ᱯᱨᱚᱛᱵᱷᱟ ᱨᱟᱭ ( ᱡᱟᱱᱟᱢ ᱒᱑ ᱡᱟᱱᱩᱣᱟᱨᱤ ᱑᱙᱔᱓ ) ᱫᱚ ᱜᱭᱟᱱᱯᱤᱴᱷ ᱥᱤᱨᱯᱟᱹᱭ ᱧᱟᱢ ᱟᱠᱟᱫ ᱛᱤᱨᱞᱟᱹ ᱥᱟᱶᱦᱮᱫᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱡᱚᱜᱚᱛᱥᱤᱝᱯᱩᱨ ᱡᱤᱞᱟᱹ ᱨᱮᱭᱟᱜ ᱵᱟᱹᱞᱤᱠᱩᱫᱟᱹ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱜᱭᱟᱱᱯᱤᱴᱷ ᱥᱤᱨᱯᱟᱹ ᱧᱟᱢ ᱨᱮ ᱩᱱᱤ ᱫᱚ ᱯᱚᱱᱚᱛ ᱨᱮᱱᱤᱡ ᱯᱩᱱᱟᱜ ᱩᱰᱤᱭᱟᱹ ᱟᱨ ᱫᱤᱥᱚᱢ ᱨᱮᱱᱤᱡ ᱮᱭᱟᱭ ᱛᱤᱨᱞᱟᱹ ᱠᱟᱱᱟᱭ ᱾ ᱑᱙᱗᱔ ᱥᱟᱞ ᱨᱮᱭᱟᱜ ᱟᱡᱟᱜ ᱯᱩᱭᱞᱩ ᱜᱟᱢᱟᱢ ᱡᱟᱯᱩᱫ, ᱯᱷᱟᱹᱜᱩᱱ ᱟᱨ ᱵᱟᱹᱭᱥᱟᱹᱛ ᱦᱚᱲ ᱟᱹᱰᱤ ᱠᱚ ᱠᱩᱥᱤᱭᱟᱫ ᱛᱟᱦᱮᱸᱫ ᱾ ᱢᱟᱹᱱᱤᱡ ᱨᱟᱭ ᱫᱚ ᱡᱟᱜᱽᱭᱚᱥᱮᱱᱤ(ଯାଜ୍ଞସେନୀ) (᱑᱙᱘᱕) ᱜᱟᱢᱟᱟᱢ ᱞᱟᱹᱜᱤᱫ ᱥᱟᱨᱚᱞᱟ ᱥᱤᱨᱯᱟᱹ ᱑᱙᱙᱐ ᱥᱟᱞ ᱨᱮ ᱠᱚ ᱮᱢᱟᱫ ᱫᱮ ᱛᱟᱦᱮᱸᱫ ᱾ ᱚᱱᱟ ᱜᱟᱢᱟᱢ ᱞᱟᱹᱜᱤᱫ ᱜᱮ ᱑᱙᱙᱑ ᱥᱟᱞ ᱨᱮ ᱢᱩᱨᱛᱤᱫᱮᱵᱤ ᱥᱤᱨᱯᱟᱹ ᱠᱚ ᱮᱢᱟᱫᱮ ᱛᱟᱦᱮᱸᱫ ᱾ ᱛᱟᱭᱚᱢ ᱛᱮ ᱚᱱᱟ ᱫᱚ ᱮᱭᱟᱭ ᱜᱚᱴᱟᱝ ᱯᱟᱹᱨᱥᱤ ᱛᱮᱠᱚ ᱚᱞ ᱟᱹᱨᱩ ᱞᱮᱫ ᱛᱟᱦᱮᱸᱫ ᱾ ᱵᱤᱨᱫᱟᱹᱜᱟᱲ ᱢᱟᱪᱮᱛᱟᱹᱱᱤ ᱞᱮᱠᱟᱛᱮ ᱠᱟᱹᱢᱤ ᱡᱤᱭᱤᱱ ᱮ ᱮᱦᱚᱵ ᱞᱮᱫ ᱢᱟᱱᱚᱛᱟᱱᱤ ᱨᱟᱭ ᱫᱚ ᱑᱙᱙᱘ ᱥᱟᱞ ᱨᱮ ᱯᱨᱚᱯᱷᱮᱥᱚᱨ ᱞᱮᱠᱟᱛᱮ ᱡᱤᱨᱟᱹᱣ ᱮ ᱦᱟᱛᱟᱣ ᱞᱮᱜ-ᱟ ᱾ ᱚᱱᱟ ᱛᱟᱭᱚᱢ ᱳᱰᱤᱥᱟ ᱦᱚᱲ ᱥᱮᱵᱟ ᱟᱭᱚᱜ ᱨᱮ ᱡᱚᱲᱟᱣ ᱞᱮᱱᱟ ᱾
