ᱥᱚᱪᱤᱱ ᱛᱮᱱᱫᱩᱞᱠᱚᱨ
ᱥᱚᱪᱤᱱ ᱨᱚᱢᱮᱥ ᱛᱮᱱᱫᱩᱞᱠᱚᱨ ᱫᱚ ᱥᱤᱧᱚᱛ ᱨᱤᱱᱤᱡ ᱢᱟᱨᱮ ᱠᱨᱤᱠᱮᱴ ᱠᱷᱮᱞᱚᱸᱰᱤᱭᱟᱹ ᱟᱨ ᱡᱮᱜᱮᱛ ᱠᱨᱤᱠᱮᱴ ᱨᱤᱱᱤᱡ ᱧᱩᱛᱩᱢᱟᱱ ᱠᱨᱤᱠᱮᱴ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱵᱟᱱᱟᱨ ᱴᱮᱥᱴ ᱟᱨ ᱢᱤᱫ ᱫᱤᱱᱟᱜ (one day) ᱠᱨᱤᱠᱮᱴ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱨᱚᱱ ᱟᱠᱟᱫ ᱠᱨᱤᱠᱮᱴᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱠᱨᱤᱠᱮᱴ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱫᱷᱟᱣ ᱥᱟᱭ ᱥᱮᱴᱮᱨ ᱟᱠᱟᱫ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ ᱾ ᱥᱚᱤᱱ ᱫᱚ ᱯᱩᱭᱞᱩ ᱠᱷᱮᱞᱚᱸᱰᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱢᱤᱫ ᱫᱤᱱᱟᱜ ᱠᱷᱮᱞᱚᱸᱰ ᱨᱮ ᱵᱟᱨᱥᱟᱭ ᱨᱚᱱ ᱮ ᱥᱮᱴᱮᱨ ᱞᱮᱫ ᱛᱟᱦᱮᱸᱫ ᱾ ᱥᱚᱪᱤᱱ ᱫᱚ ᱥᱤᱧᱚᱛ ᱯᱟᱴᱷᱟ ᱠᱷᱚᱱ ᱖ ᱫᱷᱟᱣ ᱠᱨᱤᱠᱮᱴ ᱡᱮᱜᱮᱛᱠᱚᱯ ᱮ ᱮᱱᱮᱡ ᱟᱠᱟᱫᱼᱟ ᱟᱨ ᱒᱐᱑᱑ ᱡᱮᱜᱮᱛᱠᱚᱯ ᱡᱤᱛᱠᱟᱹᱨ ᱫᱚᱞ ᱨᱤᱱᱤᱡ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ ᱾ ᱥᱤᱧᱚᱛ ᱥᱟᱶᱛᱮ ᱡᱮᱜᱮᱛ ᱠᱨᱤᱠᱮᱴ ᱨᱮ ᱟᱡᱟᱜ ᱫᱟᱢᱟᱱ ᱮᱱᱮᱢ ᱠᱷᱟᱹᱛᱤᱨ ᱒᱐᱑᱔ ᱥᱟᱞᱮ ᱨᱮ ᱵᱷᱟᱨᱚᱛ ᱨᱚᱛᱱᱚ ᱢᱟᱹᱱ ᱥᱤᱨᱯᱷᱟᱹ ᱠᱚ ᱮᱢᱟᱫ ᱫᱮ ᱛᱟᱦᱮᱸᱫ ᱾ ᱱᱟᱶᱟ ᱢᱟᱹᱱ ᱧᱟᱢ ᱨᱤᱱᱤᱡ ᱫᱚ ᱯᱩᱭᱞᱩ ᱠᱷᱮᱞᱚᱸᱰᱤᱭᱟᱹᱭ ᱛᱟᱦᱮᱸᱠᱟᱱᱟ ᱾
ᱥᱟᱭ ᱟᱱᱟᱜ ᱥᱮᱧᱪᱩᱨᱤ
