Подемщина
Подемщина пол.
| Подкарпатске село в Польщи Подемщина Podemszczyzna пол.
|
Полога
Село Подемщина лежить в сѣверо-выходном кутѣ Подкарпатского воеводства, оддалене од повѣтового центра Любачов о 14,1 км на сѣверо-выход, од центра гмины Горинец-Здруй о 5,8 км на сѣверо-запад.
История
История села ся зачинать од XVI. стороча. Около року 1596 ту была поставлена перва, деревяна церква, заховали ся доднесь слѣды по двох наступных деревяных церквах. В року 1672 село зажило татарскый напад, в котром были знищены документы мѣстной грекокатолицкой парохии, а сам парох одвлеченый в рабство. Парохию обновив в року 1682 властник села Адам Антоний Белжецкый, перемышльскый каштелан, котрый быв и участником военных выправ краля Яна III. Собеского на Татары.
В селѣ од року 1882 была нова деревяна церква Покровы Пресвятой Богородицѣ, котра была спалена в року 1944 и наступно збуряна. Од року 1939 село лежало на територии, окупованой СССР. В Подемщинѣ в року 1939 бывали понад 700 Украинцѣ грекокатолицкого вѣровызнаня и понад 100 римокатолицкого, але тыж 70 Жиды, около 40 Поляци. До Другой свѣтовой войны ту пановала згода. Цѣле село было читаво понищене в року 1944. В роках 1945–1947 украинске обывательство села было выселене до УССР.
Доднесь вшиткы подѣи того часу не суть до конця выяснены и суть предметом спора меджи сторонами и потомками участникох трагедии.
Вызнамны особы
В Подемщинѣ в роках 1930–1940 служив о. Василь Курилло, грекокатолицкый священик и русинскый народовець, бывшый Министер загранича Лемковской републикы Флоринкы.
Жерела и одказы
- Na szlakach dziedzictwa Jana III Sobieskiego: Podemszczyzna. Urząd Gminy Lubaczów. 2011. http://www.sobieski.lubaczow.com.pl/szlak_horyniecki/podemszczyzna. [перевірено 2021-08-09].пол.
- Oczami wędrowca — Podemszczyzna. Łemkowyna, na Beskidzie Niskim. 15 marca 2020. http://lemkowyna.blogspot.com/2020/03/oczami-wedrowca-podemszczyzna.html. [перевірено 2021-08-08].пол.
- Wieś Podemszczyzna w liczbach. Polska w liczbach. https://www.polskawliczbach.pl/wies_Podemszczyzna. [перевірено 2021-08-08].пол.
- Р. Крип'якевич, В. Середа (1995). Ксьондз Бучек роздратований. Часопис «Патріярхат» 9 (297) 1995. http://www.patriyarkhat.org.ua/statti-zhurnalu/ksondz-buchek-rozdratovanyj/. [перевірено 2021-08-08].укр.
Референции
Тоты даны суть часточно або цалком основаны на перекладї статї Podemszczyzna на польскій Вікіпедії.
This article uses material from the Wikipedia Русиньскый article Подемщина, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.