Bob Pinedo: Mediko i onkologo hulandes

E tabata fundadó di e VUmc Cancer Center na Amsterdam i te ku 2008 profesor na Vrije Universiteit Amsterdam. Na 1997 el a risibí e premio Spinoza di Hulanda i na 2017 e título doctor honoris causa di University of Curaçao.

Bob Pinedo

Pais di nashonalidat	Reino Hulandes
Nòmber di dilanti	Herbert
Fecha di nasementu	25 ougùstùs 1943
Lugá di nasementu	Willemstad
Okupashon	médiko, oncologist, dosente universitario
Dunadó di trabou	Free University of Amsterdam
Miembro di	Royal Netherlands Academy of Arts and Sciences, Academia Europaea
Distinshon	Spinoza Prize

Pinedo a nase i lanta na Kòrsou den lanthùis Zuurzak serka di Willemstad. Su tata tabata komersiante i su mama tabata ama di kas. Na 1960 el a bai studia medisina na Universidat di Leiden i a especialisa den medisina interno. Na 1972 el a haci su doktorado na Leiden riba un tesis riba hipertenshon renovascular. Komo hefe di e klínika di medisina interno di Hospital Akademiko Utrecht, el a remarka e aserkamentu di un banda so di e tratamento kirurgiko di kanser na Hulanda. El a investigá otro posibel tratamentonan i a studia dos aña na e Instituto Nashonal di Kanser na Merka. Na 1979 el a bira profesor di oncologia na VU Medical Center. Tambe el a bira hefe di e laboratorio di farmacologia di e Instituto Hulandes di Cancer. E tabata fundadó i entre 2003 i 2005 direktor di CCA (VUmc Cancer Centre Amsterdam). Pinedo a retira for di su puesto di profesor na 2008. Den su diskurso di despedida, el a pidi pa amplia e limite di edat pa investigashon di kanser den e poblashon. Despues di su retiro Pinedo a sigui traha na Universidat di Twente riba e pildora "nanopil", ku por detektá kanser di tripa den un estado tempran.

Pinedo tabata kofundadó di e revista sientífiko Annals of Oncology i The Oncologist. E tabata presidente di e Federation of European Cancer Societies i e European Society of Medical Oncology.

Pinedo ta kasá i tata di kuater yu. Dos yu muhe tambe a kontrae kanser.

Pinedo a risibí e premio Josef Steiner Krebsforschung na 1995, e premio Spinoza na 1997, e premio IJ di e munisipio di Amsterdam na 2006 i e David A. Karnofsky Memorial Award. E ta miembro di e Royal Society of Medicine i di e Royal Dutch Academy of Sciences. Pinedo ta kondekorá den Orden di Leon Hulandes i ta Komendador (Commandeur) den Orden di Oranje-Nassau. For di aña 2006 e premio Bob Pinedo Cancer Care Prize ta eksistí, pa personanan ku a hasi un kontribushon signifikativo den tereno di terapia di kanser i kuido pa pashènt.

• Wepsait Pinedo Cancer Care Prize