I vitt di negher cunten (Black Lives Matter in ingles) a l'è 'n moviment attivista internazional, ma spantegaa principalment in di Stat Unii, contra de la violenza de la polizia in sui negher e contra la profilazion in su la bas de la razza e i ingiustizzi del sistema giudiziari di Stat Unii.
L'è nassuu in del 2013 dopo che 'n polee american bianch, el George Zimmerman, l'è staa assolt de l'accusa de avè sbaraa a 'n des-settenn negher, e inscì l'hashtag el tacca a spantegàss in sul Twitter e in del 2014 gh'è i primm manifestazion e l'è tornaa assee in auge dopo di protest per la mort del George Floyd in del 2020.
L'è staa criticaa per vess tropp contrari a la polizia e per el messagg tropp orientaa a la razza, roba che la convincc no on quaj attivista per i dirizz civil. I conservator american, inveci, sostegnen che gh'avarien de concentràss pussee in su la violenza in tra i negher, pussee spantegada, che in sui rari casi in tra polizia e negher.
This article uses material from the Wikipedia Lumbaart article I vitt di negher cunten, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.