नमः पुरस्तादथ...

 

नमः पुरस्तादथ पृतस्ते नमोऽस्तु ते सर्वत एव सर्व ।
अनन्तवीर्यामितविक्रमस्त्वं सर्वं समाप्नोषि ततोऽसि सर्वः ॥ ४० ॥

अयं भगवद्गीतायाः एकादशोऽध्यायस्य विश्वरूपदर्शनयोगस्य चत्वारिंशत्त्तमः(४०) श्लोकः ।

नमः पुरस्तात् अथ पृष्ठतः ते नमः अस्तु ते सर्वतः एव सर्व अनन्तवीर्य अमितविक्रमः त्वं सर्वं समाप्नोषि ततः असि सर्वः ॥ ४० ॥

पुरस्तात् अथ पृष्ठतः ते नमः । सर्व ते सर्वतः एव नमः अस्तु । अनन्तवीर्य ! त्वम् अमितविक्रमः सर्वं समाप्नोषि । ततः सर्वः असि ।

पुरस्तात् = पुरतः
अथ पृष्ठतः = पश्चात् च
ते नमः = तुभ्यं नमः
सर्व = सर्वात्मन्
सर्वतः एव = परितः एव
नमः अस्तु = नमोऽस्तु
अनन्तवीर्य = अपरिमितविक्रम !
त्वम् अमितविक्रमः = त्वम् अगणितपराक्रमः
सर्वम् = समस्तम्
समाप्नोषि = व्याप्नोषि
ततः = तस्मात्
सर्वः असि = सकलः असि ।

पुरतः पश्चात् च तुभ्यं नमोऽस्तु । सर्वात्मक ! तुभ्यं परितः नमः अस्तु । अपरिमितविक्रम ! त्वम् अगणितपराक्रमः समस्तं व्याप्नोषि । तस्मात् सकलः असि ।

• भगवद्गीता (मूलश्लोकाः)
• भगवद्गीता

• संस्कृतम्
• श्रीमद्भगवद्गीता
• शङ्कराचार्यः
• रामानुजाचार्यः