ਇਕਰਾ ਅਜ਼ੀਜ਼ (Urdu: اقرا عزیز; ਜਨਮ 24 ਨਵੰਬਰ 1994) ਇੱਕ ਪਾਕਿਸਤਾਨੀ ਅਦਾਕਾਰਾ ਹੈ।
ਇਕਰਾ ਅਜ਼ੀਜ਼ | |
---|---|
ਜਨਮ | |
ਰਾਸ਼ਟਰੀਅਤਾ | ਪਾਕਿਸਤਾਨੀ |
ਅਲਮਾ ਮਾਤਰ | ਕਰਾਚੀ ਯੂਨੀਵਰਸਿਟੀ |
ਪੇਸ਼ਾ | ਅਦਾਕਾਰਾ, ਮਾਡਲ |
ਸਰਗਰਮੀ ਦੇ ਸਾਲ | 2014–ਹੁਣ ਤੱਕ |
ਰਿਸ਼ਤੇਦਾਰ | ਸਿਦਰਾ ਅਜ਼ੀਜ਼ (ਭੈਣ) |
ਉਸਨੇ ਹਮ ਟੀਵੀ ਦੇ ਕਈ ਡਰਾਮਿਆਂ ਵਿਚ ਕੰਮ ਕੀਤਾ ਹੈ। ਹਮ ਅਵਾਰਡਸ 2016 ਵਿਚ ਉਸਨੂੰ ਉਸਦੀ ਅਦਾਕਾਰੀ ਲਈ ਸਨਮਾਨ ਵੀ ਮਿਲਿਆ।
ਅਜ਼ੀਜ਼ ਨੇ ਪਹਿਲਾਂ ਇੱਕ ਟੈਲੀਵਿਜ਼ਨ ਵਪਾਰਕ ਮਾਡਲ ਵਜੋਂ ਆਡੀਸ਼ਨ ਦਿੱਤਾ ਅਤੇ ਸਿਟਰਸ ਟੇਲੈਂਟ ਏਜੰਸੀ ਦੁਆਰਾ ਚੁਣੀ ਗਈ। ਉਸ ਨੇ ‘ਕਿਸੇ ਅਪਨਾ ਕਹੇਂ’ (2014) ਵਿੱਚ ਇੱਕ ਸਹਾਇਕ ਭੂਮਿਕਾ ਨਾਲ ਆਪਣੀ ਅਦਾਕਾਰੀ ਦੀ ਸ਼ੁਰੂਆਤ ਕੀਤੀ ਅਤੇ 2015 ਦੀ ਰੋਮਾਂਟਿਕ ਸੀਰੀਜ਼ ‘ਮੁਕਦੱਸ’ ਨਾਲ ਉਸ ਨੇ ਆਪਣੀ ਪਹਿਲੀ ਮੋਹਰੀ ਜਾਂ ਮੁੱਖ ਭੂਮਿਕਾ ਅਦਾ ਕੀਤੀ। ਇਸ ਤੋਂ ਬਾਅਦ, ਉਹ ਦੀਵਾਨਾ (2016), ਲਾਜ (2016), ਸੋਚਾ ਨਾ ਥਾ (2016), ਛੋਟੀ ਸੀ ਜ਼ਿੰਦਗੀ (2016), ਨਾਟਕ (2016), ਗੁਸਤਾਖ ਇਸ਼ਕ (2017), ਕੁਰਬਾਨ (2018), ਸੁਨੋ ਚੰਦਾ (2018), ਰਾਂਝਾ ਰਾਂਝਾ ਕਰਦੀ ਵਿੱਚ ਆਪਣੀਆਂ ਪ੍ਰਮੁੱਖ ਭੂਮਿਕਾਵਾਂ ਲਈ ਜਾਣੀ ਜਾਂਦੀ ਹੈ।
ਇਕਰਾ ਦਾ ਜਨਮ 24 ਨਵੰਬਰ 1994 ਨੂੰ ਕਰਾਚੀ ਵਿੱਚ ਹੋਇਆ। ਅੱਜ ਕਲ ਉਹ ਕਰਾਚੀ ਵਿੱਚ ਹੀ ਰਹਿ ਰਹੀ ਹੈ। ਉਸ ਦਾ ਜਨਮ ਸਿੰਧੀ ਪਰਿਵਾਰ ਵਿੱਚ ਅਬਦੁੱਲ ਅਜ਼ੀਜ਼ ਅਤੇ ਆਸੀਆ ਅਜ਼ੀਜ਼ ਦੇ ਘਰ ਹੋਇਆ ਸੀ। ਉਹ ਦੇ ਪਰਿਵਾਰ ‘ਚ 3 ਸੱਦਸ ਸਨ- ਉਸਦੀ ਮਾਂ, ਖੁਦ ਅਤੇ ਉਸਦੀ ਵੱਡੀ ਭੈਣ ਸਿਦਰਾ ਅਜ਼ੀਜ਼। ਉਸਨੇ ਬਹੁਤ ਛੋਟੀ ਉਮਰੇ ਹੀ ਆਪਣੇ ਪਿਤਾ ਨੂੰ ਗੁਆ ਦਿੱਤਾ ਅਤੇ ਉਸ ਦਾ ਪਾਲਣ ਪੋਸ਼ਣ ਉਸਦੀ ਮਾਂ ਦੁਆਰਾ ਕੀਤਾ ਗਿਆ। ਉਸਨੇ ਇੰਟਰਵਿਊਆਂ ਵਿੱਚ ਆਪਣੀ ਮਾਂ ਦੇ ਸੰਘਰਸ਼ਾਂ ਬਾਰੇ ਇੱਕਲੇ ਮਾਂ-ਬਾਪ ਹੋਣ ਦਾ ਜ਼ਿਕਰ ਕੀਤਾ। ਉਸ ਦੇ ਦੱਸਿਆ ਕਿ ਉਨ੍ਹਾਂ ਲਈ ਦਿਨੋ-ਦਿਨ ਵਿੱਤੀ ਲੋੜਾਂ ਨੂੰ ਪੂਰਾ ਕਰਨਾ ਬਹੁਤ ਮੁਸ਼ਕਲ ਸੀ। ਉਸ ਦੀ ਮਾਂ ਨੂੰ ਕਰਾਚੀ ਵਿੱਚ ਪਹਿਲੀ ਔਰਤ ਕਰੀਮ ਡਰਾਈਵਰ ਹੋਣ ਦਾ ਸਿਹਰਾ ਹੈ। ਅਜ਼ੀਜ਼ ਆਪਣੀ ਮਾਂ ਦੇ ਨਾਲ ਕਰਾਚੀ ਵਿੱਚ ਰਹਿੰਦੀ ਹੈ। ਉਸ ਨੇ ਕਰਾਚੀ ਯੂਨੀਵਰਸਿਟੀ ਤੋਂ ਕਾਮਰਸ ਦੀ ਇੱਕ ਅਧੁਰੀ ਬੈਚਲਰਸ ਦੀ ਡਿਗਰੀ ਹਾਸਲ ਕੀਤੀ ਹੈ ਅਤੇ ਉਸ ਦੀ ਇੱਛਾ ਹੈ ਕਿ ਅਦਾਕਾਰੀ ਅਤੇ ਮਾਡਲਿੰਗ ਤੋਂ ਬਰੇਕ ਮਿਲਦਿਆਂ ਹੀ ਇਸ ਨੂੰ ਪੂਰਾ ਕਰੇਗੀ।
ਇਕਰਾ ਨੇ ਆਪਣੇ ਕੈਰੀਅਰ ਦੀ ਸ਼ੁਰੂਆਤ ਹਮ ਟੀਵੀ ਦੇ ਡਰਾਮੇ ਕਿਸੇ ਅਪਨਾ ਕਹੇਂ ਨਾਲ ਕੀਤਾ। ਜਿਸ ਵਿੱਚ ਉਸਨੇ ਸ਼ਬੀਰ ਜਾਨ, ਆਰਿਜ ਫਾਤਿਮਾ, ਰੁਬੀਨਾ ਅਸ਼ਰਫ ਨਾਲ ਭੂਮਿਕਾ ਨਿਭਾਈ।
2015 ਦਾ ਉਸਦਾ ਪਹਿਲਾ ਸੀਰੀਅਲ ਮੁਕੱਦਸ ਸੀ। ਇਸ ਵਿੱਚ ਉਸਦੇ ਨਾਲ ਨੂਰ ਹਸਨ ਰਿਜ਼ਵੀ ਅਤੇ ਹਿਨਾ ਖ਼ਵਾਜ਼ਾ ਬਯਾਤ ਸਨ। ਮੋਲ ਵਿਚ ਉਸਨੇ ਸ਼ਾਨਜ਼ੀ ਦਾ ਕਿਦਾਰ ਨਿਭਾਇਆ ਹੈ ਜੋ ਇੱਕ ਦਹਾਜੂ ਨਾਲ ਵਿਆਹ ਕਰਾ ਲੈਂਦੀ ਹੈ। 2016 ਵਿੱਚ ਇਕਰਾ ਚਾਰ ਨਾਟਕਾਂ ਵਿੱਚ ਨਜ਼ਰ ਆਈ। ਇਹਨਾਂ ਵਿੱਚ ਕਿਸੇ ਚਾਹੂੰ, ਦੀਵਾਨਾ, ਛੋਟੀ ਸੀ ਜ਼ਿੰਦਗੀ ਅਤੇ ਲਾਜ ਦੇ ਨਾਂ ਆਉਂਦੇ ਹਨ।
ਉਸ ਦੀ ਇੱਕ ਵੱਡੀ ਭੈਣ ਸਿਦਰਾ ਅਜ਼ੀਜ਼ ਹੈ ਜੋ ਪੇਸ਼ੇ ਦੇ ਤੌਰ ‘ਤੇ ਇੱਕ ਅਧਿਆਪਕਾ ਹੈ। ਇਹ ਗੱਲ 2018 ਵਿੱਚ ਸਾਹਮਣੇ ਆਈ ਸੀ ਕਿ ਅਜ਼ੀਜ਼ ਖ਼ਾਮੋਸ਼ੀ ਦੇ ਸਹਿ-ਅਦਾਕਾਰ ਅਫਾਨ ਵਹੀਦ ਨਾਲ ਰਿਸ਼ਤੇ ਵਿੱਚ ਰਹੀ ਸੀ। 7 ਜੁਲਾਈ 2019 ਨੂੰ, 18ਵੇਂ ਲੱਕਸ ਸ਼ੈਲੀ ਅਵਾਰਡਾਂ ‘ਚ, ਇਕਰਾ ਨੇ ਜਨਤਕ ਤੌਰ 'ਤੇ ਯਾਸੀਰ ਹੁਸੈਨ ਨਾਲ ਵਿਆਹ ਕਰਵਾਇਆ ਸੀ।
ਸਾਲ | ਫ਼ਿਲਮ | ਭੂਮਿਕਾ | ਨੋਟਸ |
---|---|---|---|
2014 | ਕਿਸੇ ਅਪਨਾ ਕਹੇਂ | ਸ਼ੰਜ਼ੇ | |
2015 | “ਮੁਕਦੱਸ” | ਮੁਕਦੱਸ | |