ᱯᱨᱚᱛᱤᱵᱷᱟ ᱨᱟᱭ | |
---|---|
ᱡᱟᱱᱟᱢ | ᱒᱑ ᱡᱟᱱᱩᱣᱟᱨᱤ ᱑᱙᱔᱓ ᱚᱲᱟᱵᱚᱲ, ᱡᱚᱜᱚᱛᱥᱤᱝᱯᱩᱨ ᱡᱤᱞᱟᱹ |
ᱠᱟᱹᱢᱤ | ᱠᱟᱹᱦᱱᱤᱠᱟᱨ, ᱜᱟᱢᱟᱢᱤᱭᱟᱹ |
ᱯᱟᱹᱨᱥᱤ | ᱩᱰᱤᱭᱟᱹ |
ᱡᱟᱹᱛᱤᱭᱟᱹᱛ | ᱥᱤᱧᱚᱛ |
ᱡᱟᱹᱛ | ᱩᱰᱤᱭᱟᱹ |
ᱥᱮᱪᱮᱫ | ᱥᱚᱱᱮᱨ ᱥᱤᱫ (ᱥᱮᱪᱮᱫ), ᱰᱚᱠᱴᱚᱨᱮᱴ (ᱥᱮᱪᱮᱫ ᱢᱚᱱ ᱥᱟᱬᱮᱥ) |
ᱥᱮᱪᱮᱫ ᱟᱥᱲᱟ | ᱨᱮᱵᱷᱮᱱᱥᱟ ᱢᱟᱦᱟᱵᱤᱨᱫᱟᱹᱜᱟᱲ |
ᱥᱟᱶᱦᱮᱫ ᱮᱱᱮᱢ | ᱡᱟᱜᱽᱭᱚᱥᱮᱱᱤ, ᱥᱤᱲᱟᱯᱚᱫᱽᱢᱚ |
ᱥᱤᱨᱯᱷᱟᱹ | ᱜᱭᱟᱱᱯᱤᱴᱷ ᱥᱤᱨᱯᱟᱹ, ᱥᱟᱨᱚᱲᱟ ᱥᱤᱨᱯᱟᱹ ᱠᱮᱱᱫᱨᱚ ᱥᱟᱦᱤᱛᱭᱚ ᱮᱠᱟᱫᱮᱢᱤ ᱥᱤᱨᱯᱟᱹ |
ᱡᱤᱭᱚᱱ ᱥᱚᱦᱮᱫ | ᱚᱠᱷᱭᱚᱭ ᱪᱚᱸᱫᱨᱚ ᱨᱟᱭ |
ᱦᱚᱯᱚᱱ | ᱟᱫᱽᱭᱟᱥᱟ, ᱚᱱᱣᱮᱥ, ᱚᱭᱚᱥᱠᱟᱱᱛᱚ |
ᱣᱮᱵᱽᱥᱟᱭᱤᱴ | |
pratibharay.org |
ᱯᱨᱚᱛᱤᱵᱷᱟ ᱨᱟᱭ ᱫᱚ ᱒᱐ ᱜᱚᱴᱟᱝ ᱜᱟᱢᱟᱢ, ᱒᱔ ᱜᱚᱴᱟᱝ ᱠᱷᱟᱴᱚ ᱠᱟᱦᱱᱤ, ᱑᱐ ᱜᱚᱴᱟᱝ ᱫᱟᱲᱟᱱ ᱠᱟᱦᱱᱤ, ᱒ ᱭᱟ ᱚᱱᱚᱲᱦᱮ ᱟᱨ ᱟᱹᱰᱤ ᱜᱟᱱ ᱚᱱᱚᱞ ᱮᱚᱞ ᱟᱠᱟᱫᱟ ᱾
This article uses material from the Wikipedia ᱥᱟᱱᱛᱟᱲᱤ article ᱯᱨᱚᱛᱤᱵᱷᱟ ᱨᱟᱭ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.