ߞߙߏ߬ߜߊ߬ ߞߟߍ ߟߋ߬ ߦߋ߫ ߒ߬ ߓߋ߲ߓߊ ߟߎ߬ ߟߊ߫ ߞߍ߬ߟߍ ߘߐ߫ ߞߎ߲߬ߕߊ߰ߖߊ߲ ߣߴߊ߬ ߘߐ߫ ߜߟߍ߬ߡߊ߲ ߘߌ߫߸ ߓߊߏ߬ ߊ߬ ߞߍ߬ߟߍ ߣߊ߬ ߘߊ߫ ߛߌ߰ߝߊߘߌ߫ ߟߋ߬ ߘߐ߫ ߒ߬ ߕߎ߲߬ ߡߊ߫ ߞߏߡߍ߲߫ ߞߘߐ߬ߡߊ߲߫.
ߞߙߏ߬ߜߊ߬ ߖߡߊߣߊ ߏ߬ ߕߐ߯ ߕߘߍ߬ ߦߋ߫ ߟߋ߬ ߞߏ߫ ߛߊ߲ߞߊߙߊ߲߫߸ ߞߊ߬ ߖߋ߬ߟߌߓߊ߬ ߕߐ߮ ߞߍ߫ ߛߊ߲ߞߊߙߊ߲߫ ߓߊߓߊ ߘߌ߫߸ ߤߊ߲߯ ߓߌ߬ ߖߌ߫ ߛߌߟߊ ߛߌߦߊߡߊ߲߫ ߠߋ߬ ߦߋ߫ ߡߊ߲߬ߘߋ߲߬ ߘߎ߯ߞߟߏ ߣߌ߲߬ ߞߊ߲߬ ߡߍ߲ ߠߎ߬ ߕߐ߮ ߞߘߐ ߟߐ߲ߣߍ߲߫ ߕߍ߫ ߡߎߣߎ߲߬ ߢߊ߫ ߛߌ߫ ߡߊ߬.
ߞߙߏ߬ߜߊ ߏ߬ ߟߎ߫ ߕߘߍ߬ ߦߋ߫ ߞߎ߲߬ߘߎ߫ ߛߌߦߊ ߟߎ߫ ߟߋ߬ ߘߌ߫ ߡߍ߲ ߠߎ߬ ߝߊ߬ߘߌ ߕߘߍ߬ ߦߋ߫ ߞߏߟߏ߲ߞߏߟߏ߲ߓߊ߫ ߝߊߘߌ ߘߌ߫߸ ߡߍ߲ ߠߎ߬ ߕߎ߲߬ ߕߍ߫ ߓߊ߯ߙߊ߫ ߜߘߍ߫ ߟߊ߫ ߘߏ߲߬ߛߏ߬ߦߊ ߣߌ߫ ߡߐ߲ߠߌ߲ ߣߌ߫ ߞߎߡߊߝߋ߲ ߠߎ߬ ߥߍ߲ߓߍ ߞߐ߫ ߘߎ߱ ߘߐ߫.