2015 | “ਮੋਲ” | ਸੱਜਲ | ਹਮ ਅਵਾਰਡ ਫ਼ਾਰ ਬੈਸਟ ਟੈਲੀਵਿਜ਼ਨ ਸੇਨਟੇਸ਼ਨ |
2016 | ਸੋਚਾ ਨਾ ਥਾ | ਸ਼ਫਾਕ | |
2016 | “ਦੀਵਾਨਾ” | ਮਿਹਰ ਸੁਲਤਾਨਾ | |
2016 | ਕਿਸੇ ਚਾਹੂੰ | ਮਰੀਨਾ ਜ਼ਾਮਨ | |
2016 | ਲਾਜ | ਮੰਨਤ | |
2016 | ਛੋਟੀ ਸੀ ਜ਼ਿਦੰਗੀ | ਅਮੀਨਾ | |
2016 | ਨਾਟਕ (ਡਰਾਮਾ) | ਸ਼ਫ਼ਾਕ | |
2017 | ਜੁਦਾਈ | ਜ਼ੁਨੈਰਾ (ਜ਼ੁਨੀ) | ਟੈਲੀਫ਼ਿਲਮ |
2017 | ਗੁਸਤਾਖ਼ ਇਸ਼ਕ | ਨਜਫ਼ | |
2017 | ਦਿਲ-ਏ-ਜਾਨਮ | ਸਮੀਰਾ | ਕੈਮਿਉ ਪੇਸ਼ਕਾਰੀ |
2017 | “ਘੈਰਤ” | ਸਬਾ | |
2017 | ਖ਼ਾਮੋਸ਼ੀ | ਨਾਈਮਾ ਸਾਬਿਰ | |
2018 | ਕੁਰਬਾਨ | ਹੀਰ | |
2018 | ਸੁਨੋ ਚੰਦਾ | ਜੀਆ | ਰਮਾਦਨ ਸਪੈਸ਼ਲ ਫਨੀਟੀ ਸੀਰੀਜ਼ |
2018 | ਤਾਬੀਰ | ਤਾਬੀਰ | |
2018–2019 | ਰਾਂਝਾ ਰਾਂਝਾ ਕਰਦੀ | ਨੂਰ ਬਾਨੋ (ਨੂਰੀ) | |
2019 | ਸੁਨੋ ਚੰਦਾ 2 | ਜੀਆ | |
2019 | ਝੂਠੀ | ਟੀ.ਬੀ.ਏ. | ਫ਼ਿਲਮਿੰਗ |
2019 | ਮੇਰਾ ਤੇਰਾ ਯਾਰ | TBA | Announced |
ਸਾਲ | ਗੀਤ | ਆਰਟਿਸਟ | ਨੋਟਸ |
---|---|---|---|
2018 | "ਓ ਜਾਨਾ" | ਰਾਹਤ ਫ਼ਤਿਹ ਅਲੀ ਖਾਨ, ਹਮਜ਼ਾ ਮਲਿਕ | |
2018 | "ਜੋ ਤੁੰ ਨਾ ਮਿਲਾ" | ਆਸੀਮ ਅਜ਼ਹਰ |
This article uses material from the Wikipedia ਪੰਜਾਬੀ article ਇਕਰਾ ਅਜ਼ੀਜ਼, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ਇਹ ਸਮੱਗਰੀ CC BY-SA 4.0 ਹੇਠ ਮੌਜੂਦ ਹੈ। ਅਜਿਹਾ ਨਾ ਹੋਣ ਉੱਤੇ ਵਿਸ਼ੇਸ਼ ਤੌਰ ਉੱਤੇ ਦੱਸਿਆ ਜਾਵੇਗਾ। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ਪੰਜਾਬੀ (DUHOCTRUNGQUOC.VN) is an independent company and has no affiliation with Wiki Foundation.