нашой еры, покуртано н.
е. — выраз, котрый ся додавать ку числови року на означѣня того, же ся зачинать од Рождества Христова. Днесь майже во вшиткых сторонах нашой планеты лѣточислѣня ведуть «од Рождества Христова», зато в практицѣ, ся про рокы до нашой еры ку числови року додавать до н. е., иншак ся розумѣе, же иде о рокы нашой еры, циже христианской еры. Куртанка н. е. одповѣдать латинской AD, лат. Anno Domini (Року Господнего), або англицкой CE, англ. Common Era (звычайной еры), або подля давнѣйшого трактованя, англ. Christian Era (христианской еры).
Тота ера была заведена в року 525 римским монахом, папскым архиварем, Дионизом Малым, котрый выраховав, же датум Рождества Христова быв 25. децембер року 1 до н. е. Позднѣйшы выгледованя указали, же Диониз Малый ся змылив. Подля сучасных выгледовань датум уроджѣня Исуса Христа ся шацуе на рок 5 до н. е. Тото ещи една заважна причина на то, жебы одыйти од термину религийного на хосен невтралного, якым е н. е. Найдавнѣйше хоснованя термину нашой еры занотоване в латиноязычной книзѣ Йоганна Кеплера з року 1615: Joannis Keppleri Eclogae chronicae : ex epistolis doctissimorum aliquot virorum & suis mutuis, quibus examinantur tempora nobilissima, появеной во Франкфуртѣ выдавательством Tampach.
This article uses material from the Wikipedia Русиньскый article Нашой еры, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.