La guerilha es una forma de guèrra caracterizada per d'accions de secutament, d'emboscadas e de còps de man.
Es generalament menada per de tropas leugieras e mobilas (combatents irregulars, partisans, comandòs...) sensa linha de frònt dins de zònas ruralas ò urbanas. Es emplegada quand un camp es clarament dominat per un autre.
Sei tacticas son basadas sus la suspresa, la dispersion dins de zònas d'accès malaisat (montanhas, paluns, seuvas...) e un sostèn fòrt dei populacions localas. Son objectiu es d'afeblir politicament son adversari fins a sa desagregacion que dèu permetre a la guerilha de l'abatre en s'organizant coma una armada regulara. Aqueu principi foguèt fòrça teorizat durant lo sègle XX per de combatents coma Mao Zedong ò Che Guevara. En certanei cas, es pasmens inutil car la guerilha es solament una fòrça auxiliària destinada a trebolar l'organizacion dei linhas d'avitalhament d'un adversari. Per exemple, foguèt lo cas de la resisténcia menada per lei partisans sovietics de la Segonda Guèrra Mondiala dins lei territòris ocupats per la Wehrmacht.
This article uses material from the Wikipedia Occitan article Guerilha, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.