Метро

Од желѣзницѣ ся одличуе тым, же его суправы суть курты, одстояня меджи штациями таксамо, интервал руху ся мѣрять минутами, акцелерация и скорость суть двакрат и веце высшы, вшиткы операции суть высоко автоматизованы, што дозвалять минимизовати час стояня на штациях и перевезти омного векше число путуючых.

Перва 6-километрова линия метра, еще зоз парныма локомотивами, зачала ходити в Лондону 10. януара 1863 и уже в первом року експлоатации перевезла 9,5 млн. пасажерох.

За Лондоном наслѣдовав Будапешт, де такой перва, 4-километрова линия зачала ходити на електрицѣ, в року 1896. Тота линия была перва на континентѣ.

Перва цѣлоавтоматична линия, BART (Bay Area Rapid Transit) в Сан-Франциску, зачала ходити в року 1976. Уважаючи на можность порухы компютерох, в каждой суправѣ быв еден возич, котрый в припадѣ потребы мав зареаговати. Днесь такы системы суть штандартом.

В сучасности найвекшы метра зоз сумарнов довжков линий над 160 км суть в Ню-Йорку, Лондонѣ, Парижу, Токиу и Москвѣ, а над 80 км — в Чикагу, Сан-Франциску, Бостонѣ, Берлинѣ и Гамбургу.

• Subway. //Encyclopaedia Britannica.
• Метрополитен. //Энциклопедия Кругосвет.

 

Вікісклад має мултімедіалны дата на тему:

Метро