Rose Mary Allen: Antropólogo di Kòrsou

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.

Desde 2021 e ta profesor extraordinario di Kultura, Sosiedat i Historia na University of Curaçao mr. dr. Moises Frumencio da Costa Gomez i ta e promé profesor femenino den historia di e universidat. Su publikashonnan tin komo enfoke prinsipal e historia oral di e katibunan di Karibe Hulandes, antes konosí komo kolonia Kòrsou i despues Antias Hulandes.

Rose Mary Allen

Pais di nashonalidat	Reino Hulandes
Nòmber di dilanti	Rose
Fecha di nasementu	20. century
Okupashon	antropólogo
Distinshon	Premio Cola Debrot

Rose Mary Allen ta optené su diploma HBS-B na Maria Immaculata Lyceum na Kòrsou. Seguidamente e ta bai studia na Universidat Katóliko di Nijmegen i ta gradua den antropologia kultural i sosial na 1977. Na 2007 e ta promove na Universidat di Utrecht riba e disertashon Di ki Manera? A Social History of Afro-Curaçaoans, 1863-1917. Su promotor tabata Prof.dr. G.J. Oostindie.

Na 2011 Allen a risibí e Premio Boeli van Leeuwen pa su disertashon Di ki manera: a social history of Afro-Curaçaoans, 1863-1917. Na 2015 ela risibí e Premio Cola Debrot, e distinshon nashonal mas prestigioso di Kòrsou riba tereno di kultura i arte. E mesun aña Allen a wòrdu kondekorá komo kabayero (ridder) den Orden di Oranje-Nassau. Na 2023 el a wòrdu rekonosí ku e Krus di Mérito Kòrsou.

• 2007 - Di ki manera? A Social History of Afro-Curaçaoans, 1863-1917, editorial SWP
• 2022 - Wanawa Afrika prekolonial, un introdukshon, editorial SWP