ᱛᱮᱱᱫᱩᱞᱠᱚᱨ ᱟᱡᱟᱜ ᱥᱟᱭ ᱟᱱᱟᱜ ᱡᱮᱡᱟᱹᱛᱤᱭᱟᱹᱨᱤ ᱥᱮᱧᱪᱩᱨᱤ ᱥᱮᱴᱮᱨ ᱠᱮᱫᱼᱟ ᱑᱖ ᱢᱟᱨᱪ ᱒᱐᱑᱒ ᱨᱮ ᱡᱟᱦᱟᱸ ᱫᱚ ᱵᱟᱝᱞᱟᱰᱫᱮᱥ ᱥᱟᱶ ᱮᱥᱤᱭᱟ ᱠᱚᱯ ᱮᱱᱮᱡ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱱᱟᱜᱟᱢ ᱨᱤᱱᱤᱡ ᱯᱩᱭᱞᱩ ᱦᱚᱲ ᱠᱟᱱᱟᱭ ᱡᱟᱦᱟᱸᱭ ᱫᱚᱱᱚᱱᱠᱟᱱ ᱜᱷᱟᱸᱭ ᱭᱮ ᱯᱟᱨᱚᱢ ᱟᱠᱟᱫᱼᱟ ᱾ ᱱᱚᱶᱟ ᱫᱚ ᱵᱟᱝᱞᱟᱰᱫᱮᱥ ᱵᱟᱱᱟᱢ ᱟᱡᱟᱜ ᱯᱩᱭᱞᱩ ᱥᱮᱧᱪᱩᱨᱤ ᱛᱟᱦᱮᱸᱠᱟᱱᱟ ᱾ ᱩᱱᱤ ᱢᱮᱱ ᱞᱮᱫᱟᱭ ᱪᱤ ᱟᱡ ᱫᱚ ᱱᱚᱝᱠᱟᱱ ᱢᱤᱫ ᱠᱦᱩᱱᱴᱤ ᱯᱟᱨᱚᱢ ᱨᱮᱱᱟᱜ ᱠᱟᱛᱷᱟ ᱵᱟᱭ ᱛᱷᱤᱛ ᱞᱮᱫᱼᱟ , ᱱᱚᱶᱟ ᱠᱚ ᱥᱟᱱᱟᱢ ᱢᱮᱰᱤᱭᱟ ᱦᱟᱜ ᱠᱟᱹᱨᱤᱠᱚᱞ ᱛᱟᱦᱮᱸ ᱠᱟᱱᱟ ᱾ ᱟᱡ ᱡᱟᱦᱟᱸ ᱥᱮᱫ ᱮ ᱥᱮᱱᱚᱜ ᱠᱟᱱ ᱛᱟᱦᱮᱸᱫ ᱜᱚᱴᱟ ᱜᱮ ᱥᱟᱭ ᱟᱱᱟᱜ ᱥᱮᱧᱪᱩᱨᱤ ᱠᱟᱛᱷᱟ ᱜᱮ ᱟᱸᱡᱚᱢᱚᱜ ᱠᱟᱱ ᱛᱟᱦᱮᱸᱫ, ᱢᱮᱱᱠᱷᱟᱱ ᱙᱙ ᱟᱱᱟᱜ ᱥᱮᱧᱪᱩᱨᱤ ᱠᱛᱷᱟ ᱫᱚ ᱵᱟᱝ ᱾ ᱚᱱᱠᱟᱛᱮ ᱱᱚᱶᱟ ᱠᱟᱛᱷᱟ ᱢᱚᱱᱮ ᱨᱮ ᱟᱹᱰᱤ ᱛᱮᱫ ᱵᱚᱞᱚᱭᱮᱱᱟ ᱟᱨ ᱥᱟᱭ ᱥᱮᱧᱪᱩᱨᱤ ᱯᱩᱨᱟᱹᱶ ᱞᱟᱹᱜᱤᱫ ᱢᱚᱱᱮ ᱢᱩᱠᱨᱩᱲ ᱞᱮᱫ ᱛᱟᱦᱮᱸᱫ ᱾
ᱡᱟᱹᱛᱤᱭᱟᱹᱨᱤ ᱢᱟᱹᱱ
- ᱑᱙᱙᱔ - ᱚᱨᱡᱩᱱ ᱥᱤᱨᱯᱷᱟᱹ, ᱥᱤᱧᱚᱛ ᱥᱚᱨᱠᱟᱨ ᱯᱟᱴᱷᱟ ᱠᱷᱚᱱ ᱠᱷᱮᱞᱚᱸᱰ ᱨᱮ ᱜᱩᱱᱢᱟᱱ ᱮᱱᱮᱢ ᱠᱷᱟᱹᱛᱤᱨ ᱾
- ᱑᱙᱙᱗-᱙᱘ - ᱨᱟᱡᱤᱵᱽ ᱜᱟᱱᱫᱷᱤ ᱠᱷᱮᱞ ᱨᱚᱛᱱᱚ, ᱥᱤᱧᱚᱛ ᱨᱮᱱᱟᱦ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱢᱟᱹᱱ ᱠᱷᱮᱞᱚᱸᱰ ᱨᱮ ᱜᱩᱱᱢᱟᱱ ᱮᱱᱮᱢ ᱠᱷᱟᱹᱛᱤᱨ ᱾
- ᱑᱙᱙᱙ - ᱯᱚᱫᱽᱢᱚ ᱥᱨᱤ, ᱥᱤᱧᱚᱛᱛ ᱨᱮᱱᱟᱜ ᱯᱩᱱᱟᱜ ᱢᱟᱨᱟᱝ ᱥᱚᱥᱱᱚᱜ ᱥᱤᱨᱯᱷᱟᱹ ᱾
- ᱒᱐᱐᱘ - ᱯᱚᱫᱽᱢᱚ ᱵᱤᱵᱷᱩᱥᱚᱬᱚ, ᱥᱤᱧᱚᱛᱛ ᱨᱮᱱᱟᱜ ᱫᱚᱥᱟᱨ ᱢᱟᱨᱟᱝ ᱥᱚᱥᱱᱚᱜ ᱥᱤᱨᱯᱷᱟᱹ ᱾
- ᱒᱐᱑᱔ - ᱵᱷᱟᱨᱚᱛ ᱨᱚᱛᱱᱚ, ᱥᱤᱧᱚᱛᱛ ᱨᱮᱱᱟᱜ ᱡᱚᱛᱚᱠᱷᱚᱱ ᱢᱟᱨᱟᱝ ᱥᱚᱥᱱᱚᱜ ᱥᱤᱨᱯᱷᱟᱹ ᱾
ᱵᱟᱨᱦᱮ ᱡᱚᱱᱚᱲ
ᱥᱟ.ᱠᱷᱭᱟ.ᱛ
{{ᱥᱟᱹᱠᱷᱭᱟᱹᱛ}
This article uses material from the Wikipedia ᱥᱟᱱᱛᱟᱲᱤ article ᱥᱚᱪᱤᱱ ᱛᱮᱱᱫᱩᱞᱠᱚᱨ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.