ߒ߬ ߓߋ߲ߓߊ ߟߎ߬ ߛߐ߰ ߘߊ߫ ߛߌ߰ߢߐ߲߰ߦߊ ߢߌߣߌ߲ ߠߋ߬ ߡߊ߬ ߞߙߏ߬ߜߊ ߟߎ߬ ߝߍ߬߸ ߏ߬ ߟߎ߫ ߣߵߊ߬ߟߎ߫ ߓߊ߲߬ ߠߊ ߛߌ߰ߢߐ߲߰ߦߊ ߏ߬ ߡߊ߬߸ ߊ߬ߟߎ߫ ߞߊ߬ ߖߊߘߏ ߟߎ߬ ߟߊ߫ ߖߍ߲ߛߍ߲߫ ߛߊ߲ߞߊߙߊ߲߫ ߝߊ߲߭ ߠߎ߬ ߟߊ߫ ߛߴߊ߬ߟߎ߫ ߘߴߊ߬ ߘߎ߰ߞߟߏ ߟߌ߬ߤߟߊ ߟߎ߬ ߞߟߊ߬ߟߐ߲߫. ߏ߬ ߟߎ߫ ߞߵߊ߬ߟߎ߫ ߖߘߍ߬ ߞߍ߫ ߘߏ߲߬ߛߏ ߟߎ߬ ߣߌ߫ ߡߐ߲ߠߌ߲ߠߊ ߟߎ߬ ߘߌ߫߸ ߊ߬ ߣߌ߫ ߖߡߊ߬ߣߊ߬ ߘߐ߬ߕߊ߰ߡߊ߬ߟߊ߫ ߜߊ߲߯ߛߊ߲ ߠߎ߬ ߘߌ߫. ߏ߬ ߟߎ߬ ߞߐߛߊߦߌ ߣߊ߬ ߘߊ߫ ߛߊ߲ߞߊߙߊ߲߫ ߘߎ߰ߞߟߏ ߟߌ߬ߤߟߊ߬ߦߊ ߟߎ߬ ߘߊ߲߬ߕߍ߰ ߡߐ߰ߓߊ ߟߎ߬ ߢߍ߫.
ߞߏߟߊ߲ߞߘߐߢߐ߲߯ߦߊ ߞߍ߫ ߘߊ߫ ߟߌ߬ߤߟߊ ߏ߬ ߟߋ ߡߊ߬߸ ߞߏߟߊߕߍ ߟߎ߬ ߞߵߊ߬ ߦߌ߬ߘߊ߬ ߞߏ߫ ߞߵߊ߬ߟߎ߫ ߞߟߍ߬ ߥߟߊ߫ ߞߵߊ߬ߟߎ߫ ߟߊߥߟߌ߬, ߒ߬ߓߊ߬ ߏ߬ ߟߋ ߞߍ߫ ߘߊ߫ ߞߙߏ߬ߜߊ߬ ߞߟߍ ߟߊߥߌ߬ߟߌ ߘߴߊ߬ߟߎ߫ ߓߟߏ߫.
ߡߐ߰ߓߊ ߟߎ߬ ߕߘߍ߬ ߦߋ߫ ߞߙߏ߬ߜߊ߬ ߞߟߍ ߖߌ߰ ߟߊ߫ ߞߏ߫ ߣߐ߲߮ ߣߴߊ߬ ߞߊߟߌߡߊ߲ ߠߎ߬ ߟߋ߬ ߘߌ߫߸ ߓߊߏ߬ ߊ߬ ߕߘߍ߬ ߦߴߊ߬ߟߎ߫ ߞߣߐ߫ ߞߴߊ߬ ߣߌ߫ ߞߍ߬ߟߍ ߕߐ߭ ߟߎ߬ ߦߋ߫ ߛߎ߯ ߞߋߟߋ߲߫ ߠߋ߬ ߘߌ߫߸ ߖߊ߰ ߞߊ߯ߙߌ߫߹ ߊ߬ ߦߴߊ߬ ߕߊ߫ ߥߟߊ߬ߘߊ߬ ߞߎߘߊ߫ ߟߋ߬ ߘߌ߫߸ ߡߍ߲ ߠߊߞߊ߬ߟߌ ߕߏ߫ ߕߐ߫ ߦߋ߫ ߓߐ߲ߛߐ߲ ߠߎ߬ ߡߊ߬.
