ᱯᱷᱩᱴᱵᱚᱞ ᱠᱷᱮᱞᱚᱸᱰᱤᱭᱟᱹ ᱥᱚᱭᱚᱫᱽ ᱟᱵᱽᱫᱩᱥ ᱥᱟᱢᱟᱫᱽ
ᱥᱚᱭᱚᱫᱽ ᱟᱵᱽᱫᱩᱥ ᱥᱟᱢᱟᱫᱽ (Bengal: ᱺসৈয়দ আবদুস সামাদ; ᱖ ᱰᱤᱥᱮᱢᱵᱚᱨ ᱑᱙᱘᱕ - ᱒ ᱯᱷᱮᱵᱽᱨᱩᱣᱟᱨᱤ ᱑᱙᱖᱔) ᱫᱚ ᱵᱽᱨᱤᱴᱤᱥ ᱤᱱᱰᱤᱭᱟ ᱨᱤᱱᱤᱡ ᱯᱷᱩᱴᱵᱚᱞ ᱠᱷᱮᱞᱚᱸᱰᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱑᱙᱒᱔ ᱨᱮ ᱥᱤᱧᱚᱛ ᱡᱟᱹᱛᱤᱭᱟᱹᱨᱤ ᱯᱷᱩᱴᱵᱚᱞ ᱫᱚᱞ ᱞᱟᱹᱜᱤᱫ ᱮ ᱠᱷᱮᱞ ᱞᱮᱫ ᱛᱟᱦᱮᱸᱫ ᱟᱨ ᱑᱙᱒᱖ ᱨᱮ ᱚᱱᱟ ᱨᱤᱱᱤᱡ ᱠᱟᱯᱴᱮᱱ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱯᱷᱚᱨᱣᱟᱨᱰ ᱞᱮᱠᱟᱛᱮᱭ ᱠᱷᱮᱞ ᱞᱮᱫ ᱛᱟᱦᱮᱸᱫ ᱾ ᱥᱟᱢᱟᱫᱽ ᱟᱜ ᱯᱷᱩᱴᱵᱚᱞ ᱠᱮᱨᱤᱭᱚᱨ ᱫᱚ ᱑᱙᱑᱕ ᱠᱷᱚᱱ ᱑᱙᱓᱘ ᱫᱷᱟᱹᱵᱤᱡ ᱛᱟᱦᱮᱸ ᱠᱟᱱᱟ ᱾
ᱯᱩᱭᱞᱩ ᱡᱤᱭᱚᱱ
ᱥᱟᱢᱟᱫᱽ ᱫᱚ ᱵᱽᱨᱤᱴᱤᱥ ᱥᱤᱧᱚᱛ ᱨᱮᱱᱟᱜ ᱵᱚᱨᱫᱩᱣᱟᱱ (ᱵᱚᱨᱫᱷᱚᱢᱟᱱ), ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ (ᱱᱤᱛᱚᱜ ᱯᱚᱪᱷᱤᱢ ᱵᱮᱝᱜᱚᱞ ᱨᱮ) ᱨᱮ ᱑᱙᱘᱕ ᱥᱟᱞᱮ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱛᱟᱭᱚᱢ ᱟᱡᱟᱜ ᱜᱷᱟᱨᱚᱸᱡᱽ ᱫᱚ ᱢᱩᱞᱵᱤᱴᱳᱞᱟ ᱛᱮ ᱠᱚ ᱩᱪᱟᱹᱲ ᱞᱮᱱ ᱛᱟᱦᱮᱸᱫ ᱾ ᱤᱨᱟᱹᱞ ᱪᱟᱱᱚᱪ ᱚᱠᱛᱚ ᱨᱮ ᱩᱱᱤ ᱟᱥᱲᱟ ᱫᱚᱭ ᱵᱟᱹᱜᱤ ᱠᱮᱫᱼᱟ ᱾ ᱥᱟᱢᱟᱫᱽ ᱫᱚ ᱟᱡᱟᱜ ᱜᱤᱫᱽᱨᱟᱹ ᱚᱠᱛᱚ ᱠᱷᱚᱱ ᱜᱮ ᱯᱷᱩᱴᱵᱚᱞ ᱨᱮ ᱟᱡᱟᱜ ᱴᱮᱞᱮᱱᱴ ᱮ ᱩᱫᱩᱜ ᱥᱚᱫᱚᱨ ᱞᱮᱫ-ᱟ ᱟᱨ ᱟᱡᱟᱜ ᱟᱥᱲᱟ ᱨᱤᱱᱤᱡ ᱦᱮᱰᱢᱮᱥᱴᱚᱨ - ᱯᱤᱭᱟᱨᱤ ᱢᱳᱦᱚᱱ ᱢᱩᱠᱷᱟᱨᱡᱤ ᱴᱷᱮᱱ ᱠᱷᱚᱱᱮ ᱚᱨᱥᱚᱝ ᱞᱮᱱᱟ ᱾ ᱯᱷᱩᱴᱵᱚᱞ ᱠᱷᱮᱞ ᱥᱟᱶᱛᱮ ᱩᱱᱤ ᱫᱚ ᱠᱨᱤᱠᱮᱴ ᱟᱨ ᱴᱮᱱᱤᱥ ᱠᱷᱮᱞ ᱦᱚᱸᱭ ᱮᱦᱚᱵ ᱞᱮᱫᱼᱟ ᱾ ᱥᱟᱢᱟᱫᱽ ᱟᱡ ᱵᱟᱵᱟ ᱥᱚᱭᱚᱫᱽ ᱯᱷᱚᱡᱽᱞᱩᱞ ᱵᱟᱨᱤ ᱫᱚ ᱢᱤᱫ ᱥᱚᱨᱠᱟᱨᱤ ᱠᱟᱹᱢᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱟᱨ ᱟᱡ ᱜᱚᱲᱚᱢᱵᱟ ᱫᱚ "ᱥᱚᱫᱽᱨᱮ ᱟᱞᱟ" (ᱩᱱ ᱚᱠᱛᱚ ᱨᱮ ᱢᱤᱫ ᱪᱮᱛᱟᱱ ᱡᱩᱰᱤᱥᱤᱭᱟᱞ ᱯᱚᱥᱴ) ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾
ᱠᱷᱮᱞᱚᱱᱰᱤᱭᱟᱹ ᱡᱤᱭᱚᱱ
ᱡᱩᱣᱟᱹᱱ ᱠᱮᱨᱤᱭᱚᱨ
ᱥᱟᱢᱟᱫᱽ ᱫᱚ ᱯᱩᱨᱱᱤᱭᱟ ᱡᱤᱞᱟ ᱟᱥᱲᱟ ᱞᱟᱹᱜᱤᱫ ᱤᱱᱴᱟᱨᱥᱠᱩᱞ ᱴᱩᱨᱱᱟᱢᱮᱱᱴ ᱨᱮ ᱯᱷᱩᱴᱵᱚᱞ ᱮ ᱠᱷᱮᱞ ᱞᱮᱫᱼᱟ ᱟᱨ ᱩᱢᱟᱯᱚᱛᱤ ᱠᱩᱢᱟᱨ ᱟᱜ ᱠᱤᱥᱟᱱᱜᱚᱸᱡᱽ ᱦᱟᱭᱟᱨ ᱤᱝᱞᱤᱥ ᱟᱥᱲᱟ ᱵᱤᱨᱩᱫᱷ ᱨᱮ ᱑᱐-᱐ ᱜᱳᱞ ᱮ ᱮᱢ ᱞᱮᱫᱼᱟ ᱾ ᱩᱱᱤ ᱫᱚ ᱟᱡᱟᱜ ᱟᱥᱲᱟ ᱴᱤᱢ ᱯᱷᱚᱠᱩᱥ ᱠᱳᱯ ᱡᱤᱛᱠᱟᱹᱨ ᱨᱮ ᱜᱚᱲᱚᱭ ᱮᱢ ᱞᱮᱜᱼᱟ ᱾ ᱯᱩᱨᱱᱤᱭᱟ ᱡᱩᱱᱤᱭᱚᱨ ᱯᱷᱩᱴᱵᱚᱞ ᱠᱞᱚᱵᱽ ᱨᱮ ᱠᱷᱮᱞ ᱠᱟᱛᱮ ᱩᱱᱤ ᱫᱚ ᱠᱚᱞᱠᱟᱛᱟ ᱨᱤᱱ ᱯᱷᱩᱴᱵᱚᱞ ᱠᱞᱚᱵᱽ ᱢᱟᱱᱮᱡᱟᱨ ᱠᱚᱣᱟᱜ ᱫᱷᱮᱭᱟᱱ ᱮ ᱟᱠᱚᱴ ᱞᱮᱫ-ᱟ ᱾
ᱥᱤᱱᱤᱭᱚᱨ ᱠᱮᱨᱤᱭᱚᱨ
ᱩᱱᱤ ᱫᱚ ᱑᱙᱑᱒ ᱨᱮ ᱠᱚᱞᱠᱟᱛᱟ ᱢᱮᱭᱱ ᱴᱟᱣᱩᱱ ᱠᱞᱚᱵᱽ ᱨᱮᱭ ᱥᱮᱞᱮᱫ ᱞᱮᱱᱟ ᱾ ᱑᱙᱑᱕-᱑᱙᱒᱐ ᱨᱮ, ᱩᱱᱤ ᱫᱚ ᱨᱚᱝᱯᱩᱨ ᱨᱮᱱᱟᱜ ᱛᱟᱡᱽᱦᱟᱴ ᱯᱷᱩᱴᱵᱚᱞ ᱠᱞᱚᱵᱽ ᱞᱟᱹᱜᱤᱫ ᱮ ᱠᱷᱮᱞ ᱞᱮᱫᱼᱟ ᱾ ᱑᱘᱘᱘ ᱥᱟᱞᱮ ᱨᱮ ᱫᱩᱠᱷᱤᱨᱟᱢ ᱢᱚᱡᱩᱢᱫᱮᱨ ᱫᱚ ᱟᱨᱭᱟᱱ ᱠᱞᱚᱵᱽ ᱨᱮᱱ ᱢᱤᱫᱴᱮᱱ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟ, ᱩᱱᱤ ᱫᱚ ᱥᱟᱢᱟᱫᱽ ᱞᱮᱠᱟᱱ ᱠᱷᱮᱞᱚᱸᱰᱤᱭᱟᱹ ᱠᱚ ᱞᱟᱦᱟ ᱥᱮᱱ ᱟᱹᱜᱩ ᱨᱮ ᱟᱹᱰᱤ ᱢᱟᱨᱟᱝ ᱮᱱᱮᱢ ᱢᱮᱱᱟᱜᱼᱟ ᱾ ᱥᱟᱢᱟᱫᱽ ᱫᱚ ᱩᱱᱤ ᱴᱷᱮᱱ ᱠᱷᱚᱱ ᱯᱩᱭᱞᱩ ᱯᱷᱩᱴᱵᱚᱞ ᱴᱨᱮᱱᱤᱝ ᱦᱚᱸᱭ ᱦᱟᱛᱟᱣ ᱞᱮᱫᱼᱟ ᱾ ᱑᱙᱒᱗ ᱥᱟᱞᱮ ᱨᱮ, ᱩᱱᱤ ᱫᱚ ᱰᱷᱟᱠᱟ ᱨᱮᱱᱟᱜ ᱵᱷᱤᱠᱴᱚᱨᱤᱭᱟ ᱥᱯᱳᱨᱴᱤᱝ ᱠᱞᱚᱵ ᱨᱮ ᱥᱮᱞᱮᱫ ᱞᱮᱱᱟᱭ ᱾
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱥᱚᱭᱚᱫᱽ ᱟᱵᱽᱫᱩᱥ ᱥᱟᱢᱟᱫᱽ (ᱯᱷᱩᱴᱵᱚᱞ ᱠᱷᱮᱞᱚᱸᱰᱤᱭᱟᱹ), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.