Cristòfuru Culommu (nasciutu ntô 1451 - mortu lu 20 di maiu 1506) fu un navigaturi e spluraturi italianu.
La cità di nàscita nun è certa, ma è ricanusciutu di tutti comu ginuvisi. A Gènuva cc'è ancora oi na casa ditta di Culommu unni abbitau quannu era già granni.
La figura di Cristòfuru Culommu ristò ntâ storia pirchì ntô 1492 lu navigaturi italianu guidò na spidizzioni attraversu l'Ocèanu Atlànticu cu tri caravelli: la Niña, la Pinta e la Santa María. Lu scopu era chiddu di agghicari ntê Indî ppi la via occidintali, ccu la cunvinzioni chi lu diàmitru di la Terra era abbastanza pìcciulu ppi fari la travirsata. La travirsata fu rializzata ccu la bannera dû regnu di Castigghia.
Li càlculi di Culommu èranu fàusi. Lu diàmitru dâ Terra era cchiù granni di chiddu chi iddu cridìa. La sò furtuna fu chi nta la travirsata c'era nu cuntinenti novu. Nzinu â fini da sò vita Culommu cridìa d'èssiri arrivatu a l'Indi. Sulu Amerigu Vespucci era cunvintu chi lu cuntinenti unni Culommu avìa sbarcatu era novu.
This article uses material from the Wikipedia Sicilianu article Cristòfuru Culommu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.