ߞߍ߬ߟߍ ߞߎ߲߬ߝߟߐ ߏ߬ ߘߐ߫߸ ߊ߲ ߓߋ߲ߓߊ ߟߎ߬ ߛߐ߰ ߘߴߊ߬ߟߎ߫ ߟߊߥߌ߬ߟߌ ߟߋ߬ ߡߊ߬ ߔߙߏ߬ߔߙߏ߬ ߘߐ߬ ߞߟߍ ߟߊ߫߸ ߞߊ߬ ߓߊ߲߫ ߞߵߊ߬ߟߎ߫ ߡߊߞߍ߫ ߏ߬ ߟߎ߬ ߟߊ߫ ߓߏ߲߫ ߞߎߘߎ߲ߣߍ߲ ߠߎ߬ ߟߊ߫߸ ߞߵߏ߬ ߟߎ߬ ߞߴߊ߬ߟߎ߫ ߛߌ߬ߓߏ߲ ߠߎ߬ ߘߌ߫. ߞߙߏ߬ߜߊ ߟߎ߬ ߝߣߊ߫ ߘߴߊ߬ߟߎ߬ ߡߊߓߐ߫ ߦߋ߲߬ ߠߊ߫ ߔߏ߲߫߸ ߞߴߊ߬ ߞߍ߫ ߦߴߊ߬ߟߎ߫ ߓߘߊ߫ ߘߌ߬ߢߍ߫ ߊ߬ߟߎ߬ ߟߊ߫ ߛߏ߫ ߞߐ߲ߛߐ߲ߧߊߣߍ߲ ߏ߬ ߟߎ߬ ߘߐ߫ ߟߋ߬߸ ߊ߬ߟߎ߬ ߘߌ߫ ߕߟߋ߬ߡߊ ߕߐ߭ ߏ߬ ߞߍ߫ ߥߎߟߊ߫ ߞߣߐߟߊ ߟߎ߬ ߘߐ߫߸ ߊ߬ ߣߌ߫ ߛߊ߬ߡߊ ߞߎ߲߬ߝߟߐ ߓߍ߯ ߝߣߊ߫.
ߝߐ߬ߝߐ ߓߊ߯ ߓߐ߫ ߕߎߟߊߝߌ߲ ߠߊ߫ ߕߎ߬ߡߊ ߡߍ߲ ߠߊ߫ ߛߊ߫߸ ߊ߬ߟߎ߬ ߘߌ߫ ߘߏ߲߬ ߞߎߟߎ߲ ߠߎ߬ ߞߣߐ߫ ߞߊ߬ ߖߌ߰ ߓߊ ߞߊ߲߬ ߞߊ߬ ߣߵߊ߬ߟߎ߫ ߟߊ߫ ߛߏ߫ ߞߘߐ ߟߎ߬ ߞߣߐ߫ ߞߊ߬ ߞߊߡߋߙߋ߲ ߠߎ߬ ߟߊߟߐ߬ ߓߏ߲ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߘߊ ߟߊ߫߸ ߖߊ߬ߡߊ ߕߐ߭ ߟߎ߬ ߘߌ߫ ߥߴߊ߬ߟߎ߫ ߟߊߘߍ߰ ߓߙߊ߫ ߕߍߡߊ߬ ߞߊ߬ ߛߊ߬ߝߍ߬ ߜߋ߲ߜߋߟߋ߲߫߹߸ ߏ߬ ߓߊ߯ ߞߍ߫ ߡߐ߱ ߟߎ߬ ߔߙߏ߬ߔߙߏ߬ߡߍ߬ߣߍ߲߬ߕߐ ߓߊ߯ ߞߍ߫ ߓߐ߫ ߟߊ߫ ߓߏ߲߫ ߞߎߘߎ߲ߣߍ߲ ߏ߬ ߟߎ߬ ߘߊ ߟߊ߫߸ ߊ߬ߟߎ߬ ߘߴߏ߬ ߟߎ߫ ߞߊ߲ߠߊߕߍ߰ ߥߟߌߟߌ߫.
