ଚନ୍ଦ୍ରଶେଖର ହୋତା: ଓଡ଼ିଆ ପ୍ରାବନ୍ଧିକ

ଚନ୍ଦ୍ରଶେଖର ୧୯୮୫ ମସିହାରେ ବଲାଙ୍ଗୀର ଜିଲ୍ଲାର ଲୋଇସିଂହା ଅନ୍ତର୍ଗତ ଗୁର୍ଜିଭଟାଠାରେ ଜନ୍ମଗ୍ରହଣ କରିଥିଲେ । ତାଙ୍କ ପିତା ଶମ୍ଭୂଧର ହୋତା ପ୍ରାଚୀନ ସାହିତ୍ୟର ଜଣେ ପଣ୍ଡିତ ଓ ପ୍ରବଚକ । ସେ ହାଇଦ୍ରାବାଦ ବିଶ୍ୱବିଦ୍ୟାଳୟରୁ ସ୍ନାତକୋତ୍ତର ଶିକ୍ଷାଲାଭ କରିଛନ୍ତି । ସେ ଦିଲ୍ଲୀସ୍ଥିତ ଜବାହରଲାଲ ନେହେରୁ ବିଶ୍ୱବିଦ୍ୟାଳୟରେ ମଧ୍ୟ ଅଧ୍ୟୟନ କରିଛନ୍ତି । ସେ ଓଡ଼ିଶା ପୁଲିସ ବିଭାଗରେ କାର୍ଯ୍ୟରତ ଓ ବର୍ତ୍ତମାନ ନବରଙ୍ଗପୁରର ଡିଏସପି ଭାବରେ କାର୍ଯ୍ୟରତ ।

ସେ ପିଲାଦିନରୁ ସାହିତ୍ୟପ୍ରତି ଆକର୍ଷିତ ଥିଲେ । କବିତାରେ ସେ ନିଜ ସାହିତ୍ୟ ଯାତ୍ରା ଆରମ୍ଭ କରିଥିଲେ । କିନ୍ତୁ ଓଡ଼ିଆରେ ବିଶେଷ ପ୍ରବନ୍ଧ ଲେଖାନଯାଉଥିବା ହୃଦୟଙ୍ଗମ କରି ସେ ପ୍ରବନ୍ଧ ରଚନା ଲେଖିବାକୁ ଇଚ୍ଛା କରିଥିଲେ ।

ତାଙ୍କ ପୁସ୍ତକ ଚେତନାର ଅନ୍ୱେଷଣ କଟକର ଫ୍ରେଣ୍ଡସ ପ୍ରକାଶନୀ ସଂସ୍ଥାଦ୍ୱାରା ପ୍ରକାଶିତ । ଏହି ପୁସ୍ତକରେ ୧୦ଟି ପ୍ରବନ୍ଧ ରହିଛି । ନିରବତାର ଦୁଃଖ, ଯନ୍ତ୍ରଣାର ଆନନ୍ଦ, ପ୍ରଜ୍ଞାର ସଂଜ୍ଞା, ଭୀମଭୋଈଙ୍କ ନିର୍ଗୁଣ ଚେତନା ଓ ଭାରତର ବିଭିନ୍ନ ବିଭାଗ ବିଷୟ ଆଦି ଏହି ପୁସ୍ତକରେ ପ୍ରବନ୍ଧ ସ୍ଥାନ ପାଇଛି ।

ରଚନାବଳୀ

• ଚେତନାର ଅନ୍ୱେଷଣ
• କଳ୍ପନା ଅନୁଭବ ଓ ସାହିତ୍ୟ
• ଚେତନାର ଅନ୍ୱେଷଣ
• ଷଡ଼ଜ
• ଗାନ୍ଧୀ କବିତା
• ଗାନ୍ଧୀ ପ୍ରବନ୍ଧ
• ରାଧା ମୋହନ ଗଡ଼ନାୟକଙ୍କ ମନୋଗ୍ରାଫ

• କେନ୍ଦ୍ର ସାହିତ୍ୟ ଅକାଦେମି ଯୁବ ପୁରସ୍କାର - ୨୦୨୦
• ଗୋକର୍ଣ୍ଣିକା ପ୍ରବନ୍ଧ ସମ୍ମାନ
• ସାରସ୍ୱତ ସମ୍ମାନ
• ଅଖିଳ ଜଗନ୍ନାଥ ଦାସ ସମ୍ମାନ
• ମହୁରି ସମ୍ମାନ
• କୃଷ୍ଣେନ୍ଦୁ ସ୍ମୃତି ସମ୍ମାନ
• ବ୍ରହ୍ମପୁର ପୁସ୍ତକମେଳା ସମ୍ମାନ
• ନିଗମାନନ୍ଦ ସେବା ସମ୍ମାନ