ᱜᱩᱰ ᱯᱷᱨᱟᱭᱰᱮ ᱫᱚ ᱦᱳᱞᱤ ᱯᱷᱨᱟᱭᱰᱮ, ᱵᱽᱞᱮᱠ ᱯᱷᱨᱟᱭᱰᱮ ᱟᱨᱵᱟᱝ ᱜᱽᱨᱮᱴ ᱯᱷᱨᱟᱭᱰᱮ ᱦᱚᱸᱠᱚ ᱢᱮᱛᱟᱦᱟᱜ-ᱟ ᱾ ᱱᱚᱶᱟ ᱯᱟᱨᱟᱵᱽ ᱫᱚ ᱤᱥᱟᱭ ᱫᱷᱚᱨᱚᱢ ᱨᱤᱱ ᱦᱚᱲ ᱦᱚᱛᱮᱛᱮ ᱠᱮᱭᱞᱵᱚᱨᱤ ᱨᱮ ᱤᱥᱟ ᱢᱚᱥᱤᱦᱟ ᱫᱚ ᱠᱟᱴ ᱨᱮᱠᱚ ᱠᱟᱱᱴᱟ ᱞᱟᱴᱷᱟ ᱞᱮᱫᱮ ᱠᱷᱟᱹᱛᱤᱨ ᱮ ᱜᱚᱡ ᱞᱮᱱ ᱛᱮ ᱱᱤᱭᱟᱹ ᱚᱠᱛᱚ ᱨᱮᱠᱚ ᱢᱟᱱᱟᱣ ᱵᱟᱛᱟᱣᱟ ᱾ ᱱᱚᱶᱟ ᱯᱟᱨᱟᱵᱽ ᱫᱚ ᱥᱚᱱᱚᱛ ᱦᱟᱯᱛᱟ ᱠᱷᱟᱹᱛᱤᱨ ᱠᱚ ᱢᱟᱱᱟᱣᱟ, ᱡᱟᱦᱟᱸ ᱫᱚ ᱤᱥᱴᱚᱨ ᱥᱚᱱᱰᱮ ᱠᱷᱚᱱ ᱞᱟᱦᱟ ᱯᱟᱲᱟᱣᱜ ᱠᱟᱱ ᱡᱟᱹᱨᱩᱢ ᱢᱟᱦᱟᱸᱨᱮ ᱦᱤᱡᱩᱜ-ᱟ ᱾ ᱟᱨ ᱱᱚᱶᱟ ᱨᱮᱱᱟᱜ ᱢᱟᱱᱟᱣ ᱵᱟᱛᱟᱣ ᱫᱚ ᱯᱟᱥᱠᱚᱞ ᱴᱨᱤᱰᱚᱢ ᱨᱮᱱᱟᱜ ᱦᱟᱹᱴᱤᱧ ᱞᱮᱠᱟᱛᱮ ᱠᱚ ᱛᱚᱨᱟᱣᱮᱫ-ᱟ ᱟᱨ ᱱᱚᱶᱟ ᱫᱚ ᱞᱮᱛᱟᱲ ᱭᱚᱦᱩᱫᱤ ᱠᱚᱣᱟᱜ ᱯᱟᱥᱳᱵᱚᱨ ᱥᱟᱶ ᱯᱟᱲᱟᱣᱜ ᱠᱟᱱᱟ ᱾
ᱥᱚᱱᱮᱫᱽᱨᱤᱱ ᱴᱨᱟᱭᱚᱞ ᱟᱯᱷ ᱡᱮᱥᱩᱥ ᱟᱜ ᱥᱯᱤᱨᱤᱪᱩᱣᱟᱞ ᱮᱠᱟᱶᱴ ᱞᱮᱠᱟᱛᱮ ᱡᱤᱥᱩᱣᱟᱜ ᱠᱨᱩᱥᱤᱯᱷᱤᱠᱮᱥᱚᱱ ᱫᱚ ᱦᱩᱭ ᱫᱟᱲᱮᱭᱟᱜ-ᱟ, ᱡᱟᱦᱟᱸ ᱜᱮ ᱢᱤᱫᱴᱟᱹᱝ ᱡᱟᱹᱨᱩᱢ ᱢᱟᱦᱟᱸ ᱠᱚ ᱫᱚᱦᱚ ᱞᱮᱫ-ᱟ ᱾ ᱵᱟᱨᱭᱟ ᱵᱷᱤᱱᱟᱹ ᱜᱟᱫᱮᱞ ᱠᱷᱟᱹᱛᱤᱨ ᱜᱩᱰ ᱯᱷᱨᱟᱭᱰᱮ ᱟᱜ ᱚᱱᱢᱟᱱ ᱥᱮᱨᱢᱟ ᱫᱚ ᱮᱰᱤ ᱓᱓ ᱠᱟᱱᱟ, ᱤᱠᱷᱟᱹᱱ ᱟᱭᱡᱚᱠ ᱱᱤᱣᱴᱚᱱ ᱫᱚ ᱵᱟᱭᱵᱮᱨ ᱟᱨ ᱡᱩᱞᱤᱭᱚᱱ ᱠᱮᱞᱮᱱᱰᱚᱨ ᱨᱮᱱᱟᱜ ᱛᱟᱞᱟ ᱨᱮ ᱵᱷᱮᱯᱮᱫ ᱟᱨ ᱪᱟᱸᱫᱚᱣᱟᱜ ᱜᱚᱲᱦᱚᱱ ᱞᱮᱠᱟᱛᱮᱭ ᱦᱤᱥᱟᱹᱵᱽ ᱟᱠᱟᱫ-ᱟ ᱫᱚ ᱚᱱᱟ ᱥᱮᱨᱢᱟ ᱫᱚ ᱢᱩᱲ ᱞᱮᱠᱟ ᱮᱰᱤ ᱓᱔ ᱠᱟᱱᱟ ᱾ ref
ᱱᱟᱭᱵᱣᱨᱟ ᱞᱮᱠᱟᱛᱮ, ᱡᱤᱥᱩ ᱫᱚ ᱢᱩᱫᱽᱨᱤ ᱨᱤᱱ ᱦᱚᱨᱦᱚᱭᱤᱭᱟᱹ ᱠᱚ ᱜᱮᱛᱷᱥᱮᱢᱟᱱᱮ ᱜᱟᱨᱰᱮᱱ ᱨᱮ ᱩᱱᱤᱭᱤᱡ ᱟᱪᱮᱛᱤᱭᱟᱹ ᱭᱚᱦᱩᱫᱟ ᱤᱥᱠᱳᱨᱤᱭᱳᱛᱤ ᱟᱜ ᱟᱹᱜᱽᱣᱟᱹᱱ ᱨᱮᱠᱚ ᱦᱟᱹᱲᱤ ᱞᱮᱫᱮ ᱛᱟᱦᱮᱸᱫ ᱾ ᱭᱚᱦᱩᱫᱟ ᱫᱚ (ᱪᱟᱸᱫᱤ ᱨᱮᱱᱟᱜ ᱓᱐ ᱠᱮᱪᱟᱜ ) ᱨᱮᱱᱟᱜ ᱵᱚᱫᱚᱞ ᱛᱮ ᱡᱤᱥᱩ ᱥᱟᱶ ᱮ ᱯᱟᱹᱛᱭᱟᱹᱣᱜᱷᱟᱹᱞ ᱠᱮᱫ-ᱟ ᱟᱨ ᱢᱩᱫᱽᱨᱤ ᱨᱤᱱ ᱦᱚᱨᱦᱚᱭᱤᱭᱟᱹ ᱠᱚᱭ ᱢᱮᱛᱟᱫ ᱠᱚᱣᱟ ᱫᱚ ᱩᱱᱤ ᱡᱟᱦᱟᱸᱭ ᱴᱷᱮᱱ ᱠᱷᱚᱱ ᱪᱚᱜ ᱮ ᱦᱟᱛᱟᱣᱟ ᱩᱱᱤ ᱜᱮ ᱩᱱᱤᱭ ᱦᱟᱹᱲᱤ ᱮᱭᱟ ᱾ ᱡᱤᱥᱩ ᱦᱟᱹᱲᱤ ᱠᱟᱛᱮ ᱚᱱᱱᱟᱥ ᱚᱲᱟᱜ ᱛᱮᱠᱚ ᱟᱹᱜᱩ ᱠᱮᱫᱮᱭᱟ, ᱡᱟᱦᱟᱸᱭ ᱩᱱ ᱡᱚᱦᱚᱜᱤᱡ ᱢᱟᱬᱛᱮ ᱵᱚᱸᱜᱟ ᱮᱫᱤᱡ ᱠᱟᱭᱤᱭᱟᱯᱷᱚᱥ ᱤᱡ ᱯᱚᱧᱦᱟᱨ ᱵᱟᱵᱟᱭ ᱛᱟᱦᱮᱸ ᱠᱟᱱᱟ ᱾ ᱚᱸᱰᱮ ᱩᱱᱤ ᱠᱚ ᱠᱩᱞᱤ ᱠᱮᱫᱮᱭᱟ ᱤᱠᱷᱟᱹᱱ ᱚᱱᱟ ᱨᱮᱱᱟᱜ ᱪᱮᱫ ᱦᱚᱸ ᱱᱟᱯᱟᱭ ᱚᱨᱡᱚ ᱫᱚ ᱵᱟᱝ ᱚᱰᱚᱠ ᱞᱮᱱᱟ ᱾ ᱡᱟᱦᱟᱸ ᱛᱟᱭᱚᱢ ᱩᱱᱤ ᱛᱟᱭᱚᱢ ᱤᱱᱤ ᱫᱚ ᱢᱟᱬᱛᱮ ᱯᱩᱨᱚᱦᱤᱛ ᱠᱟᱭᱤᱭᱟᱯᱷᱚᱥ ᱴᱷᱮᱱ ᱠᱚ ᱵᱷᱮᱡᱟ ᱠᱮᱫᱮᱭᱟ ᱡᱟᱦᱟᱸᱨᱮ ᱥᱮᱱᱦᱮᱸᱫᱽᱨᱤᱱ ᱥᱮᱴᱮᱨ ᱠᱚ ᱛᱟᱦᱮᱸ ᱠᱟᱱᱟ ᱾