ߒ߬ߓߊ߬ ߏ߬ ߟߋ ߛߌ߰ ߘߊ߫ ߒ߬ ߓߋ߲ߓߊ ߟߎ߬ ߘߐ߫ ߝߎߚߎ߫ ߝߏ߫ ߞߊ߬ ߞߍ߫ ߡߐ߱ ߥߊ߯ ߦߙߌߞߊ ߟߎ߬ ߛߕߊ ߘߌ߫. ߒ߬ ߓߋ߲ߓߊ ߟߎ߬ ߞߵߊ߬ߟߎ߫ ߢߐ߲߮ ߦߋ߫ ߏ߬ ߟߋ ߡߌ߬ߘߊ߬ߢߊ ߡߊ߬߸ ߞߊ߬ ߓߍ߲߬ ߊ߬ ߘߐ߫ ߞߏ߫ ߊ߬ߟߎ߬ ߦߋ߫ ߖߡߊ߬ߣߊ ߘߐ߲߰ߘߐ߰ߣߍ߲߬ ߡߌ߬ߘߊ߬, ߡߍ߲ ߓߊ߯ ߛߋ߫ ߓߟߏ߫ ߘߐ߫߸ ߞߊ߬ ߦߋ߲߬ ߡߞߊߘߌ߫ ߞߊ߬ ߣߊ߬ ߕߏ߫ ߞߎߘߊ߫ ߜߘߍ߫ ߟߎ߫ ߡߌ߬ߘߊ߬ ߟߊ߫.
ߒ߬ߓߊ߬ ߞߐ߲ߛߐ߲ߧߊߟߌ ߢߊ߫ ߞߎߘߊ ߏ߬ ߟߋ ߞߊ߬ ߞߙߏ߬ߜߊ ߟߎ߬ ߝߣߊ߫ ߞߣߐ߬ߘߐߝߟߌ߬ ߢߊ ߓߍ߯ ߘߏ߫ ߡߊ߬߸ ߤߊ߲߯ ߞߵߊ߬ߟߎ߫ ߟߊ߫ ߘߎ߰ߞߟߏ ߓߍ߯ ߡߌ߬ߘߊ߬ ߞߐߘߍ߫߸ ߊ߬ߟߎ߫ ߘߏ߲߬ ߘߊ߫ ߕߎ߫ ߜߝߐ߬ߣߍ߲ ߠߊ߫ ߥߙߏ߬ߘߎ߮ ߞߎ߲߬ߕߋߟߋ߲ ߠߎ߬ ߝߍ߬ ߞߊ߬ ߥߴߊ߬ߟߎ߫ ߡߊߞߍ߫ ߞߐ߰ߖߌ߬ߘߊ ߟߊ߫ ߦߋ߲߬ ߞߵߊ߬ߟߎ߫ ߗߋ ߓߍ߲߬ ߡߐ߲ߠߌ߲ ߠߎ߬ ߡߊ߬ ߛߊ߫.
ߞߙߏ߬ߜߊ ߟߎ߬ ߥߊ߫ ߘߊ߫ ߝߊ߯ߘߐߞߍ߫ ߦߙߌߞߊ ߞߍ߫ ߢߊߛߎߡߊ ߘߐ߫ ߖߌߘߟߊ ߏ߬ ߟߎ߬ ߘߐ߫ ߦߋ߲߬߸ ߞߵߊ߬ ߕߘߍ߬ ߥߊ߲߬ߞߙߊ ߟߎ߬ ߝߣߊ߫ ߦߴߊ߬ߟߎ߫ ߣߐ߬ ߞߘߐ ߟߎ߬ ߘߐ߫. ߞߊ߬ ߓߍ߲߬ ߝߟߐߡߐ߱ ߟߎ߬ ߟߊ߫ ߘߝߐ߬ ߘߐ߬ߞߊߙߊ߲ ߡߊ߫ ߓߐ߲ߛߐ߲ ߠߎ߬ ߢߍ߫߸ ߘߋߣߍ߲ ߠߎ߬ ߝߣߊ߫ ߞߊ߬ ߞߍ߬ߟߍ ߏ߬ ߟߋ ߖߌ߰ ߞߎ߲߬ߠߊ߬ߖߌ߮ ߘߌ߫ ߛߊ߫߸ ߞߊ߬ ߕߏ߫ ߊ߬ߟߎ߬ ߛߊ߯ߘߊ߫ ߟߊ߫ ߞߍ߬ߣߍ߸ ߊ߬ߟߎ߫ ߓߴߊ߬ߟߎ߫ ߕߘߍ߬ ߦߙߐ ߡߍ߲ ߠߎ߬ ߘߐ߫߸ ߊ߬ߟߎ߬ ߘߌ߫ ߝߊ߰ߟߌ ߛߎ߮ ߓߍ߯ ߘߏ߫ ߟߴߊ߬ߟߎ߫ ߞߊ߲߬ ߦߋ߲߬ ߠߎ߬ ߘߐ߫.
