گستاف فلابیر
گستاف فلابیر (/floʊˈbɛər/; سانچہ:IPA-fr) (پیدائش: 12 دسمبر 1821ء - وفات: 8 مئی 1880ء) انیہویں صدی دا فرانسیسی دا ناول و افسانہ نگار، ڈراما نویس، مشہور ناول مادام بواری دا خالق، حقیقت پسند مکتبِ فکر دا نمائندہ، افسانہ نویسی دا ماہر تے موپاساں دا سرپرست سی۔
 Gustave Flaubert | |
|---|---|
 | |
| جم | 12 دسمبر 1821 روئن، نارمنڈی، فرانس |
| موت | ۸ مئی ۱,۸۸۰ (عمر 58 سال) روئن، نارمنڈی، فرانس |
| قلمی ناں | گستاف فلابیر |
| کم کِتہ | مصنف |
| بولی | فرانسیسی |
| قومیت |  فرانس |
| نسل | فرانسیسی |
| صنف | افسانہ، ناول، ڈراما |
| تحریک | حقیقت پسندی، رومانیت |
حالات زندگی
گستاف فلابیر بمقام روئن، نارمنڈی، فرانس وچ اک ڈاکٹر خاندان وچ پیدا ہویا۔ اس دے والد روئن وچ چیف سرجن تے کلینیکل پروفیسر سن۔ ابتدائی تعلیم روئن وچ پائی تے فیر قانون دی تعلیم دے لئی پیرس چلے گئے، جس نال انھاں کوئی دلچسپی نہیں سی۔ 1846ء وچ اپنے باپ تے بہن دی موت دے بعد اس نے پیرس چھڈ دتا کیونجے روئن دے قریب کرویاسے (Croisset) دے مقام اُتے اوہ اپنی ماں دے لئی اک گھر بنانا چاہندا سی۔ ایہی مقام فلابیر دا گھر بن گیا جتھے اوہ عمر بھر رہیا۔
1846ء توں 1854ء تک شاعرہ لوئزکولے (Louise Colet) نال اس دا گہرا تعلق رہیا۔ انہاں دے محبت نامے محفوظ کر لئے گئے نیں۔ بعض تذکرہ نگار لکھدے نیں کہ اس دی زندگی دا صرف ایہی اک جذباتی واقعہ سی کیونجے اوہ عمربھر کنوارا ای رہیا۔
ادبی خدمات
1849ء وچ اس نے مشرق دا سفر کیتا۔ یونان تے مصر اس دے تخیل تے تفکر اُتے ایسے اثرانداز ہوئے کہ 1850ء وچ مشرق توں واپسی اُتے اس نے اپنی شاہکار کتاب "مادام بواری" 1857ء (Madame Bovary) لکھنا شروع کیتی۔ اس دے لکھنے وچ تقریباً چھ سال لگے لیکن جدوں ایہ چھپی تے عوام نے وڈی پسندیدگی دا اظہار کیتا۔ پھر اس نے "سلامبو" (Salammbô) لکھنا شروع کیتا جو اک تریخ ناول اے تے 1862ء وچ شائع ہویا۔ فلابیر نے اپنے عہد دے طرز معازرت تے طور طریقے دا وی مطالعہ کیتا تے اپنی طفلی تے شباب دیاں یاداں نوں یاد کر کے 1866ء وچ (L’Education sentimentale) لکھی۔ اسی دوران وچ کئی مصیبتاں اس اُتے آپیاں۔ اس دی صحت گر گئی۔ اعصابی کمزوری وچ مبتلا ہو گیا۔ اس دے چنگے دوست جاں تے مر گئے جاں غلط فہمیاں دے باعث اسنوں چھڈ گئے۔ انہاں حالات تے دوسرے عناصر نے مل کے اسنوں تنہا کر دتا۔ باوجود اس دے اس نے لکھنا ترک نہیں کیتا۔ فیر اس دی اک کتاب ( La Tentation de Saint Antoine) سامنے آئی تے 1877ء وچ تن کہانیاں دا مجموعہ (Trois Contes) دے ناں توں شائع ہویا۔ وفات توں پہلے اس دی آخری تخلیق (Bouvard et Pécuchet) سی جس دے بارے وچ اسنوں یقین سی کہ اس دا شاہکار اے۔
وفات
1870ء تک اوہ اپنی صحت کھو چکیا سی۔ بالآخر 59 سال دی عمر وچ مرگی دے اک ای حملے وچ 8 مئی 1880ء نوں کرویاسے، روئن، فرانس وچ اس دا انتقال ہو گیا۔
حوالے
This article uses material from the Wikipedia شاہ مکھی پنجابی (Shāhmukhī Pañjābī) article گستاف فلابیر, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.