Artìculu in LSC
Savina Dolores Massa (Aristanis, 16 de cabudanne 1957) est una iscritora, poeta, atora e drammaturga sarda e italiana.
Savina Dolores Massa | |
---|---|
Nàschida | 16 de cabudanne 1957 Aristanis |
Natzionalidade | sarda; italiana |
Traballu | Iscritora, poeta, atora, drammaturga |
Contributos de importu | Iscritora de 5 romanzos, partetzipadora a antologias e regortas de contos e poesias. Autora e coautora de ispetàculos teatrales |
Savina Dolores Massa est cunsiderada una de is boghes prus interessantes de sa gai narada "noa literadura sarda". S'esòrdiu suo acontesset cun “Undici” (Ùndighi), romanzu chi resurtat finalista a su prèmiu Calvino in su 2007. Su romanzu “Mia figlia follia” (Fìgia mia ammàchiu) est traduidu in frantzesu. Is òberas de Savina Dolores Massa sunt ogetu de istùdiu e de anàlisi crìtica, intre is àteras cosas, pro is solutziones narrativas e s'introspetzione ìntima de is pessonàgios Est autora de 5 romanzos e una regorta de poesias. Numerosas is partetzipatziones suas a antologias e regortas de contos e poesias. Totu is libros suos sunt imprentados dae sa domo editora Il Maestrale de Nùgoro.
Savina Dolores Massa est atora e coautora de is ispetàculos de sa cumpangia Hanife Ana Teatru Jazz de chi est cofundadora.
Bivet in Aristanis.
This article uses material from the Wikipedia Sardu article Savina Dolores Massa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Su cuntenutu est a disponimentu suta de sa litzèntzia CC BY-SA 4.0 francu chi non bi siat àteru inditadu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sardu (DUHOCTRUNGQUOC.VN) is an independent company and has no affiliation with Wiki Foundation.