ߏ߬ ߟߋ ߛߌ߰ ߘߊ߫ ߞߙߏ߬ߜߊ ߟߎ߬ ߝߣߊ߫ ߘߐ߫ ߝߎߚߎ߫ ߝߏ߫ ߞߵߊ߬ߟߎ߫ ߖߘߐ߬ ߊ߬ߟߎ߫ ߖߘߍ߬ ߘߌ߫߸ ߓߊߏ߬ ߊ߬ߟߎ߬ ߡߴߊ߬ ߟߐ߲߫ ߣߌ߫ ߥߊ߲߬ߞߙߊ ߟߎ߬ ߘߌ߫ ߣߵߊ߬ߟߎ߫ ߞߊ߲ߡߊ߬ ߟߏ߲ ߡߍ߲ ߘߐ߫. ߕߏ߫ ߞߍ߫ ߘߴߏ߬ ߟߋ ߘߐ߫ ߝߏ߫ ߥߊ߲߬ߞߙߊ ߟߎ߬ ߞߊ߬ ߞߍ߬ߟߍ߫ ߛߊ߬ߝߌߝߌ ߘߏ߫ ߟߊߥߟߌ߬ ߊ߬ߟߎ߬ ߞߊ߲ߡߊ߬߸ ߛߴߊ߬ߟߎ߫ ߘߴߊ߬ߟߎ߫ ߟߊ߫ ߞߏ ߟߊߛߴߊ߬ ߘߊ߲߬ ߠߊ߫; ߝߊ߬ߣߊ ߟߎ߬ ߥߊ߫ ߘߴߏ߬ ߟߋ ߢߊߝߐ߫ ߊ߬ߟߎ߬ ߢߍ߫߸ ߏ߬ ߞߍ ߊ߬ߟߎ߫ ߞߵߊ߬ߟߎ߫ ߘߐߓߍ߲߬ ߞߊ߬ ߘߏ߲߬ ߜߋ߲߬ߜߋ (ߞߎߟߎ߲) ߠߎ߬ ߞߣߐ߫ ߞߊ߬ ߞߣߍ ߕߏ߫ ߊ߬ߟߎ߬ ߓߟߏ߫߸ ߒ߬ߓߊ߬ ߏ߬ ߟߋ ߞߍ߫ ߘߴߊ߬ߟߎ߫ ߣߌ߫ ߞߙߏ߬ߜߊ ߟߎ߬ ߝߘߊߣߍ߲ ߘߌ߫ ߛߊ߫.
