ߞߌ߲ߘߌߦߊ߫ ߖߊ߯ߓߘߊ

ߞߌ߲ߘߌߦߊ߫ ߖߊ߯ߓߘߊ

ߖߊ߯ߓߘߊ

ߟߊߝߟߐߕߎߡߊ	2006
Rector	Akoi Massa Zoumanigui
ߖߡߊ߬ߣߊ߫	ߖߌ߬ߣߍ߫
ߕߌ߲߬ߞߎߘߎ߲	ߞߌ߲ߘߌߦߊ߫
ߘߎ߰ߡߊ߬ߛߓߍ ߛߌ߰ߝߏ߲
ߖߡߊ߬ߣߊ߫ ߞߊ߲	ߝߊ߬ߙߊ߲߬ߛߌ߬ ߞߊ߲, ߊߙߊߓߎ
ߓߟߐߟߐ	https://www.univ-kindia.org/home/

ߞߌ߲ߘߌߦߊ߫ ߖߊ߯ߓߘߊ ߦߋ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߝߘߏ߬ߓߊ߬ ߖߊ߯ߓߘߊ ߘߏ߲߫ ߟߋ߬ ߘߌ߫ ߸ ߡߍ߲ ߦߋ߫ ߘߡߊ߬ߞߊ߬ߣߌ߬ߦߊ߫ ߡߙߊ߬ߘߊ߬ߙߋ߲ ߘߐ߫ ߞߌ߲ߘߌߦߊ߫ ߸ ߖߌ߬ߣߍ߫ ߞߐ߰ߖߌ߬ߘߊ ߕߌ߲߬ߞߎߘߎ߲ ߞߎߓߋߛߏ ߟߊ߫.

߁߉߂߉ ߟߊ߫ ߸ ߦߙߌߕߘߎߟߊ ߝߊ߬ߙߊ߲߬ߛߌ߬ߞߊ߬ߗߍ ߞߟߍ߬ߕߌ߮ ߘߊߟߏߖ߭ ߞߵߌ ߛߌ߰ ߝߎߟߦߊ߫ ߦߙߌߘߋ߲ ߥߟߏߒߘߐߟߌ ߞߊ߲ߡߊ߬. ߁߉߄߆ ߟߊ߫ ߸ ߦߋ߲߬ ߞߍ߫ ߘߊ߫ ߦߙߌߘߋ߲ ߠߎ߬ ߕߌߙߌ߲ߘߊ ߘߌ߫ ߸ ߡߍ߲ ߦߋ߫ ߝߊ߬ߙߊ߲߬ߛߌ߬ ߟߊ߫ ߥߙߎߣߍ ߟߎ߬ ߦߙߌߘߋ߲ ߣߌ߫ ߘߏ߲ߓߏ ߟߎ߬ ߘߋ߬ߙߌ߬ߘߊ ߖߌ߲ߓߊ߲ ߞߘߐ߫.(ߝ.ߥ.ߦ.ߘ.ߘ)

 

ߘߍ߲ߖߘߍߟߦߊ ߕߊ߭ ߞߐ߫ ߸ ߁߉߆߁ ߠߊ߫ ߸ (ߝ.ߥ.ߦ.ߘ.ߘ) ߣߐ߬ߘߐߓߌ߬ߟߊ߬ ߟߊ߫ ߦߙߌߘߋ߲ ߠߎ߬ ߕߌߙߌ߲ߠߌ߲ ߘߋ߬ߙߌ߬ߘߊ ߟߊ߫ (ߦ.ߕ.ߘ) ߸ ߞߵߏ߬ ߓߌ߬ߟߊ߫ ߞߎ߬ߛߊ߲߬ߕߊ߰ߘߌ߬ߦߊ ߣߌ߫ ߞߏ߲ߞߏߘߐߟߊ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߞߏߕߌ߯ߘߊ ߖߌ߲ߓߊ߲ ߞߘߐ߫.

ߝߊ߬ߛߏ߫ ߛߍ߬ߣߍ ߞߊ߬ߙߊ߲߬ߕߊ (ߝ.ߛ.ߞ) ߟߊߦߟߍ߬ߡߊ߲ ߞߐ߫ ߝߙߊߣߊ߫ ߸ ߊ߬ ߞߍ߫ ߘߊ߫ ߛߍ߬ߣߍ ߟߐ߲ߘߊ ߘߌ߫.