ᱟᱹᱰᱤ ᱜᱟᱱ ᱯᱚᱨᱢᱟᱬ ᱜᱮ ᱡᱤᱥᱩ ᱵᱤᱨᱩᱫᱷ ᱛᱮ ᱵᱚᱭᱟᱱ ᱠᱚ ᱮᱢ ᱠᱮᱫ-ᱟ ᱡᱟᱦᱟᱸ ᱨᱮᱱᱟᱜ ᱡᱩᱥᱩ ᱫᱚ ᱪᱚᱫ ᱦᱚᱸ ᱛᱮᱞᱟ ᱵᱟᱭ ᱮᱢ ᱞᱮᱫ-ᱟ ᱾ ᱢᱩᱪᱟᱹᱫ ᱨᱮ ᱢᱩᱲᱩᱛ ᱵᱟᱵᱽᱬᱮ ᱫᱚ ᱡᱤᱥᱩᱭ ᱢᱮᱛᱟ ᱟᱫᱮᱭᱟ ᱩᱱᱤ ᱫᱚ ᱥᱚᱱᱚᱛ ᱠᱤᱭᱟᱹ ᱦᱟᱛᱟᱣ ᱠᱟᱛᱮ ᱛᱮᱞᱟ ᱮᱢ ᱨᱮᱱᱟᱜ ᱟᱫᱮᱥ ᱮᱢ ᱠᱟᱛᱮᱭ ᱢᱮᱛᱟ ᱫᱮᱭᱟ - "ᱤᱧ, ᱟᱢ ᱤᱥᱥᱚᱨ ᱟᱜ ᱠᱟᱛᱷᱟ ᱥᱟᱢᱟᱝ ᱠᱟᱛᱮ ᱟᱢ ᱟᱫᱮᱥ ᱤᱧ ᱮᱢᱟᱢ ᱠᱟᱱᱟ, ᱟᱢ ᱟᱞᱳ ᱞᱟᱹᱭ ᱟᱞᱮ ᱢᱮ ᱪᱤ ᱪᱮᱫ ᱟᱢ ᱜᱮ ᱢᱤᱫ ᱦᱚᱲ ᱢᱟᱱᱟᱣ ᱵᱟᱛᱟᱣ ᱟᱠᱟᱫ ᱢᱮ ᱦᱚᱲ ᱠᱟᱱᱟᱢ, ᱯᱚᱨᱢᱮᱥᱣᱚᱨ ᱤᱡ ᱦᱚᱯᱚᱱ ᱠᱟᱱᱟᱢ ?" ᱡᱤᱥᱩ ᱱᱮᱢᱚᱥ ᱟᱲᱟᱝ ᱛᱮ ᱛᱮᱞᱟ ᱮᱢ ᱟᱛᱮᱭ ᱢᱮᱱ ᱠᱮᱫ-ᱟ ᱪᱤ, " ᱟᱢᱮᱢ ᱢᱮᱱ ᱟᱠᱟᱫ-ᱟ ᱟᱨ ᱚᱠᱛᱚ ᱥᱮᱴᱮᱨ ᱞᱮᱱ ᱠᱷᱟᱱ ᱟᱢᱮᱢ ᱧᱮᱞᱟ ᱪᱤ ᱥᱚᱨᱚᱜᱽ ᱨᱮᱱᱟᱜ ᱨᱟᱦᱞᱟ ᱛᱟᱞᱟᱨᱮ ᱢᱟᱹᱱᱢᱤᱭᱤᱡ ᱦᱚᱯᱚᱱ ᱡᱚᱛᱚ ᱠᱷᱚᱱ ᱫᱟᱲᱮ ᱯᱮᱨᱮᱡ ᱥᱟᱶᱛᱮ ᱡᱚᱡᱚᱢ ᱯᱟᱦᱴᱟ ᱨᱮᱭ ᱫᱩᱲᱩᱵ ᱟᱠᱟᱱᱟ ᱾" ᱢᱩᱬᱩᱛ ᱯᱩᱨᱚᱦᱤᱛ ᱫᱚ ᱡᱤᱥᱩ ᱤᱥᱥᱚᱨ ᱮ ᱦᱮᱱᱚᱛ ᱠᱮᱫᱮ ᱨᱮᱱᱟᱜ ᱮ ᱫᱳᱥ ᱮ ᱞᱟᱜᱟᱣ ᱟᱫᱮᱭᱟ ᱾ ᱟᱨ ᱡᱚᱛᱚ ᱦᱚᱲᱟᱜ ᱦᱮᱸ ᱥᱤᱠᱟᱹᱨ ᱞᱮᱠᱟᱛᱮ ᱜᱩᱡᱩᱜ ᱨᱮᱱᱟᱜ ᱥᱟᱡᱟᱭ ᱟᱸᱡᱚᱢ ᱟᱫᱮᱭᱟ ᱾ ᱯᱤᱴᱚᱨ ᱦᱚᱸ ᱠᱩᱞᱤ ᱠᱩᱯᱩᱞᱤ ᱚᱠᱛᱚ ᱨᱮ ᱡᱤᱥᱩ ᱪᱤᱱᱦᱟᱹᱣ ᱮ ᱫᱚ ᱯᱮ ᱫᱷᱟᱣ ᱮ ᱢᱟᱱᱟ ᱠᱮᱫ-ᱟ ᱾ ᱡᱤᱥᱩ ᱢᱟᱬᱟᱝ ᱠᱷᱚᱱ ᱜᱮᱭ ᱵᱟᱰᱟᱭ ᱛᱟᱦᱮᱸᱫ ᱪᱤ ᱯᱤᱴᱚᱨ ᱩᱱᱤ ᱯᱮ ᱫᱷᱟᱣ ᱪᱤᱱᱦᱟᱹᱣ ᱮ ᱞᱟᱹᱜᱤᱫ ᱮ ᱢᱟᱱᱟᱭᱟ ᱾ ᱩᱱᱤᱭᱟᱜ ᱵᱟᱱᱟᱨ ᱟᱱᱟᱡᱚᱧ ᱤᱜᱤ ᱠᱟᱛᱮ ᱜᱮ ᱡᱤᱥᱩᱣᱟᱜ ᱥᱮᱱᱦᱮᱱᱫᱽᱨᱤᱱ ᱟᱱᱟᱡᱚᱢ ᱟᱜ ᱚᱞ ᱧᱮᱞ, ᱡᱟᱦᱟᱸ ᱨᱮᱫᱚ ᱢᱤᱫ ᱧᱤᱫᱟᱹ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱥᱟᱶᱛᱮ ᱫᱚᱥᱟᱨ ᱥᱮᱛᱟᱜ ᱟᱨ ᱱᱚᱜ-ᱚᱭ ᱱᱚᱝᱠᱟᱱ ᱚᱠᱛᱚ ᱨᱮᱱᱟᱜ ᱵᱷᱮᱯᱮᱫ ᱠᱷᱟᱹᱛᱤᱨ ᱜᱩᱰ ᱯᱷᱨᱟᱭᱰᱮ ᱢᱟᱦᱟ ᱫᱚ ᱚᱨᱥᱚᱝᱚᱜ ᱠᱟᱱᱟ ᱾
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ Good Friday ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
ᱣᱤᱠᱤᱠᱩᱣᱚᱴ ᱨᱮ ᱜᱩᱰ ᱯᱷᱨᱟᱭᱰᱮ ᱥᱟᱶ ᱡᱚᱲᱟᱣᱟᱱᱟᱜ ᱠᱟᱛᱷᱟ ᱠᱚ ᱾ |
This article uses material from the Wikipedia ᱥᱟᱱᱛᱟᱲᱤ article ᱜᱩᱰ ᱯᱷᱨᱟᱭᱰᱮ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.