ਗਾਇਕਾ ਸ਼ਕੀਲਾ

ਸ਼ਕੀਲਾ ਮੋਹਸੇਨੀ ਸੇਦਾਘਾਟ (ਅੰਗ੍ਰੇਜ਼ੀ: Shakila Mohseni Sedaghat), ਸ਼ਕੀਲਾ ਵਜੋਂ ਜਾਣੀ ਜਾਂਦੀ ਹੈ, ਜੋ 3 ਮਈ, 1962, ਨੂੰ ਜਨਮੀ ਇੱਕ ਈਰਾਨੀ ਗਾਇਕ-ਗੀਤਕਾਰ ਹੈ ਅਤੇ ਸੈਨ ਡਿਏਗੋ, ਕੈਲੀਫੋਰਨੀਆ ਵਿੱਚ ਰਹਿੰਦੀ ਹੈ। ਉਹ ਇੱਕ ਅੰਤਰਰਾਸ਼ਟਰੀ ਕਲਾਕਾਰ ਹੈ ਜਿਸਨੇ ਫ਼ਾਰਸੀ, ਕੁਰਦਿਸ਼, ਅੰਗਰੇਜ਼ੀ, ਤੁਰਕੀ, ਹਿੰਦੀ ਅਤੇ ਸਪੈਨਿਸ਼ ਸਮੇਤ ਵੱਖ-ਵੱਖ ਭਾਸ਼ਾਵਾਂ ਵਿੱਚ ਪ੍ਰਦਰਸ਼ਨ ਕੀਤਾ ਹੈ। ਉਸਨੇ 2006 ਵਿੱਚ ਇੱਕ ਫ਼ਾਰਸੀ ਸੰਗੀਤ ਅਕੈਡਮੀ ਅਵਾਰਡ ਅਤੇ 2015 ਵਿੱਚ ਇੱਕ ਗਲੋਬਲ ਸੰਗੀਤ ਅਵਾਰਡ ਜਿੱਤਿਆ ਹੈ। ਸ਼ਕੀਲਾ ਨੇ ਫ਼ਾਰਸੀ ਭਾਸ਼ਾ ਵਿੱਚ ਵੀਹ ਤੋਂ ਵੱਧ ਐਲਬਮਾਂ ਦੇ ਨਾਲ-ਨਾਲ ਅੰਗਰੇਜ਼ੀ ਵਿੱਚ ਵੀ ਕਈ ਐਲਬਮਾਂ ਰਿਲੀਜ਼ ਕੀਤੀਆਂ ਹਨ। ਉਹ ਮੁੱਖ ਤੌਰ 'ਤੇ ਅਧਿਆਤਮਿਕਤਾ, ਪਿਆਰ, ਸ਼ਾਂਤੀ ਅਤੇ ਜਾਗ੍ਰਿਤੀ ਬਾਰੇ ਗਾਉਂਦੀ ਹੈ। ਉਸਦੇ ਗੀਤਾਂ ਦੇ ਬੋਲ ਰੂਮੀ ਅਤੇ ਹੋਰ ਪ੍ਰਮੁੱਖ ਕਵੀਆਂ ਤੋਂ ਪ੍ਰੇਰਿਤ ਹਨ। ਉਹ ਗ੍ਰੈਮੀ ਅਵਾਰਡਸ ਵਿੱਚ ਇੱਕ ਅਧਿਕਾਰਤ ਵੋਟਿੰਗ ਮੈਂਬਰ ਵੀ ਹੈ।