Паломництво в даякой формѣ выступуе елементом практично вшиткых розвитых религий. Зачаток традиции паломництва, ачей, потягать ся од стародавных култовых представ о звязаности божества з вызначеным мѣстом. Идея надзвычайной сакралности того простору прямо ся звязовала з найвекшов учинностьов озваня ся ку божеству в тых мѣстах.
Паломник
Паломник — путник, котрый иде поклонити ся ку святым местам, людям, окреме вызнамным в религии. Назва паломник походить од голузок палмы, котры были приношованы путниками богомолниками зоз Святой земли. В часѣ паломництва на паломника часто ся укладають розличны заказы и ограничѣня, обовязуе особый вид облечѣня и зачесаня. Паломництво предпокладать особенный молебный стан душѣ и держаня ритуалной чистоты.
Роздѣлы меджи конфесиями
Индуизм
Мѣстами паломництва в индуизмѣ суть т. зв. тиртгы, обычайно около воды, котрых походжѣня звязане з легендами, же на них ся вылляло по капцѣ божского напою безсмертя. Але будгизм кладе акцент на психотехнику, а паломництво поважуе не за самовартость, а лем за часточну помочь на пути ку просвѣтлѣню.
Юдаизм и христианство
Напротив, в юдаизмѣ и христианствѣ паломництво ся поважуе за принципиално важне. Тора росказуе три раз рочно, на Песах, Шавуот и Сукот, навщѣвити Святу землю, котра тыж и в христианствѣ — еден з найважнѣйшых объектох паломництва. В католицтвѣ и православии ся поважуе, же паломництво даруе Божу милость, в протестантствѣ, сакралность паломництва ся не вызнавать, а мать оно лем мемориалный вызнам.
Ислам
Ани в едной конфесии не е паломництво повинне в такой мѣрѣ, як в исламѣ, де паломництво (хадж) въедно з постом и молитвов — основа вѣры. Каждый здоровый и не бѣдуючый могамедан мусить хоть лем раз в животѣ зробити хадж — паломництво до Меккы, про котре вызначеный еден мѣсяць в року (зу-л-хиджа).
Жерела и одказы
Д. С. Замятина: Паломник //Энциклопедия религий / Под ред. А.П. Забияко, А.Н. Красникова, Е.С. Элбакян. — М.: Академический Проект, Гаудеамус, 2008. — 1520 с. (ISBN 978-5-8291-1084-0 Академический Проект) (ISBN 978-5-98426-067-1 Гаудеамус) русс. С. 932–933.
О. В. Несмиянова, А. М. Семанов: Паломничество //Энциклопедия религий / Под ред. А.П. Забияко, А.Н. Красникова, Е.С. Элбакян. — М.: Академический Проект, Гаудеамус, 2008. — 1520 с. (ISBN 978-5-8291-1084-0 Академический Проект) (ISBN 978-5-98426-067-1 Гаудеамус) русс. С. 933.
This article uses material from the Wikipedia Русиньскый article Паломництво, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.