ߥߊ߲߬ߞߙߊ߬ ߛߌߦߊ ߟߎ߬ ߣߊ߭ ߡߍ߲ ߞߍߣߍ߲߫ ߞߙߏ߬ߜߊ ߟߎ߬ ߕߘߍ߬ ߟߊ߫ ߊߝߙߌߞߌ߬ ߕߟߋ߬ߓߋ ߥߙߏ߬ߘߎ߮ ߘߐ߫߸ ߊ߬ߟߎ߬ ߛߋ߫ ߘߴߊ߬ߟߎ߫ ߜߍ߲߫ ߠߊ߫ ߞߵߊ߬ߟߎ߫ ߟߊߝߋߝߋ߫ ߕߋ߲߬ ߝߛߊߦߌ߫߸ ߒ߬ߞߴߊ߲ ߞߏ߬ߣߌ߲ ߡߊߛߴߊ߬ߟߎ߫ ߝߏ߲߬ߝߏ߲ ߠߎ߬ ߓߍ߯ ߟߊߕߎߣߎ߲߫ ߠߊ߫, ߓߊߏ߬ ߝߋ߲ ߣߌ߫ ߦߙߐ߫ ߛߌߦߊߡߊ߲߫ ߠߎ߫ ߟߋ߬ ߕߐ߮ ߞߘߐ ߟߐ߲ߓߊߟߌ ߦߋ߫ ߡߊ߲߬ߘߋ߲߬ ߘߎ߯ߞߟߏ ߞߊ߲߬߸ ߏ߬ ߟߎ߬ ߕߐ߮ ߟߎ߬ ߦߋ߫ ߖߌ߰ ߟߊ߫ ߞߙߏ߬ߜߊ߬ ߞߊ߲ ߠߋ߬ ߘߌ߫; ߒ߬ ߕߍ߫ ߣߴߏ߬ ߟߎ߬ ߓߍ߯ ߛߙߍߘߍߦߊ߫ ߟߊ߫ ߦߊ߲߬ ߥߟߴߊ߬ߟߎ߫ ߓߍ߯ ߟߐ߲ߣߍ߲߫ ߕߍ߫߸ ߒ߬ ߞߏ߬ߣߌ߲ ߘߴߊ߬ ߢߣߊߡߊ ߘߏ߫ ߟߎ߫ ߛߙߍߘߍߦߊ߫ ߦߊ߲߬:
ߓߊ ߣߌ߫ ߖߌ߫ ߛߌߟߊ߫ ߛߌߦߊߡߊ߲߫ ߠߎ߫ ߟߋ߬ ߦߋ߫ ߡߊ߲߬ߘߋ߲߬ ߘߎ߯ߞߟߏ ߣߌ߲߬ ߞߊ߲߬ ߡߍ߲ ߠߎ߬ ߕߐ߯ߟߊߣߍ߲߫ ߕߍ߫ ߒ߬ ߠߊ߫ ߞߊ߲ ߠߎ߬ ߝߋ߲߫ ߘߐ߫߸ ߡߐ߰ߓߊ ߟߎ߬ ߦߴߊ߬ ߦߌ߬ߘߊ߬ ߟߊ߫ ߒ߬ ߠߊ߫ ߞߴߏ߬ ߟߎ߬ ߦߋ߫ ߞߙߏ߬ߜߊ߬ ߞߊ߲ ߠߎ߬ ߟߋ߬ ߘߌ߫߸ ߊ߬ ߣߌ߫ ߕߎ߬ߡߊ߬ ߘߐ߫ ߤߊߟߌ߬ ߛߏ߫ ߕߐ߮ ߘߏ߫ ߟߎ߫, ߏ߬ ߘߡߊߘߡߊ߫ ߝߟߍ߫:
This article uses material from the Wikipedia ߒߞߏ article ߞߙߏ߬ߜߊ߬ ߞߟߍ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ߞߣߐߘߐ ߦߋ߫ CC BY-SA 4.0 ߟߊ߫ ߓߌ߬ߟߊ ߟߋ߬ ߘߐ߫߸ ߝߴߊ߬ ߛߌ߬ߣߊ߬ߦߊ߫ ߢߊߝߐߟߌ ߘߋ߬. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ߒߞߏ (DUHOCTRUNGQUOC.VN) is an independent company and has no affiliation with Wiki Foundation.