ᱱᱟᱦᱟᱜ ᱚᱞᱤᱢᱯᱤᱠ ᱠᱷᱮᱞᱚᱸᱰ ᱥᱮ ᱚᱞᱤᱢᱯᱤᱠ ᱦᱩᱭᱩᱜ ᱠᱟᱱᱟ ᱥᱤᱛᱩᱝ ᱟᱨ ᱨᱮᱭᱟᱲ ᱠᱷᱮᱹᱞ ᱨᱮᱭᱟᱜ ᱦᱮᱯᱨᱟᱣ ᱨᱮ ᱥᱮᱞᱮᱫ ᱟᱠᱟᱱ ᱢᱩᱲᱩᱫ ᱡᱮᱜᱮᱫ ᱡᱟᱠᱟᱛ ᱠᱷᱮᱞᱚᱸᱰ ᱟᱠᱷᱲᱟ, ᱡᱟᱦᱟ ᱨᱮ ᱡᱮᱜᱮᱫ ᱨᱮᱭᱟᱜ ᱥᱟᱥᱟᱭ ᱠᱷᱮᱞᱚᱸᱰᱤᱭᱟᱹ ᱟᱭᱢᱟ ᱞᱮᱠᱟᱱ ᱦᱮᱯᱨᱟᱣ ᱨᱮᱠᱚ ᱥᱮᱞᱮᱫᱚᱜᱼᱟ᱾ ᱚᱞᱤᱢᱯᱤᱠ ᱠᱷᱮᱞᱚᱸᱰ ᱫᱚ ᱡᱮᱜᱮᱫ ᱨᱮᱭᱟᱜ ᱥᱚᱨᱮᱥᱟᱱ ᱠᱷᱮᱞᱚᱸᱰ ᱦᱮᱯᱨᱟᱣ ᱞᱮᱠᱟᱛᱮ ᱢᱟᱱᱟᱣ ᱦᱳᱭᱳᱜᱼᱟ, ᱡᱟᱦᱟᱸ ᱨᱮ ᱒᱐᱐ ᱜᱚᱴᱟᱝ ᱠᱷᱚᱱ ᱦᱚᱸ ᱡᱟᱹᱥᱛᱤ ᱜᱟᱫᱮᱞ ᱠᱚ ᱥᱮᱞᱮᱫᱚᱜᱼᱟ, ᱡᱟᱦᱟᱸ ᱫᱚ ᱜᱚᱴᱟᱵᱩᱴᱟᱹ ᱫᱤᱥᱚᱢ ᱟᱨ ᱴᱚᱴᱷᱟ ᱠᱚ ᱥᱮᱞᱮᱫᱚᱜ ᱠᱟᱱᱟ᱾ ᱢᱮᱱᱮᱞᱟ ᱞᱮᱠᱟᱛᱮ ᱡᱟᱦᱟᱸ ᱥᱮᱨᱢᱟ ᱱᱚᱶᱟ ᱠᱚ ᱦᱳᱭᱳᱜᱼᱟ ᱚᱱᱟ ᱥᱮᱨᱢᱟ ᱨᱮ ᱡᱮᱜᱮᱫ ᱪᱟᱢᱯᱤᱭᱚᱱᱥᱤᱯ ᱨᱮᱭᱟᱜ ᱮᱴᱟᱜ ᱠᱷᱮᱞᱚᱸᱰ ᱦᱮᱯᱨᱟᱣ ᱠᱚ ᱛᱟᱭᱚᱢ ᱠᱟᱜ ᱦᱩᱭᱩᱜᱼᱟ᱾ ᱚᱞᱤᱢᱯᱤᱠ ᱠᱷᱮᱞᱚᱸᱰ ᱢᱮᱱᱮᱞᱟ ᱞᱮᱠᱟᱛᱮ ᱯᱩᱱ ᱥᱮᱨᱢᱟ ᱛᱟᱭᱚᱢ ᱢᱤᱫ ᱫᱷᱟᱣ ᱦᱳᱭᱳᱜᱼᱟ ᱟᱨ ᱑᱙᱙᱔ ᱥᱮᱨᱢᱟ ᱠᱷᱚᱱ ᱯᱩᱱ ᱥᱮᱨᱢᱟ ᱚᱠᱛᱮ ᱨᱮ ᱥᱤᱛᱩᱝ ᱟᱨ ᱨᱮᱭᱟᱲ ᱚᱞᱤᱢᱯᱤᱠ ᱵᱟᱨ ᱥᱮᱨᱢᱟ ᱛᱟᱭᱚᱢ ᱛᱟᱭᱚᱢ ᱢᱤᱫ ᱫᱷᱟᱣ ᱦᱚᱭᱩᱜᱼᱟ᱾
