گنجا عقاب
گنجا عقاب اتری امریکہ چ ملنوالا اک شکاری پنچھی اے۔ ایہ امریکہ دا قومی پنچھی تے نشان اے۔ ایہ الاسکا توں میکسیکو تک ملدا اے۔
| گنجا عقاب | |
 | |
| دیس : | جنور |
| برادری : | کورڈیٹ |
| ٹولی : | پنچھی |
| ٹبر: | الاں |
| سائینسی ناں: | Haliaeetus leucocephalus |
 | |
| دنیا تے گنجے عقاب دی پھرن تھاں رنگ وچ | |
وکھالہ
اک جوان گنجے عقاب دے پر کالے پؤرے ہوندے نیں تے سر تے پوچھل جٹی ہوندی اے۔ پر رنگ وچ نر مادھ اکو جۓ دسدے نیں پر مادھ نر نالوں 25% وڈی ہوندی اے۔ چنج وڈی تے اگیوں تھلے مڑی ہوندی اے۔ چنج، پیر تے اکھاں دے دوالے پیلے ہوندے نیں۔ پیراں تے کھمب نہیں ہوندے تے ایہ جھوٹے تے تکڑے ہوندے نے تے نوں وڈے ہوندے نیں۔
اک عام گنجا عقاب 70–102 سینٹی میٹر (28–40 انچ) لما ہوندا اے جیہدا پر پسار 1.8 توں 2.3 میٹر (5.9 توں7.5 فٹ) ہوندا اے۔ ایہدی پوچھل 23–37 سینٹی میٹر (9.1–14.6 انچ) ہوندی اے۔ ایہدا جوکھ 3 توں6.3 کلو دے وشکار ہوندا اے۔ پنچھی دا ناپ وکھریاں تھانواں تے وکھرا ہوسکدا اے۔
پسار
گنجا عقاب اتلے امریکہ وچ الاسکا، کینیڈا، امریکہ توں لے کے اتلے میکسیکو تک پسریا ہویا اے۔ ایہ لوئیزیانہ دے پانیاں توں سونورا روہی تک تے نیوانگلینڈ تے کیوبک توں لے کے الاسکا تک ملدا اے۔
کھان پین
ایس نوں جو لبھے کھاجاندا اے پر اپنے پسار وچ مجھی ایدھی وڈا کھان پین اے۔ ایہدے نال ایہ سمندری پنچھی، ددپلانے وی شکار کردا اے۔
نسل ودھائی
ایہ پرانے رکھاں یا پڑیاں وچ آلنے پاندا اے۔ اک توں تن تک انڈے دیندا اے جنہاں وچوں 33-36 دناں وج جوجے نکل آندے نیں۔ ایہ چوجے دس توں گیاراں ہفتیاں مگروں آلنہ جھڈ دیندے نیں۔ ایہ 5 سال دا ہوندا اے تے نسل ودھان جوگا ہوجاندا اے۔ ایہ 20 سال تک جیندا اے۔
| گنجا عقاب | ||||
|---|---|---|---|---|
 |  |  | ||
| چوچے | چٹا سر | مچھی پھڑی ہوئی اڈاری | ||
بچاؤ
20ویں صدی دے وشکار تک ایہدی گنتی بہت تھوڑی رہ گئی سی تے وڈا کارن کیڑے مار دوائی ڈی ڈی ٹی سی۔ 1980 وچ ایہدے 1200 جوڑے سن جیہڑے بچاؤ کماں باہجوں 1990 وچ 110,000 توں 120,000 تک گنجے عقاب گنتی وچ آۓ۔
امریکی نشان
بارلے جوڑ
| وکیمیڈیا کامنز چ مورتاں: گنجا عقاب |
This article uses material from the Wikipedia شاہ مکھی پنجابی (Shāhmukhī Pañjābī) article گنجا عقاب, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.