1993
Preses	Heng Samrin Chea Sim Norodom Sihanouk
Precedit bi	Chan Sy
Succeedit bi	Norodom Ranariddh Alangside Norodom Ranariddh as Seicont prime meenister: 24 September 1993 – 30 November 1998
Personal details
Born	(1952-08-05) 5 August 1952 (age 71) Peam Koh Sna, Indocheenae (nou Cambodie)
Poleetical pairty	CPP
Spoose(s)	Bun Rany
Bairns	Manet Mana Manit Mani Mali Malis
Religion	Theravada Buddhism

Syne 1997, Hun Sen haes led the CPP tae consecutive victories an is currently servin in his fift prime meenisterial term. In Juin 2015, follaein the daith o Chea Sim, Hun Sen wis electit preses o the CPP. In 2018, he wis electit tae a saxt term in a lairgely unopposed poll, wi the CPP winnin ivery seat in the Naitional Assembly.

Hun Sen wis 32 year auld when he became Prime Meenister, makkin him at that time the warld's youngest heid o govrenment. He haes been describit as a "wily operator wha destroys his poleetical opponents" bi The Sydney Morning Herald an as a dictator wha haes assumit authoritarian pouer in Cambodie uisin violence, intimidation an corruption tae mainteen his pouer base. Unner his govrenment, thoosans o opposition activists, politeecians, environmentalists an human richts warkers hae been murthert, whaur a majority o the cases wur niver investigatit due tae the poleetical tees wi the incumbent admeenistration. Hun Sen haes accumulatit heichly centralisit pouer athin Cambodie, includin a personal gaird said tae hae capabilities rivallin thae o the kintra's regular airmy, makkin coup attempts virtually impossible.