Lo marron o lo brun (o castanh, o bureu) es una color que fa partida de las colors caudas.
A causa de son ton escur, fa pas partida de las colors de l’arc de Sant Martin.
Marron | |
Coordenadas de color | |
---|---|
RVB (r, v, b) | (153, 51, 0) |
Triplet exadecimal | #993300 |
CMJN (c, m, j, n) | (0, 67, 100, 40) |
TSL (t, s, l) | (20°, 100%, 60%) |
Lo nom brun ven del bas latin brūnus (sègle VI), manlevat al germanic *brūn, « brun, brilhant » (cf. alemand braun « brun »).
Lo nom marron ven per metonimia del fruch qui pòrta lo meteis nom, lo marron (castanha o amaron).
D'un biais general, la color bruna es fòrça presenta dins la natura, dins lo reialme vegetal coma animal.
Lo brun del pintre e del colorista se fa generalament en mesclant l'irange amb de negre, dins una proporcion variabla de 2 a 4 parts per 1. Pasmens, lo negre essent una color neutra qu'escursís las autras colors, quina que siá la mescla de colors complementàrias que daissa dominar dins sas proporcions la nuança cauda, farà lo brun. Per exemple, se fa de brun en mesclant 2 parts d'irange amb una part de blau, o ben doas parts de roge amb un part de verd, o ben doas parts de jaune amb una part de violet. Quand s'utiliza las colors primàrias, se fa un brun chocolat en mesclant aproximativament 2 parts de magenta, 3 parts de jaune e una part de negre.
This article uses material from the Wikipedia Occitan article Marron, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.