Руси́ньскый алфаві́т (Rusyn'skŷj alfavit), пораз руси́ньска а́збука (rusyn'ska azbuka) — алфавіт русиньского языка.
У чотырёх варіантах русиньского языка алфавіт не є докус єднакый и розлучат ся числом и рядом букв.
1 | 2 | 3 | 4 | 5 | 6 | 7 | 8 | 9 |
А а | Б б | В в | Г г | Ґ ґ | Д д | Е е | Є є | Ё е |
10 | 11 | 12 | 13 | 14 | 15 | 16 | 17 | 18 |
Ж ж | З з | І і | Ї ї | И и | Ы ы | Й й | К к | Л л |
19 | 20 | 21 | 22 | 23 | 24 | 25 | 26 | 27 |
М м | Н н | О о | П п | Р р | С с | Т т | У у | Ф ф |
28 | 29 | 30 | 31 | 32 | 33 | 34 | 35 | 36 |
Х х | Ц ц | Ч ч | Ш ш | Щ щ | Ю ю | Я я | Ь ь | Ъ ъ |
Русиньскый алфавіт ся опират на гражданку, спрощеный варіант кіріліцї и обычно має 36 букв ци менше. Лемкувськый алфавіт ся уд пряшувського (горі у табличці) удлучат тым, ож не має букв Ёё и Її. У воєводинськум алфавіті не є Ёё, Іі, Ыы и Ъъ; Ии ся кладе сперед Її. Єдного кодифікованого підкарпатьского варіанта не є ани днесь. Алфавіт новых учебникув про русинські народні школы указує ся в учебнику Надії Печоры Русиньскый язык. Розличат ся уд пряшівского алфавіта рядом букв (мнягкый и твердый знакы стоят сперед Юю и Яя). Мимо того ся в нюм хоснуют буквы Îî и Ôô, айбо за часть алфавіта ся не тримлят. Про запис закрытого переднёго округленого голосного звука (МФА [y]) обычно хоснуют букву Ӱӱ.
This article uses material from the Wikipedia Русиньскый article Русиньскый алфавіт, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.