Michael Sars: Norsk biolog og prest
Michael Sars (30.
august">30. august 1805–22. oktober 1869) var ein norsk prest og naturvitskapsmann (zoolog). Forskingsfartøyet FF «Michael Sars» er oppkalla etter han.
| Michael Sars | |||
 | |||
| Fødd | 30. august 1805 Bergen | ||
|---|---|---|---|
| Død | 22. oktober 1869 Christiania | ||
| Nasjonalitet | Noreg | ||
| Område | marinbiologi, zoologi | ||
| Yrke | teolog, zoolog, prest, professor, biolog, marinbiolog, karsinolog | ||
| Institusjonar | Universitetet i Oslo | ||
| Alma mater | Universitetet i Oslo Bergen Katedralskole | ||
| Ektefelle | Maren Sars | ||
| Barn | Eva Nansen, Ernst Sars, Georg Ossian Sars, Mally Lammers | ||
| Medlem | Kungliga Vetenskapsakademien Deutsche Akademie der Naturforscher Leopoldina | ||
Michael Sars vart fødd i Bergen i 1805, og døydde i Christiania i 1869. Han byrja på ei naturvitskapleg utdanning ved Universitetet i Christiania. Etter ei tid gjekk han over til å studera teologi. Som prest arbeidde han mellom anna på øya Kinn ved Florø og i Manger på Radøy ved Bergen.
Samstundes med prestegjerninga dreiv han med marinbiologisk forsking. Han studerte dyra i havet med vekt på forplanting, utvikling og utbreiing. Han var mellom anna ein tidleg pioner innanfor studiet av nesledyr, der han var den første til å skildra livssyklusen til hydroidene. Sars beskreiv òg fleire artar kril, børstemakk og sniglar for første gong.
I 1835 publiserte han boka Beskrivelser og iagttagelser over nogle mærkelige eller nye i havet ved den bergenske kyst levende dyr. Boka og arbeidet med den, gjorde han internasjonalt kjend som naturforskar.
I 1854 vart han utnemnd til professor i zoologi ved Universitet i Christiania.
Saman med kona Maren (syster av diktaren Johan Sebastian Welhaven) fekk Michael Sars 14 born. Åtte av desse levde opp. Fleire av desse borna vart seinare vidgjetne i Noreg. Marinbiologen Georg Ossian Sars (1837–1927), og historikaren Ernst Sars (1835–1917) vart dei mest vidgjetne av borna.
Bakgrunnsstoff
- Michael Sars og koleraen i Manger i 1849. Arkivert 2004-10-12 ved Wayback Machine.
This article uses material from the Wikipedia Nynorsk article Michael Sars, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.