Гюста́в Флобе́р, фр. Gustave Flaubert; *12. децембер 1821, Руан – †8. май 1880, Круассе — французскый прозаик-реалист, поважованый за основателя реалистичной школы во французской литературѣ. Найлѣпше познатый як автор романа Мадам Бовари (1856), в котром реалистично змальовав буржоазный живот.
Гюстав Флобер | |
---|---|
Gustave Flaubert | |
Уроджѣня | децембра 12, 1821 Руан, Франция |
Умертя | мая 8, 1880 (58 р.) Круассе, Франция •геморагічний інсульт |
Погреб | монументальное кладбище Руана |
Занятя | прозаїк-романіст, писатель |
Язык творох | французькый |
Горожанство | Франція |
Участь | французько-прусська війна |
Реліґія | Римокатолицька церьков |
Жанры | роман |
Тренд | реализм |
Батько | Achille Cléophas Flaubert |
Брат, сестра | Achille Flaubert |
Супруг(а) | none |
Вызначны роботы | Мадам Бовари (роман), Саламбо, Бувар и Пекюше, Воспитание чувств, Искушение святого Антония (Флобер), Три повісті, Лексикон прописных истин, Q19150097 |
VIAF:9846192; GND:118533754; LCCN:n79059896; FAST:36477; BNF:11902894q; NLKR/NLC:jn19990002312; OL:OL79039A; |
Походив з родины дохтора. Учив ся в Кральовском коледжу в Руанѣ, де указав ся его интерес ку истории и литературѣ. В року 1840 одышов до Парижу штудовати право. По трьох роках вызнали у него нервну хвороту, и быв му предписаный помалый способ живота. Флобер лишив штудии и вернув ся в родинный маеток Круассе под Руаном, де занимав ся переважно литературов. Быв маетный чоловѣк, што збавило го од потребы заробляти на живот пером або иншакым способом. Флобер не быв женатый и не мав дѣти. Зато годен быв покласти многы рокы на написаня едного-единого романа. Он вылѣпшовав свой штил з найвекшов усиловностьов. Его амбициев было добити ся, жебы штил быв «ритмичный, як стих, и точный, як язык наукы» (писмо з 24. апрѣля 1852 до Луизы Коле). По его думцѣ, «чим скорше слово прилипне ку речѣню, тым красшый ефект». Он часто повторяв, же синонимох не е, а же писатель мусить найти le seul mot juste, «тото едино валушне слово», обы точно передав свою мысель. Але въедно з тым все хотѣв ритмичность и гармонию звучаня складох во своей прозѣ, жебы она оддѣяла не лем на розум читателя, но ай на его подсвѣдомость так, як музика, и так мала ещи май проникливый ефект, неж просте чутя слов подля их номиналной вартости.
Сочасна Флоберу «добронамѣрена» буржоазна критика одзывала ся о его творбѣ ненавистно. Писателя обвинили з потуплѣня моралных идеалох, вулгарности, цинизму и т. п. Такой по выходѣ в свѣт романа Мадам Бовари Флобер быв прикликаный на суд, котрый, хоть оправдав писателя, но при том официално засудив реализм як «одмѣтаня красоты и добра».
Серед иншых его романох — екзотичный Саламбо (Salammbô, 1862), дѣя котрого ся точить в стародавной Картагенѣ; Сентименталне школованя (L'éducation sentimentale, 1869), класичный роман о росчарованю во добѣ социалных и политичных перемѣн; и Соблазн святого Антония (Tentation de saint Antoine, 1874), филозофичне зображѣня духовных мук; Три повѣсти (Trois Contes, 1877), што обсягуе три истории, котры ся одбывають в античной, середновѣкой и нынѣшной добѣ. Флобер, славный своим выграненым штилом, ся поважуе за вызнамного представителя французского реализма.
This article uses material from the Wikipedia Русиньскый article Гюстав Флобер, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.