Джером Дейвид Селинджер, англ. Jerome David Salinger, *1. януар 1919, Ню Йорк , США — †27. януар 2010, Корниш, Ню Гемпшир, США — америцкый писатель, автор романа-бестселера Охранця в жытѣ (1951). По своем ранном успѣху з публикациями повѣдань и романа Охранця в жытѣ Селинджер перейшов до необычайно закрытого од свѣта способа живота, в року 1965 напечатав свою послѣдну роботу, а в року 1980 дав свое послѣдне интервью.
Джером Дейвид Селинджер | |
---|---|
Jerome David Salinger | |
Портрет з року 1961 | |
Уроджѣня | Jerome David Salinger януара 1, 1919 Ню Йорк, США |
Умертя | януара 27, 2010 (91 р.) Корниш, Ню Гемпшир, США |
Занятя | прозаик |
Язык творох | анґліцькый |
Горожанство | США |
Alma mater | Колумбийска универзита |
Участь | Друга світова война |
Реліґія | Зен, юдаїзм |
Час творбы | 1940-1965 |
Жанры | повѣданя, роман |
Темы | адаптация в модерном свѣтѣ |
Дѣти | Мэтт Сэлинджер, Margaret Salinger |
Вызначны роботы | Охранця в жытѣ Девять повѣдань |
VIAF:17092; GND:118605054; LCCN:n50016589; FAST:1734675; BNF:11923476b; NLKR/NLC:jn19990007318; OL:OL540486A; |
Селинджер вырос в Ню Йорку и зачав писати повѣданя в середной школѣ. Дакотры были публикованы в литературном журналѣ Повѣданя (Story) в зачатку 1940-х, еще до того як пошов служити до войска и быв участником Другой свѣтовой войны. В року 1948 в авторитетном Ню-йорчанѣ The New Yorker появило ся его оцѣнене критиками повѣданя Добрѣ ся лапле бананова рыбка, и в том журналѣ пак печатало ся много его позднѣйшых робот. Роман Охранця в жытѣ быв опубликованый 16. юла 1951 и нараз ся став популярный. Змальоване в ньом одчуджѣня и психологичне дозрѣваня главного героя, 16-рочного Голдена Колфилда, мало вплыв наймя меджи читателями пуберталного вѣку: быв то «манифест, вѣросповѣданя цѣлой генерации». Роман зоставать донынѣ широко читаный и контроверзный, продавать ся около 250 000 екземплары рочно.
Успѣх Охранцѣ в жытѣ збудив сполоченскый интерес и остру увагу ку автору. Селинджер закрыв ся од свѣта, рѣдко публиковав новы роботы. Была то зберка Девять повѣдань (1953); книжка з повѣданьом и повѣстьов Фрэнни и Зуи (1961); повѣсти Дайте высшу стрѣху, тесарѣ и Сеймур: вступ (1963). Его послѣдна опубликована робота, повѣсть, названа Гепворт 16, 1924, появила ся в Ню-йорчанѣ (The New Yorker) 19. юна 1965. По сему Селинджер боров ся з нежаданым интересом ку его особѣ, включаючи судовы процесы 1980-х рокох з биографом Яном Гамилтоном и авторками, выпустившыма мемуары в конци 1990-х рокох, двома ему близкыма людми: Джойс Мейнард, бывшов любовницьов; и Маргарет Селинджер, властнов дѣвков.
Селинджер умер от природной старобы в своем домѣ в Корниш, штат Ню Гемпшир.
В новембру 2013 три неопубликованы повѣданя Селинджера были накурто опубликованы в Интернетѣ. Едно з них, Океан, повный кульок на бовлинг, поважуе ся за прототип Охранцѣ в жытѣ.
Тоты даны суть часточно або цалком основаны на перекладї статї J. D. Salinger на анґліцькій Вікіпедії.
This article uses material from the Wikipedia Русиньскый article Джером Дейвид Селинджер, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.