߁߉߈߃ ߟߊ߫ ߸ ߊ߬ ߕߐ߮ ߡߊߝߊ߬ߟߋ߲߬ ߘߊ߫ ߞߵߊ߬ ߝߐ߫ ߊ߬ ߡߊ߬ ߞߏ߫ ߝߎߟߦߊ߫ ߛߍ߬ߣߍ ߕߌߙߌ߲ߠߌ߲ ߕߊ߲ߓߊ߲. ߊ߬ ߓߌ߬ߟߊ߬ ߘߊ߫ ߛߍ߬ߣߍ ߞߏߕߌ߯ߘߊ ߣߌ߫ ߝߊ߬ߛߏ ߟߊ߬ߞߟߏ߬ߞߟߏ߬ߟߌ ߞߏߕߌ߯ߘߊ ߖߌ߲ߓߊ߲ ߞߘߐ߫ ߸ ߊ߬ ߞߊ߬ ߕߐ߯ ߛߌߦߊߡߊ߲߫ ߕߊ߬.

߁߉߉߃ ߣߌ߫ ߁߉߉߆ ߕߍߟߊ ߘߐ߫ ߸ߕߊ߲ߓߊ߲ ߞߍ߫ ߘߊ߫ ߞߍ߲ߘߍߘߐߦߊ ߣߌ߫ ߖߎ߲߯ߛߊ ߓߏߟߏ߲ߝߘߊ ߘߌ߫ ߸ ߞߊ߬ ߓߊ߲߫ ߞߵߊ߬ ߞߍ߫ ߤߊߞߍߦߊ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߟߐ߲ߞߏ ߟߎ߬ ߟߐ߲ߘߊ.

 

߂߀߀߄ ߠߊ߫ ߸ ߞߋ߬ߥߎ߬ߣߍ߲߬ߞߋߥߎ ߟߎ߬ ߢߍߘߐߓߍ߲߫ ߞߊߙߊ߲ߕߊ ߛߌ߲ߘߌ߫ ߘߊ߫ ߝߎߟߦߊ߫.

߂߀߀߆ ߟߊ߫ ߸ ߊ߬ ߞߍ߫ ߘߊ߫ ߞߌ߲ߘߌߦߊ߫ ߖߊ߯ߓߘߊ߫ ߕߊ߲ߓߊ߲ ߘߌ߫ (ߞ.ߖ.ߕ) ߸ ߞߣߊ߬ߕߏ߫ ߞߍ߫ ߟߊ߫ ߞߌ߲ߘߌߦߊ߫ ߖߊ߯ߓߘߊ ߘߌ߫ (ߞ.ߖ).

ߞߌ߲ߘߌߦߊ߫ ߖߊ߯ߓߘߊ (ߞ.ߖ) ߦߋ߫ ߝߘߏ߬ߓߊ߬ ߟߞߊߙߊ߲ߠߌ߲ ߟߐ߲ߞߏߟߊߞߊ ߘߌ߲߬ߞߌ߬ߙߊ ߟߋ߬ ߘߌ߫ ߸ ߞߎߘߍߞߎߘߍߦߊ ߣߌ߫ ߛߋߒߞߏߟߦߊ ߣߌ߫ ߢߊߟߐ߲ ߘߊߞߎ߲ ߠߎ߬ ߘߐ߫ ߸ ߡߍ߲ ߦߋ߫ ߟߞߊ߬ߙߊ߲߬ߠߌ߲ ߛߊ߲ߘߐߕߊ ߣߌ߫ ߟߐ߲ߞߏ߫ ߕߌߙߌ߲ߠߌ߲ ߖߌ߲ߓߊ߲ ߞߘߐ߫. ߊ߬ ߛߌ߲ߘߌ߫ ߘߊ߫ ߞߏߕߌ߯ ߝߊ߲ߞߊ߲ ߝߙߍߕߍ ߆߃߀߃/ߟ.ߛ.ߟ.ߕ/ߞߓߘ/ ߂߀߁߆/߁߀/߂߁ ߸ ߏ߬ ߡߍ߲ ߦߋ߫ ߁߉߉߀ ߞߏ߲ߞߏߘߓߌ ߟߊ߬ߕߍ߰ߦߊ ߝߙߍߕߍ ߀߈߈߈/ߟ.ߛ.ߟ.ߕ/ߞ.ߞ/ߞ.ߝ.ߞ/߉߀ ߓߟߏߦߊߟߌ ߘߌ߫.

ߟߐ߲ߘߊ ߣߊ߯ߣߌ߲߫ (߄) ߠߋ߬ ߞߌ߲ߘߌߦߊ߫ ߖߊ߯ߓߘߊ ߟߊ߫ ߸ ߏ߬ ߟߎ߬ ߝߟߍ߫ ߣߌ߲߬:

߁. ߞߊ߲ ߠߎ߬ ߣߌߡߟߋߞߎߦߊ ߟߎ߬ ߟߐ߲ߘߊ

߂. ߘߍ߭ ߟߐ߲ߞߏ ߟߎ߬ ߟߐ߲ߘߊ

߃. ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߌ߫ ߟߘߊ߬ߙߏ߬ߟߌ ߟߎ߬ ߟߐ߲ߘߊ

߄. ߟߐ߲ߞߏ ߟߎ߬ ߟߐ߲ߘߊ