انگلش چینل: سمندر
رودبار انگلستان یا انگلش چینل، بحر اوقیانوس دا اک حصہ اے جو برطانیا عظما نوں شمالی فرانس توں الگ کردی اے تے بحیرہ شمال نوں بحر اوقیانوس نال جوڑدی اے۔ ایہ 563 کلومیٹر (350 میل) طویل تے زیادہ توں زیادہ 240 کلومیٹر (150 میل) چوڑی اے۔ آبنائے ڈوور ایہدا سبھ توں گھٹ چوڑا مقام اے جو صرف 34 کلومیٹر (21 میل) چوڑا اے تے رودبار انگلستان دے مشرقی کنارے اُپر واقع اے۔ رومی سلطنت دے دور وچ ایہ رودبار Oceanus Britannicus کہلاؤندی سی تے 1549ء تک ایہنوں برٹش سمندر کہیا جاندا سی۔
رودبار انگلستان گھٹ گہری اے جیہدی گہرائی 120 میٹر توں 26 میٹر دے درمیان اے۔
ایہ رودبار انگلستان دی قدرتی محافظ اے تے ایہ کئی جنگاں دی شاہد رہ چکی اے جیہناں وچوں زمانہ جدید وچ نپولین دیاں جنگاں، دوسری جنگ عظیم وچ نازی جرمنی دی جارحیت تے زمانہ قدیم وچ رومیاں دی فتح برطانیا، 1066ء وچ نارمن فتوحات تے 1588ء وچ ہسپانوی ارماڈا شامل نیں۔
برطانیا تے فرانس ولوں رودبار دے دونے پاسے واقع شہراں لئی کشتیاں تے جہازاں دے ذریعے سفری خدمات مہیا کیتیاں گئیاں نیں، جد کہ دوناں مُلکاں دے راجگڑھ لندن تے پیرس دے درمیان فاصلہ گھٹاؤݨ لئی رودبار انگلستان دے تھلےوں اک سرنگ تعمیر کیتی گئی اے جیہنوں "چینل ٹنل" یعݨی "رودبار سرنگ" کہیا جاندا اے۔ ایہ پہلی بار 1994ء وچ کھولی گئی سی تے ایہدے ذریعے پہلی بار برطانیا توں کوئی ریل گڈی فرانس پہنچی سی۔ پیرس، برسلز تے لندن اج کل یورو سٹار نامی ریل گڈی دے ذریعے اک دوسرے نال منسلک نیں۔
This article uses material from the Wikipedia شاہ مکھی پنجابی (Shāhmukhī Pañjābī) article انگلش چینل, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.