Artìculu in LSC
Su trèmene misoginia (de su gregu μισέω misèō, "odiare" e γυνή gynḕ, "fèmina") inditat unu sentimentu e una cunsighente atitudine de òdia o aversione cara de sas fèminas, persighidu in manera indiferente a banda de òmines o unas àteras fèminas.
In resone de custa dillindada delimitazione de sa categoria umana ogetu de aversione, si distinghet de sa misantropia e costituit su cuntzetu isprigu e contrapostu de sa misandria.
Sa misoginia est dirìgida cara a sas fèminas cunsideradas che grupu: una persone misògina podet intratènnere comente si siat relatziones carignosas de amighèntzia e amore cun sìngulas fèminas; de cunversu, tènnere relatos negativos cun unu nùmeru mannu de fèminas pigadas in manera singulare non signìficat netzessariamente èssere persones misòginas.
Sas resones chi podent batire indiferentemente de su gènere a tale atitudine podent èssere de natura disvariada: esperièntzias personales traumàticas, aspetos culturales pròpios o tramandados dae sos pròpios antepassados, rialias arraighinadas in àmbitos familiares e sotziales, sa manera comente si bivet sa cumpetitzione, in su pranu passionale o fintzas in su cuntestu de traballu.
Sa misoginia est generalmente un'atitudine individuale, mentras chi su mascrismu, paris a su feminismu, est un'atitudine culturale, non netzessariamente acumpangiadu dae òdia.
Wiki Commons tenet files chi ligant a: Misoginia |
This article uses material from the Wikipedia Sardu article Misoginia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Su cuntenutu est a disponimentu suta de sa litzèntzia CC BY-SA 4.0 francu chi non bi siat àteru inditadu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sardu (DUHOCTRUNGQUOC.VN) is an independent company and has no affiliation with Wiki Foundation.