Jingdezhen er eit byprefektur i den kinesiske provinsen Jiangxi nordaust i landet.
Jingdezhen har eit areal på 5 263 km² og ca. 1,5 millionar innbyggarar (2007). Han er kjent som porselenshovudstaden i Kina ettersom han har produsert kinesisk keramikk i minst tusen år. Byen har ei veldokumentert historie som går over to tusen år tilbake.
Jingdezhen 景德镇市, Jǐngdézhèn 景德镇市, Jǐngdézhèn Shì | |||
by | |||
Land | Kina | ||
---|---|---|---|
Provins | Jiangxi | ||
Areal | 5 262,17 km² | ||
Folketal | 1 554 000 (2007) | ||
Jingdezhen 29°17′39″N 117°12′13″E / 29.294167°N 117.203611°E | |||
Jingdezhen på eit kart over Jiangxi og i Kina. | |||
Wiki Commons: Jingdezhen | |||
Jingdezhen er verdskjent for sitt fine porselen. Det har vorte laga sidan Handynastiet av kvit leire (kaolin) frå Poyangsjøen i vest. Staden nådde ei stordomstid på 1100-talet under det nordlege Songdynastiet, då han sette i gang porselenesproduksjon i stor skala under keisarleg vern, og leverte porselen til keisarhoffet. Under Kanghsiperioden (1662–1722) hadde Jingdezhen ca. 1 mill. innbyggjarar, som alle var meir eller mindre knytte til porselensframstillinga, og rundt 3000 keramikkomnar.
Staden hadde ei ny stordomstid under Qingdynastiet, då han levererte porselensvarer som gjekk til eksport over Guangzhou. Under Taipingopprøret midt på 1800-talet vart byen sterkt skada og gjekk inn i ei nedgangstid. Fabrikkane fekk først tilbake den store tydinga si etter 1949, då industrien vart modernisert.
I nærområda til byen vert det utvunne kaolin, kol og mangan.
This article uses material from the Wikipedia Nynorsk article Jingdezhen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.