Дезидерий Задор, мад.
октобер">20. октобер 1912, Унгвар, Мадярске кральовство – †16. септембер 1985, Львов, УССР — украинскый клавириста, органиста, композитор, диригент, педагог мадярского походжѣня в Мадярщинѣ, Чехословакии и СССР. Въедно з Иштваном Мартоном суть поважованы закладателями закарпатской композиторской школы. Заслуженый умѣлець Украины (1972).
Дезидерий Задор Zádor Dezső | |
---|---|
Файл:Zador Dezso.jpg | |
Закладны информации | |
Оригин. имя | Zádor Dezső |
Уроджѣня | октобра 20, 1912 Унгвар, Мадярске кральовство |
Упокоеня | септембра 15, 1985 (72 р.) Львов, УССР |
Занятя | клавириста, органиста, композитор, диригент, педагог |
Инштрументы | клавир, органы |
В серединѣ XX. стороча Д. Задор быв найфаховѣйшый музикант краю, первый в краю з ашпирантсков музичнов освѣтов, клавириста на европску мѣру, хранитель традиций органной и хоровой мѣстных школ, еден з первых професийных композиторох краю, ведучый музикознатель-фолклориста Подкарпатского Общества Наук. В совѣтской добѣ Д. Задор — первый композитор од Закарпатской области в Сполку композиторох УССР, первый директор Ужгородского державного музичного училища, первый професор-закарпатець на катедрѣ композиции Львовской державной конзерватории.
Походив з родины музикантох, котры были му первыма учителями музикы. Отець, Евген (Jenő) Задор (1886–1942), быв учитель мадярской народной школы, кантор тай органиста ужгородской римокатолицкой церкви. Мати, Йозефина Задор-Борош (1882–1966), была учителька, хорова спѣвачка, гусляшка аматерской симфоничной оркестры.
Фаховы музичны знаня достав на Карловой универзитѣ (1932–1938), пражской Консерватории (1934; клавир, композиция, диригованя) тай Школѣ высшого майстерства при Конзерватории (1938; аналог ашпиратуры). Едночасно (1936–1938) — референт фолклористикы Подкарпатской Руси на министерствѣ школства в Празѣ. Од року 1938 преподавать музику в Подкарпатской Руси.
В мадярской добѣ (1939–1944) продовжуе зберати мѣстный фолклор ай популаризовати го композиторсков обробков. На материалѣ, зобраном в роках 1939–1940 ставить ся сценична композиция в обробцѣ Д. Задора Русинска людова свадьба. В року 1942 Подкарпатское Общество Наук едну за другов выдавать публикации з его участьов: зредагованый Д. Задором Хоровый зборникъ Й. Бокшая тай иншы, наконець в року 1944 — фолклорну зберьку з нотами Народнѣ пѣснѣ подкарпатскихъ Русиновъ Д. Задора, Ю. Костьо, П. Милославского.
По войнѣ выучуе клавир и теорию музикы на ужгородском музичном училищу (1945–1963; 1946–1949 директором). Едночасно 1954–1963 — умѣлецкый ведучый Закарпатской филгармонии. В роках 1963–1985 — преподаватель (од 1978 професор) львовской Конзерватории.
Умер во Львовѣ, а подля его волѣ погребеный в Ужгородѣ (теметов Калвария). На честь памяти вызнамного родака, од року 1992 его ймено несе Ужгородске державне музичне училище, днесь Ужгородскый музичный коледж, де отвореный музей Д. Задора. Штатны одмѣны: Орден Трудовой Черленой Заставы, Орден Знак Чести, Знак Заслуженого умѣлця УССР.
В творбѣ Д. Задора окрем поданых важнѣйшых композиций суть хоры на слова І. Франка, Ю. Гойды ай инш.; романсы, спѣванкы, обробкы людовых спѣванок; музика про театер:
This article uses material from the Wikipedia Русиньскый article Дезидерий Задор, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.