Black Lives Matter (BLM), loke ta tradusi na Papiamentu den bida di pretunan ta konta, ta un movementu internashonal ku a originá di e komunidat afro-merikano na Estadonan Uni di Merka i ku ta dediká na kombati violensia kontra hende pretu i di kolo.
Black Lives Matter ta organisa regularmente protestanan kontra asesinato di hende pretu pa agentenan polisial i asuntunan mas amplio manera profilamentu rasial ("racial profiling"), violensia polisial i rasismo.
Parti di | civil rights movement |
---|---|
Fecha di fundashon òf kreashon | 13 yüli 2013 |
Nomber kòrtiku | BLM |
IPA transcription | ˈblæk ˈlaɪvz ˈmæ.təɹ |
Fundadó òf kreadó | Alicia Garza, Patrisse Khan-Cullors, Ayọ Tometi |
Pais | Estadonan Uni di Merka |
Ideologia polítiko | anti-racism |
Evento notabel | George Floyd protests, State of Florida v. George Zimmerman, shooting of Michael Brown, killing of Eric Garner |
Distinshon | Sydney Peace Prize |
Wèpsait ofisial | https://blacklivesmatter.com/ |
Hashtag | BlackLivesMatter |
In opposition to | police brutality in the United States, militarization of police, racial profiling |
Koló ofisial | pretu |
Lista di tema | list of Black Lives Matter street murals |
Na 2013 despues di e eksonerashon di George Zimmerman pa e morto di e teenager afro-merikano Trayvon Martin durante un tiroteo e movementu a kuminsa usa e hashtag #BlackLivesMatter riba retnan sosial. Black Lives Matter ta risibí rekonosimentu nashonal pa su demonstrashonnan despues di e morto di dos afro-merikanonan na 2014: Michael Brown i Eric Garner, ku a kondusi na protestanan i disturbionan na Ferguson, Missouri i New York City.
Desde e protestanan na Ferguson partisipantenan na Black Lives Matter a ekspresa nan mes kontra inumerabel kaso di morto di afro-merikanonan a konsekwensia di akshonnan polisial, bao di kua Tamir Rice, Eric Harris, Walter Scott, Jonathan Ferrell, Sandra Bland, Samuel DuBose, Freddie Gray i George Floyd. Na 2015 Black Lives Matter a kuminsa reta politikonan publikamente, entro otro kandidatonan pa e elekshonnan presidential di 2016 na Merka, pa sali na kla ku nan posishon tokante asuntonan di diskriminashon rasial na Merka.
E movementu mundial di Black Lives Matter ta un ret desentralisá i no tin herarkia of struktura formal. Protestanan ku sali for di e BLM-slogan ta wordu kontinuamente kuestioná, komo ku tersera personanan ta malusa esakinan pa sakea i destrui negoshi na diferente siudat di e pais.
Fundadonan di e movementu ta tres lider di e komunidat afro-merikano: Alicia Garza, Patrisse Cullors i Opal Tometi.
Dia 10 di yüli 2016 tabatin un protesta di Black Lives Matter riba Dam na Amsterdam. Un 400 demostrante a tene un sit-in pa protesta kontra violensia polisial. E protesta tabata pa motibo di e violensia polisial persistente na Merka kontra afro-merikanonan. E protesta tabata pasifiko, loke e organisadornan a enfatisá tambe den nan yamamentu.
Na mei i yüni 2020 tabatin un ola di demonstrashon kontra rasismo i inhustisia na Merka i ront mundu despues di e fayesimentu di George Floyd. Floyd tabata un afro-merikano di 49 aña, ku a muri dia 25 di mei 2020 na Minneapolis (Minnesota) despues ku polis a pone su rudia riba su nek. Na Hulanda miles di hende na Amsterdam, Den Haag i Rotterdam a subi kaya pa protesta.
Na 2020 e Islanan ABC tambe a uni nan mes na e protestanan pa George Floyd. Na Aruba a tene charlanan riba Plasa Betico Croes pa komunidad interkambia riba e tema di rasismo i loke ta relashona ku esaki, manera desigualdat, diskriminashon, explotashon di hende pa nan kolo di kuero. Bao organisashon di e movementu "Bonaire All Lives Matter" un sesenta hende a bini huntu 10 di yüni 2020 na Parke Wilhelmina na Kralendijk. Komo kasonan di diskriminashon na Boneiru a oumentá último añanan e movementu ta boga pa eliminá opreshon ku un kambio di mentalidat. Ta intenshon di e movementu pa despues entrega un petishon na gobièrnu pa kita e plakat di Johannes van Walbeeck riba Parke Wilhelmina pa motibu di su vínkulo ku e historia skur di kolonialismo. Bao di e nòmber ‘Curaçao can’t breath’ (Kòrsou no por hala rosea) un grupo di hoben di Kòrsou a bini huntu na Plasa Brion pa pidi atenshon pa igualdat i derechi igual.
Fuente, nota i/òf referensia |
This article uses material from the Wikipedia Papiamentu article Black Lives Matter, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). E kontenido ta disponé bou di CC BY-SA 4.0, a menos ku ta unique ta alkontrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Papiamentu (DUHOCTRUNGQUOC.VN) is an independent company and has no affiliation with Wiki Foundation.