ساحل
ساحل (Beach) پاݨی دے جسم دے ناݪ اک زمینی شکل اے جیہڑی ٹِعھلے ذرات اُتے مشتمل ہُندی اے۔ ساحل دی تشکیل کرن والے ذرات عام طور تے چٹان دے بݨے ہُندے نيں، جداں ریت، بجری، شِنگل، کنکر وغیرا، یا حیاتیاتی ذرائع، جداں مولسک گولے یا مرجان طحالب۔ تلچھٹ وکھ وکھ کثافتاں تے ٹعھانچے وچ آباد ہُندے نيں، مقامی لہراں دی کارروائی تے موسم دے لحاظ ناݪ، وکھ وکھ ساخت، رنگ تے میلان یا مواد دیاں تہاں نوں تخلیق کردے نيں۔
کچھ ساحل اندرون مُلک مِٹھے پاݨی دے مقامات جِداں جھیلاں تے ندیاں اُتے بَݨدے نیں، پَر زیادا تر ساحل ساحلی کنڈھےآں وچ نیں جِتھے لہر یا بہائو دے عمل جمع ہُندے نیں تے تلچھٹ تے دوبارا کَم کردے نیں۔ کٹاؤ تے ساحل دی ارضیات دی تبدیلی قدرتی عمل دے ذریعے ہُندی اے، جِداں لہر دی کارروائی تے انتہائی موسمی واقعات۔ جِتھے ہوا دے حالات درست نیں، ساحلاں نوں ساحلی ٹیلےآں ناݪ سہارا مِݪ سَکدا اے جو ساحلی کنڈھے لئی تحفظ تے تخلیق پیش کردے نیں۔
ریتلے ساحل عالمی ساحلی خطوط دے تقریبن اک تہائی اُپر قابض نیں۔ ایہ ساحل تفریح لئی مشہور نیں، اہم اقتصادی تے ثقافتی کردار ادا کردے نیں۔ اکثر مقامی سیاحتی صنعتاں نوں چلاوندے نیں۔ ایہناں استعمالات نوں فروغ دیݨ لئی کچھ ساحلاں اُتے انساناں دا بݨایا ہوا بنیادی ٹعھانچا ہُندا اے جِداں لائف گارڈ دیاں پوسٹاں، بدلݨ دے کمرے (چینجنگ رومز)، شاورز، شیکس تے بار۔ ایہناں دے نیڑے مہمان نوازی دے مقامات، جِداں ریزورٹس، کیمپ، ہوٹل، تے ریسٹونٹ وغیرا ہوسکدے نیں۔
تصویر گیلری
.jpg)
.jpg)
ہور دیکھو
This article uses material from the Wikipedia شاہ مکھی پنجابی (Shāhmukhī Pañjābī) article ساحل, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.