Fabaceae

Fabaceae

Vicia villosa

Classificacion de Cronquist (1981)

Règne	Plantae
Sosrègne	Tracheobionta
Division	Magnoliophyta
Classa	Magnoliopsida
Sosclassa	Rosidae
Òrdre	Fabales

Reng de precisar

Fabaceae
Lindl., 1836

Sinonims

• Leguminosae
• Papilionaceae

Classificacion filogenetica

Classificacion filogenetica

Reng de precisar	Angiospèrmes
Reng de precisar	Dicotiledonèas vertadièras
Reng de precisar	Rosideae
Reng de precisar	Fabideae
Òrdre	Fabales
Familha	Fabaceae

Comprend d'arbres, d'arbusts e de plantas erbacèas vivaças o annadièras, aisidament reconneissablas a sos fruits (dòlça) e sas fuèlhas compausadas. La familha es largament distribuïda e es la tresena pus granda familha de plantas terrèstras en nombre d'espècias, darrièr las Orchidèas e las Asteracèas, amb aperaquí 765 genres e prèp de 20 000 espècias conegudas .

Los cinc pus grands genres de la familha son Astragalus (mai de 3000 espècias), Acacia (mai de 1000 espècias), Indigofera (aperaquí 700 espèces), Crotalaria (aperaquí 700 espècias) e Mimosa (aperaquí 400 espècias), que constuïsson aperaquí un quart de totas las espècias de leguminosas. Las 19 000 espècias de leguminosas conegudas reprsentan aperaquí 7 % de las espècias de plantas de flors Fabaceae es la familha pus espandida dins la sevas pluvialas e sècas d'America e d'Africa.

De pròvas molecularas e morfologicas recentas sostenon lo fach que las Fabaceae son una sola familha monofiletica. Aquela conclusion es apiejada non solament pel gra d'interrelacion mostrat pels diferents grops de la familha respècte a aquel trobat entre las Leguminosas e sos parents pus pròches, mas tanben per totes los estudis filogenetics recents basats sus de sequencias d'ADN Aqueles estudis confirman que las Fabacèas son un grop monofiletic estrechament aparentat a las familhas Polygalaceae, Surianaceae e Quillajaceae e qu'apertenon a l'òrdre de las Fabales .

Amb las cerealas, d'unes fruits e raiscs tropicalas, un cèrt nombre de leguminosas son estat un aliment de basa per l'òme pendent de millenis e son utilizacion es estrechament ligada a l'evolucion umana .

La familha de las Fabaceae comprend un cèrt nombre de plantas agricòlas e alimentàrias importantas, especialament Glycine max (sòja), Phaseolus vulgaris (mongeta), Pisum sativum (pese), Cicer arietinum (céser), Medicago sativa (lusèrna), Arachis hypogaea (arachida), Ceratonia siliqua (corropia) e Glycyrrhiza glabra (regalícia). Un cèrt nombre d'espècias son tanben nosiblas dins diferentas parts del monde, especialament : Cytisus scoparius (ginesta), Robinia pseudoacacia (robinièr), Ulex europaeus (argèlas), Pueraria montana (kudzu) e d'unas d'espècias de Lupinus.