کولوزیئم پورے جگ چ روم دی پہچان سمجھئیا جاندا اے ۔ ایہہ اکھاڑہ سن 80ء چ رومن بادشاہ ٹائٹس نے تعمیر کروائیا تے اس دے افتتاح دے بعد 100 دن تک رومی باشندےآں نے اوہناں خونی کھیڈاں دا ممظاہرہ کیتا جس چ غلاماں نوں لڑائیا جاندا سی ، جنہاں نوں گلیڈیئیٹر آکھئیا جاندا سی ۔ اینے چر چ تقریبا 9 ہزار جانور تے انسان موت دی بھینٹ چڑھے ۔ اس اکھاڑے چ 50 ہزار لوکاں دے بیٹھن دی گنجائش اے جس چ بادشاہ ، امراء ، مصاحباں ، عام لوکاں تے غلاماں لئی الگ الگ درجہ بندی اے ۔ اس اکھاڑے دی زمین تے ریت دی موٹی تیہہ بچھائی جاندی سی تاکہ خون جذب ہوسکے ۔ اکھاڑے لئی انگریزی چ ورتے جان آلے لفظ ایرینا دا مطلب ای ریت اے ۔
ایہہ اکھاڑہ 500 سال ورتے جاندا رہئیا تے ایتھے آخری کھیڈ 6ویں صدی عیسوی چ ہوئی ۔
کئی زلزلےآں تے چوراں دے ہتھوں کولوزیئم نوں شدید نقصان پہنچیا پر اس دے کجھ حصے حالے وی بہتر حالت چ موجود نیں ۔ کولوزیئم روم دی علامت تے رومی طرز تعمیر دا شاہکار سمجھئیا جاندا اے ۔ پورے جگ توں لکھاں سیاح اس نوں ویکھن لئی اٹلی دے راجگھر رجوڑوم آندے نیں
This article uses material from the Wikipedia شاہ مکھی پنجابی (Shāhmukhī Pañjābī) article کولوزیئم, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.