Null-Risiko-Deng'gfehla

Der Deng'gfehla zaischd sisch ofd, wonns um Gsundhaid, Sischahaid unn Umweld geje dud. De Effeggd bai Endschaidunge hoddma in Umfroche gseje, wuma die Laid iwwa erfunnene unn bschdimmde eschde bolodische Siduazjone bfrochd hodd. Zum Baisbiel hawwen die Bfochde de Kriesch geschede Terrorismus mejr bajaad als des Risiko vun Vakehrsuufäll midd Massnohme zu seng'ge odda gesche die Waffegwald ebbes zu due, wu mehr Laid ums Lewe kummen. Ä onnares Baischbiel isch die Endschaidung, s'Risiko im Beraisch vunnem Manager zu seng'ge, uff Koschde vunnem hejere Risiko fa die gons Firma. Ma vasuchd also gern a glänes Risiko gons zum vschwinde zu bring'ge, als a gressares Risiko gläna zu mache. Bsondas a donn, wonns glänare Risiko äm persenlisch bdriffd.

De Null-Risiko-Deng'gfehla machd, dassisch Laid bessa fielen, wail ä Risiko bsaidischd worre isch unn nedd blos vamindad. Wisseschafdla hawwen baide B'andwordung vunnem Frocheboche zu em ausgdeng'gdm B'roinischungszenario so än Deng'gfehla gfunne. Do'd'bai gehds um zwee gfehrlische Ord X unn Y, wubai in jedem Johr bai X achd Grebsfäll unn bao Y vier Grebsfäll verursache dud. Die Bfrochde hän des in drai Meschlischkaide des zu ännare oigdeeld: Zwee Meschlischkaide hawwen die Gsomdzahl vunde Grebsfäll um 6 unn die dridd Meschlischkaid gsomd um 5 Fäll reduzierd awwa om Ord Y die Fäll gons eliminierd. Obwohl die dritt Meschlischkaid die schlegschde g'wesd isch, hawwen 42% vunde Bfrochde des als minndeschdens bessa als äni vunde onnare Meschlischkaide oigschdufd. Des isch ähnlich zuna friejare Werschafdsschdudije, wuma geseje hodd, dass Laid braid sinn hohe Koschde zu zahle, um ä Risiko gons auszuschließe. Die Laid missen sisch efach wenischa Sorche mache, sobalds ä Risiko nemme gewwe dud unn des isch on sisch nidzlisch.

De Null-Risiko-Deng'gfehla konn dursch onnare Vazerrunge ausgleesd odda vaschdergd werre. Die Laid deng'gen eja in Vaheldnis als in Unnaschied. Ä schdergari Varingarung vunnem Deel vunde Dodesfäll werd als wischdischa oigschezd als ä schdergari Varingerung vunde tatseschlische Dodesfäll. De Null-Risiko-Deng'gfehla kendma deswescha a als ä Vazerrung ogugge, wuma sisch zuziehd, womma uff die Proportione vun Quandidede guggd unn dod'bai noch Risike im Kopp hodd. De Framing-Effeggd konn de Deng'gfehla vagressere, womma zum Baisbiel iwwa die grosse Proportione vun awwa gleene Menge babbld, anschdadd iwwa die gleene Menge on sisch yu redde.

Den Effeggd machdma sisch inde Werdschafd zu nudze. Zum Baisbiel biedn Audovamiedunge gern Zusadzvasicherunge o, wu jedes Risiko abdeggen. Innem Experimend vun 1987 hawwen de Kip Viscusi unn soi Kollesche gzaiscd, was Laid b'raid sinn zu zahle, domid Risike gons vaschwinden. Onnem Baumaagd hoddma Laid än WC Roinischa gzaischd unnse a glaisch iwwa die Risike informierd. Fuchzeh vun Zehausend Laid, wu des bnudzn, vagifden sisch onde Gase unn waidare fuchzeh Laid vun Zehausend krischen Aachevaledzunge, wonse de Roinischa oisedzen. Donn hoddmase gfrochd, wasse b'raid sinn zu zahle um die Risike zu vaklännare odda gons zu bsaidische. Die Laid deden 65 Cent mehr zahle, ums Risiko um finf Bromill zu seng'ge. Donn deden sisch bloss noch zeh vun Zehausend Laid valedze. Ums Risiko nomol um finf Bromill zu seng'ge deden die Laid nomol 19 Cent mehr ausgewwe. Awwa fa die ledschde finf Bromill yu seng'ge, alla uff Null-Risiko zu kumme, deden die laid nomol 83 Cent mehr ausgewwe.

Obwohls jo ga kä Null-Risiko gewwe dud, hodds awwa doch b'liewde Vakafsschdradegije, wu genau des vaschbreschn, wie zum Baisbiel Geld-Zurigg-Garandie, valängadi Rüigggawefrischd, Koschdelosa Vasond unn Retour, voraussischdlischa Liefatermin nenne zum Baischbiel vor Faijadaach, Rundum-Sorglos-Paket, Bequems b'zahle unn guude Kundemeenunge nudze.

• Zero-Risk Bias: Das Risiko minimieren, um Kunden zu motivieren