ᱩᱱᱠᱩᱣᱟᱜ ᱵᱮᱱᱟᱣ ᱫᱚ ᱢᱟᱨᱮᱱ ᱚᱞᱤᱢᱯᱤᱠ ᱠᱷᱮᱞᱚᱸᱰ (ᱥᱮᱫᱟᱭ ᱜᱨᱤᱠ: Ὀλυμπιακοί Ἀγῶνες) ᱨᱮ ᱘ ᱟᱱᱟᱜ ᱥᱚᱛᱟᱵᱫᱤ ᱠᱷᱚᱱ ᱔ ᱟᱱᱟᱜ ᱥᱚᱛᱟᱵᱫᱤ ᱫᱷᱟᱹᱵᱤᱡ ᱚᱞᱤᱢᱯᱤᱭᱟ, ᱜᱽᱨᱤᱠ ᱨᱮ ᱥᱟᱯᱲᱟᱣ ᱟᱠᱟᱱ ᱚᱞᱤᱢᱯᱤᱠ ᱠᱷᱮᱞᱚᱸᱰ ᱫᱟᱨᱟᱭ ᱛᱮ ᱩᱫᱜᱟᱹᱣ ᱞᱮᱱᱟ᱾ ᱵᱟᱨᱚᱱ ᱯᱮᱭᱨᱮ ᱰᱤ ᱠᱳᱣᱟᱨᱴᱤᱱ ᱑᱘᱙᱔ ᱨᱮ ᱡᱮᱜᱮᱫ ᱡᱟᱠᱟᱛ ᱚᱞᱤᱢᱯᱤᱠ ᱠᱩᱢᱩᱴ (ᱟᱭ.ᱳ.ᱥᱤ) ᱛᱷᱟᱯᱚᱱ ᱞᱮᱫᱟᱭ, ᱡᱟᱦᱟᱸ ᱑᱙᱘᱖ ᱨᱮ ᱮᱛᱷᱮᱱᱥ ᱨᱮ ᱯᱳᱭᱞᱳ ᱱᱟᱦᱟᱜ ᱠᱷᱮᱞᱚᱸᱰ ᱨᱮᱭᱟᱜ ᱮᱛᱚᱦᱚᱵ ᱮ ᱠᱚᱨᱟᱣ ᱞᱮᱫᱟ᱾ ᱟᱭ.ᱳ.ᱥᱤ ᱫᱚ ᱦᱩᱭᱩᱜ ᱠᱟᱱᱟ ᱚᱞᱤᱢᱯᱤᱠ ᱟᱸᱫᱳᱲ ᱨᱮᱭᱟᱜ ᱪᱟᱪᱟᱞᱟᱣ ᱥᱮᱢᱞᱮᱫ (ᱡᱟᱦᱟᱸ ᱫᱚ ᱚᱞᱤᱢᱯᱤᱠ ᱠᱷᱮᱞᱚᱸᱰ ᱥᱟᱶ ᱥᱮᱞᱮᱫ ᱥᱟᱱᱟᱢ ᱥᱮᱢᱞᱮᱫ ᱟᱨ ᱦᱚᱲ ᱠᱚ ᱥᱮᱞᱮᱫ ᱟᱠᱟᱫᱟ), ᱚᱞᱤᱢᱯᱤᱠ ᱪᱟᱨᱴᱟᱨ ᱱᱚᱶᱟ ᱨᱮᱭᱟᱜ ᱵᱮᱱᱟᱣ ᱟᱨ ᱫᱟᱲᱮ ᱵᱤᱪᱷᱱᱟᱹᱣ ᱠᱟᱛᱮ᱾
᱒᱐ ᱟᱱᱟᱜ ᱟᱨ ᱒᱑ ᱟᱱᱟᱜ ᱥᱚᱛᱟᱵᱫᱤ ᱨᱮ ᱚᱞᱤᱢᱯᱤᱠ ᱟᱸᱫᱳᱲ ᱨᱮᱭᱟᱜ ᱩᱛᱱᱟᱹᱣ ᱠᱷᱟᱹᱛᱤᱨ ᱛᱮ ᱚᱞᱤᱢᱯᱤᱠ ᱠᱷᱮᱞᱚᱸᱰ ᱨᱮ ᱟᱭᱢᱟ ᱵᱚᱱᱚᱫᱚᱞ ᱦᱩᱭ ᱟᱠᱟᱱᱟ᱾ ᱱᱚᱶᱟ ᱠᱚ ᱢᱩᱫᱽᱨᱮ ᱢᱤᱫᱼᱵᱟᱨ ᱵᱚᱱᱚᱫᱚᱞ ᱨᱮᱭᱟᱜ ᱢᱩᱫᱽᱨᱮ ᱢᱮᱱᱟᱜᱼᱟ ᱥᱱᱳ ᱟᱨ ᱟᱭᱤᱥ ᱠᱷᱮᱞᱚᱸᱰ ᱞᱟᱹᱜᱤᱫ ᱨᱮᱭᱟᱲ ᱚᱞᱤᱢᱯᱤᱠ ᱠᱷᱮᱞᱚᱸᱰ ᱵᱮᱱᱟᱣ, ᱰᱤᱥᱮᱵᱤᱞᱤᱴᱤᱥ ᱠᱷᱮᱞᱳᱰᱤᱭᱟᱹ ᱠᱚ ᱞᱟᱹᱜᱤᱫ ᱯᱮᱨᱟᱞᱤᱢᱯᱤᱠ ᱠᱷᱮᱞᱚᱸᱰ , 14 ᱠᱷᱚᱱ 18 ᱥᱮᱨᱢᱟ ᱩᱢᱮᱨᱟᱱ ᱠᱷᱮᱞᱳᱰᱤᱭᱟᱹᱠᱚ ᱞᱟᱹᱜᱤᱫ ᱡᱩᱭᱛ ᱚᱞᱤᱢᱯᱤᱠ ᱠᱷᱮᱞᱚᱸᱰ, ᱢᱚᱬᱮ ᱜᱚᱴᱟᱝ ᱢᱟᱦᱟᱸᱫᱤᱥᱚᱢ ᱠᱷᱮᱞᱚᱸᱰ (ᱯᱮᱱ ᱟᱢᱨᱤᱠᱟ, ᱟᱯᱷᱨᱤᱠᱟᱱ, ᱤᱭᱩᱨᱳᱯᱤᱭᱟᱱ ᱟᱨ ᱯᱮᱥᱤᱯᱷᱤᱠ) ᱟᱨ ᱚᱞᱤᱢᱯᱤᱠ ᱠᱷᱮᱞᱚᱸᱰ ᱨᱮ ᱵᱟᱝ ᱦᱮᱯᱨᱟᱣ ᱟᱠᱟᱱ ᱠᱷᱮᱞᱚᱸᱰ ᱞᱟᱹᱜᱤᱫ ᱡᱮᱜᱮᱫ ᱠᱷᱮᱞᱚᱸᱰ ᱟᱭ.ᱳ.ᱥᱤ ᱰᱤᱯᱷᱞᱤᱢᱯᱤᱠᱥ ᱟᱨ ᱵᱤᱥᱮᱥ ᱚᱞᱤᱢᱯᱤᱠ ᱨᱮᱭᱟᱜ ᱦᱚᱸ ᱵᱟᱛᱟᱶ ᱠᱚ ᱮᱢ ᱟᱠᱟᱫᱟ᱾ ᱟᱭ.ᱳ.ᱥᱤ ᱫᱚ ᱟᱭᱢᱟ ᱞᱮᱠᱟᱱ ᱠᱟᱹᱣᱰᱤ ᱟᱹᱨᱤ ᱟᱨ ᱨᱟᱡᱽᱟᱹᱨᱤ ᱟᱨ ᱴᱮᱠᱱᱤᱠᱮᱞ ᱩᱛᱱᱟᱹᱣ ᱮ ᱟᱸᱜᱚᱪ ᱟᱠᱟᱫᱟ᱾
This article uses material from the Wikipedia ᱥᱟᱱᱛᱟᱲᱤ article ᱚᱞᱤᱢᱯᱤᱠ ᱠᱷᱮᱞᱚᱸᱰ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.