Universidat di Kòrsou, ofisialmente University of Curaçao mr.
dr. Moises Frumencio da Costa Gomez (UoC, antes konosí komo Universidat di Antias Hulandes, abreviá UNA) ta e promé universidat na Kòrsou. E ta un universidat públiko, kaminda aproksimadamente tres shen studiante ta gradua pa aña.
Fecha di fundashon òf kreashon | 1979 |
---|---|
Pais | Kòrsou |
Situá na | Willemstad |
Koordinato geográfiko | |
Wèpsait ofisial | https://www.uoc.cw |
Universidat di Kòrsou den su forma eksistente ta eksisti for di 1973. Su historia, sinembargo, ta data for di 1970, e aña den kual e Fakultat di Lei di Antias Hulandes a keda establesé pa lei, dia 6 di òktober 1970, pa prepara studiantenan pa hasi eksamen di Lei antiano. E promé aña akadémiko a kuminsa na september 1971 den e edifisio di St. Thomascollege den Otrobanda. E Fakultat di Lei a bira Kolegio di Antias Hulandes (Hogeschool van de Nederlandse Antillen) na 1974, despues ku e programa di Business Administration a keda establesé. Na 1975 e promé kandidatonan a gradua pa eksamen di maestria (doctoraal) den lei antiano. E Departamentu di Business Administration a keda kambia den e Departamentu di Business Administration i Public Administration na 1977, despues di kua studiante nan por a optené nan lisensia bachelor den Public Administration. Na momentu ku a funda Universidat di Antias Hulandes (UNA) dia 12 di yanüari 1979, e Kolegio di Teknologia antiano (establesé na 1972), a keda transformá den Fakultat di Ingenieria. Na aña 2011, universidat a kambia su nòmber for di Universidat di Antias Hulandes i hasiele University of Curaçao mr. dr. Moises Frumencio da Costa Gomez, na honor di Moises Frumencio da Costa Gomez.
E sede di e universidat ta na Willemstad, Kòrsou. Na 1978 e universidat a muda di e edifisio banda di Sehos na Roodeweg, Otrobanda pa Jan Noorduynweg.
Den kuadro di e 12 aña i mei di eksistensia di e fakultat di lei na 1984, e universidat a konsedé pa promé biaha e título di doctor honoris causa, kua a wòrdu akseptá pa e papiamentista Antoine Maduro.
Aktualmente tin sinku fakultat ku 34 programa den e siguiente direkshon di estudio:
Na aña 2016, despues di introdukshon di Fakultat di Músika, tabata ofrese estudio musikal tambe. E programanan tabata un kurso preparatorio, bachelor den Músika i bachelor den Edukashon di Músika.
Idiomanan di instrukshon ta ingles i hulandes, pero algun estudio tambe ta disponibel na Papiamentu. Na aña 2022 UoC tabatin 135.5 kupo di trabou yena i un total 2.452 studiante (bachelor 1190 i master 1262). E kalidat i nivel di e programanan ta similar na esnan na Hulanda. Tur programa ku e universidat ta ofrese ta akreditá pa e Nederlands-Vlaamse Accreditatieorganisatie (NVAO).
Fuente, nota i/òf referensia |
This article uses material from the Wikipedia Papiamentu article University of Curaçao, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). E kontenido ta disponé bou di CC BY-SA 4.0, a menos ku ta unique ta alkontrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Papiamentu (DUHOCTRUNGQUOC.VN) is an independent company and has no affiliation with Wiki Foundation.