Далмация, хорв.
В сучасности не представлять административну ентиту, а складать ся зоз четырьох жуп: Задар (170.017 особ, главный город Задар), Шибеник-Книн (109.375 особ, главный город Шибеник), Сплѣт-Далмация (454.798 особ, главный город Сплѣт), Дубровник-Неретва (122.568 особ, главный город Дубровник), довъедна 856 758 особ.
Далмация | |
---|---|
Dalmacija хорв. | |
Держава | Хорватія |
Розлога | 12 158 км2 |
Обывательство | 856 758 особ (2011) |
Центер | Сплѣт 43°30′31″N 16°26′16″E / 43.50861°N 16.43778°E |
Зложѣня | 4 жупы |
Язык | хорватскый |
Далмация на Викискладѣ VIAF:248536514;GeoNames:3202210; Ту можуть быти податкы з Wikidata, не контролованы авторами статѣ |
Далмация лежить меджи 44°45′ а 42°10′ сѣверной широкости, а меджи 14°45′ а 18°58′ восточной довгости. В историчной добѣ мала найвекшу розлогу 12 832 км2. Вытягнута вздовж берега на около 560 км, а найвекша ширина побережной смугы 74 км. До Далмации належать 20 векшых и около 100 меншых островох. Островы часто скалисты, проливы напоминають фйорды. Фауна и флора типовы про Середоморя.
В 1. ст. Далмация была римсков провинциов, выдѣленов з векшой провинции Иллирия. Назва Далмация походить од Далматох, иллирского племена. В 4-5. ст. по смерти цѣсаря Диоклетиана, котрый быв родаком з Далмации и привюг ю до найвекшого росцвѣту, Далмация зачала терпѣти напады Готох, Аланох и Гунох, наконець цѣла Иллирия стала ся добычов Готох. Од 6. ст. была Далмация под владов Византии. Зачинають ся ту приселяти племена южных славянох.
За 6-7 вв. цѣла Далмация была занята Хорватами и Сербами (на югу), лем морскы приставы зостали еще в руках Византии до 9 ст.
Мадярске кральовство зачало указовати интерес достати ся ку морю уже в конци 11 ст., а в зачатку 12. ст. краль Калман добыв Хорватию. Але о Далмацию не переставало суперѣня з Венециов.
В роках 1420-1797 Далмация, окрем Дубровника, была в руках Венеции, а внуторны землѣ в руках Османох. Подля миру в Кампо Формио (1797) Далмацию достала Австрия и мала ю до рока 1918 (выявши добу 1806-1814, коли Далмация была окупована Франциев). По роспадѣ Австро-Мадярщины од року 1918 Далмация, окрем Задара, заятого з еще даколькыма островами Италией, припала Кральовству Сербох, Хорватов и Словенцьох (од року 1929 — Кральовство Югославия).
This article uses material from the Wikipedia Русиньскый article Далмация, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.