Lo Mayflower (o la « Flor de mai ») es una nau de mèrças de 90 pés (27,4 mètres) e 180 tonèls del sègle XVII que se'n anèt de Plymouth, en Anglatèrra.
Sos passatgièrs foguèron a l'origina de la fondacion de la colonia de Plymouth, dins lo Massachusetts.
En 1620, transportava de dissidents religioses angleses, los Pilgrim fathers o «Paires pelegrins », e d'autres Europèus en cerca d'un luòc per practicar liurament lor religion.
Pasmens se l'Amrica del Nòrd èra ja coneguda dempuèi près d'un sègle pels Espanhòls, los Angleses comèncèron a la colonizar sonqu'en 1584 que se mandèt de naus cap a la famosa colonia de Roanoke, la « colonia perduda ». aqueste primièr ensag d'installacion durable avent pas capitat, los Angleses tornèron enviar de naus en 1606 en Virgínia, que ven d'èsser crompada a l'Espanha ont fondèron lo fòrt de Jamestown (que foguèt mai tard roïnat pels Amerindians, la famina, lo paludisme e los ivèrns rufes).
La nau se'n anèt de Londres en julhet de 1620, acompanhat d'una autra nau, lo Speedwell, que se'n tornèt per causa d'una avaria a la còca.
"Lo cap de lor congregacion, John Robinson, aprovèt la suggestion de fondar una colonia outramar. [William] Bradford en était partisan dès le début. [...] armèron una nau, recrutèron unes òmes, e es atal que William e sa femna quitèron Leyde (Olanda) en 1620 a bòrd del Mayflower"— William Bradford
Après doas escalas, a Southampton lo 5 d'agost de 1620 puèi a Dartmouth lo 12 d'agost, lo Mayflower quita Plymouth lo 12 de setembre de 1620 (6 de setembre segon lo calendièr julian en usatge pels pelegrins).
Après una restanca per s'avitalhar a Tèrra Nòva a çò de pescaires locals, una tempèsta menaça la seguida de l'expedicion. Lo temps marrit obliga alara la nau a abordar las ribas de l'America al cap Cod (sul site de la vila de Provincetown dins lo Massachusetts), l'11 de novembre de 1620, e non pas a la broa del riu Hudson, objectiu del viatge.
D'entre los ocupants de la nau i aviá trenta e cinc dissidents angleses, de Paires pelegrins, fòrça pioses, fugissent las persecucions de Jaume I d'Anglatèrra e en cerca d'un luòc per practicar liurament lor religion; e tanbe d'autres Europèus de diferentas nacionalitats. Gaireben totes los passatgièrs venián de mitans modèstes (pichons bordièrs, artesans…) e èran de puritans.
Aquestes Europèus foguèron los primièrs colons a s'establir durablament en Nòva Anglatèrra, ont decidiguèron de fondar la vila de Plymouth.
Un pacte contenent un cert nombre de leis, e regissent los principis de la futura colonia (mai conegut jol nom de Mayflower Compact), foguèt signat a bòrd del la nau pels passatgièrs.
Los passatgièrs e los pelegrins del Mayflower, los « Pilgrim Fathers », son sovent considerats coma fasent partit dels primièrs colons a l'origina de çò que vendràlos futurs Estats Units d'America.
La tota primièra Europèa a desbarcar foguèt Mary Chilton.
La dernièra subreviventa dels passatgièrs del Mayflower fuguèt Mary Allerton, mòrta a l'edat de 83 ans lo 28 de novembre de 1699.
Una naissença fuguèt registrada a bòrd pendent la traversada: aquesta d'un nenon, del nom d'Oceanus Hopkins, e lo vailet d'Edward Fuller, William Butten, morriguèt pendent lo viatge. Una naissença foguèt tanben registrat alara que lo Mayflower aviá pas encara acostat e que los pelegrins cercavan un luòc ont s'establir: aquesta Peregrine White.
Lista plan segur non exaustiva, des milions d'Americans an un o mai passatgièrs del Mayflower d'entre lors aujòls.
Una replica nomenada lo Mayflower II foguèt bastida a l'identic de l'original, levat unes detalhs.
Lo romanConstance, A Story Of Early Plymouth de Patricia Clapp torna far, jos la forma d'un jornal intima tengut per la jova Constance Hopkins, l'installacion dels migrants del Mayflower que fondèron Plymouth dins lo Massachusetts.
Lo roman Los Vampires de Manhattan de Melissa De La Cruz conta l'istòria del Mayflower mas de biais un pauc mai fictiva.
This article uses material from the Wikipedia Occitan article Mayflower, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.