چالدران دی لڑائی

اس جنگ چ سلطنت عثمانیہ دیاں فوجاں دی تعداد 2 لکھ سی تے صفوی سلطنت دے لشکر دی تعداد 80 ہزار سی ۔

اس جنگ دی وجہ ایہہ سی کہ اس زمانے چ ایران چ شاہ اسماعیل صفوی (اسماعیل اول) دی حکومت سی تے مصر تے شام تے مملوک حکمران سن ۔ مصر تے ایران دیاں اینہاں حکومتاں نے عثمانی ترکاں دے خلاف معاہدہ کرلئیا تے بعض باغی عثمانی شہزادےآں نوں وی پناہ دے رکھی سی ۔ اس دے علاوہ اینہاں چ تے عثمانی ترکاں چ کدے کدے سرحدی جھڑپاں وی ہندیاں رہندیاں سن ۔ اینہاں وجہاں توں عثمانی سلطان سلیم اول (سلیم I) نے اینہاں دوناں حکومتاں نوں ختم کرن دا ارادہ کرلئیا ۔ شاید اوہ سمجھدا سی کہ جدوں تک عثمانی سلطنت دے گوانڈھ ایران تے مصر دیاں طاقتور حکومتاں مخالف رہن گئیاں ، مسلمان یورپ ول پیش قدمی نئیں کر سکن گئے ۔

اس سلسلے چ سلیم I نے اسماعیل صفوی نوں چالدران دے میدان چ شکست دے کے اینہاں دے راجگھر تبریز تے قبضہ کرلئیا ، سلیم چاہندا سی کہ پورا ایران فتح کرکے صفوی حکومت دا خاتمہ کردتا جائے ، پر اس دی فوج نے اگے ودھن توں انکار کردتا تے سلیم نوں واپس جانا پئیا ۔