New Super Mario Bros. 2: Dataspel frå 2012
New Super Mario Bros.
2 er eit todimensjonalt plattformspel i New Super Mario Bros.-serien, utvikla og utgjeve av Nintendo til Nintendo 3DS i 2012. Det er det tredje spelet i serien, ein direkte oppfølgjar til Nintendo DS-spelet New Super Mario Bros. frå 2006, og det første spelet publisert av Nintendo som vart utgjeve samtidig innan digital og fysisk distribusjon.
| New Super Mario Bros. 2 | |||
 | |||
| Utviklar(ar) | Nintendo EAD | ||
|---|---|---|---|
| Utgjevar(ar) | Nintendo | ||
| Distributør | Nintendo eShop | ||
| Produsent(ar) | Takashi Tezuka | ||
| Serie | Super Mario, New Super Mario Bros. | ||
| Plattform(er) | Nintendo 3DS | ||
| Utgjeving | JP: 28. juli 2012 EU: 17. august 2012 NA: 19. august 2012 | ||
| Sjanger | Plattform | ||
| Spelemodus | fleirspelar, einspelar, samarbeid | ||
| Aldersgrense | PEGI 3 | ||
| Nettstad | http://www.nintendo.co.jp/3ds/abej/ | ||
| Del av serien Super Mario, New Super Mario Bros.⠀ | |||
| ←Super Mario 3D Land, New Super Mario Bros. Wii⠀ · New Super Mario Bros. U, New Super Mario Bros. U→ | |||
Handlingsgangen i spelet liknar forgjengarane og fokuserer på Mario og Luigi som skal redde prinsesse Peach frå Bowser og lakeiane hans. Det strekker seg over 9 verder med totalt 85 nivå, nokre av dei med fleire utgangar som leier til ulike ruter og nivå. New Super Mario Bros. 2 legg større vekt på å samle myntar enn andre Super Mario-spel, med fleire unike oppgraderingar og hjelpemiddel dedikert til å produsere store kvantum av myntar. Spelet inkluderer ein modus kalla «Coin Rush» som utelukkande fokuserer på å raskt fullføre seriar av nivå medan ein samlar inn så mange myntar som mogeleg. Ytterlegare Coin Rush-nivå vart gjorde tilgjengelege som betalt innhald kort etter utgjevinga av spelet.
New Super Mario Bros. 2 fekk hovudsakleg positiv kritikk, men nokre påpeikte at spelet var for likt dei tidlegare New Super Mario Bros.-spela. Det er det femte mestseljande spillet til Nintendo 3DS, med 13,34 millionar selde kopiar per 31. mars 2020. Spelet har ein Metascore på 78 %, som gjer det til det lågast rangerte spelet i Super Mario-serien.
Kjelder
Bakgrunnsstoff
This article uses material from the Wikipedia Nynorsk article New Super Mario Bros. 2, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.