ᱤᱵᱽᱱᱮ ᱠᱷᱟᱞᱫᱩᱱ ᱤᱝᱨᱟᱹᱡᱤ ᱛᱮ ᱫᱚIbn_Khaldun ᱟᱨ ᱟᱨᱵᱤ ᱛᱮ ᱫᱚ أبو زيد عبد الرحمن بن محمد بن خلدون الحضرمي, ᱟᱵᱩ ᱡᱟᱭᱮᱫᱽ ᱟᱵᱽᱫᱩᱞ ᱨᱚᱦᱚᱢᱟᱱ ᱵᱤᱱ ᱢᱳᱦᱟᱢᱢᱚᱫᱽ ᱵᱤᱱ ᱠᱷᱟᱞᱫᱩᱱ ᱦᱟᱫᱽᱨᱟᱢᱤ (᱒᱗ ᱢᱮ ᱑᱓᱓᱒/᱗᱓᱒ ᱦᱤᱡᱽᱨᱤ – ᱑᱙ ᱢᱟᱨᱪ ᱑᱔᱐᱖/᱘᱐᱘ ᱦᱤᱡᱽᱨᱤ)᱾ ᱤᱵᱽᱱᱮ ᱠᱷᱟᱞᱫᱩᱱ ᱫᱚ ᱟᱨᱚᱵᱽ ᱢᱩᱥᱞᱟᱹ ᱯᱚᱱᱰᱤᱛᱮ ᱛᱟᱦᱮ ᱠᱟᱱᱟ ᱾ ᱱᱟᱦᱟᱜ ᱥᱟᱶᱛᱟ ᱥᱟᱬᱮᱥ, ᱱᱟᱜᱟᱢ ᱟᱨ ᱠᱟᱹᱣᱰᱤ ᱟᱹᱨᱤ ᱨᱮᱱ ᱟᱯᱟᱛ ᱠᱚ ᱢᱩᱫᱽ ᱨᱮ ᱱᱩᱭ ᱦᱚᱭ ᱞᱮᱠᱷᱟ ᱧᱟᱢᱚᱜᱼᱟ ᱾ ᱤᱵᱽᱱᱮ ᱠᱷᱟᱞᱫᱩᱱ ᱫᱚ ᱟᱭᱟᱜ ᱚᱞ ᱯᱚᱛᱚᱵ ᱢᱩᱠᱟᱫᱫᱤᱢᱟ ᱠᱷᱟᱹᱛᱤᱨ ᱜᱮ ᱰᱮᱨ ᱫᱚᱭ ᱵᱟᱰᱟᱭᱚᱜᱼᱟ ᱾ ᱑᱗ ᱥᱟᱭ ᱥᱮᱡ ᱩᱥᱢᱟᱱᱤᱭᱟ ᱨᱮᱱ ᱱᱟᱜᱟᱢᱤᱭᱟᱹ ᱠᱟᱛᱤᱵᱽ ᱪᱮᱞᱮᱵᱤ ᱟᱨ ᱢᱳᱥᱛᱚᱯᱷᱟ ᱱᱟᱭᱱᱟ ᱱᱤᱭᱟᱹ ᱯᱚᱛᱚᱵ ᱞᱮᱠᱟᱛᱮ ᱩᱥᱢᱟᱱᱤᱭᱟ ᱥᱟᱢᱨᱟᱡᱽ ᱨᱮᱱᱟᱜ ᱛᱤᱸᱜᱩᱱ ᱟᱨ ᱫᱷᱟᱥ ᱨᱮᱱᱟᱜ ᱠᱤᱱ ᱵᱤᱪᱟᱨ ᱞᱮᱫᱟ ᱾ ᱑᱙ ᱥᱟᱭ ᱥᱮᱡ ᱤᱭᱩᱨᱚᱯ ᱨᱮᱱ ᱯᱚᱱᱰᱤᱛ ᱠᱚ ᱱᱤᱭᱟᱹ ᱯᱚᱛᱚᱵ ᱨᱮᱱᱟᱜ ᱡᱟᱹᱨᱩᱲ ᱠᱚ ᱟᱸᱜᱚᱡᱽ ᱠᱮᱫᱟ ᱾ ᱟᱨ ᱤᱵᱽᱱᱮ ᱠᱷᱟᱞᱫᱩᱱ ᱫᱚ ᱢᱩᱥᱞᱟᱹ ᱠᱚ ᱨᱮᱱ ᱥᱟᱱᱟᱥᱤ ᱢᱮᱱᱛᱮ ᱠᱚ ᱢᱟᱱᱟᱣ ᱠᱤᱫᱤᱭᱟ᱾
This article uses material from the Wikipedia ᱥᱟᱱᱛᱟᱲᱤ article ᱤᱵᱽᱱᱮ ᱠᱷᱟᱞᱫᱩᱱ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.