Europameisterskapen i fotball 1964 var den tredje europameisterskapen i fotball.
Meisterskapen vart avvikla i Spania med fire deltakarland i tida 17. til 21. juni 1964. Omframt vertsnasjonen Spania hadde Danmark, Sovjetunionen og Ungarn kvalifisert seg gjennom tre rundar med utslagspel, cupkampar heime og borte, i tida hausten 1962-våren 1964.
Regjerande meister Sovjetunionen vann 3-0 over Danmark i semifinalen på Camp Nou i Barcelona, medan vertslandet Spania trengde ekstraomgangar for å sikre seg finaleplass mot Ungarn i Madrid, sluttresultat 2-1. Ungarn vann så bronsemedaljen etter å ha vunne med 3-1 etter ekstraomgangar mot det danske laget.
Finalen mellom Spania og Sovjetunionen framfor 79 115 tilskodarar på Santiago Bernabéu i Madrid enda med siger 2-1 til vertslandet. Jesús María Pereda gav Spania leiinga i det 6. minutt og Galimzjan Khusajnov utlikna allereie to minuttar seinare. Sigersmålet til Spania kom i det 84. minutt og vart sett inn av Marcelino Martínez. Englendaren Arthur Holland var dommar.
Spania: José Ángel Iribar, Feliciano Rivilla, Ferran Olivella, Isacio Calleja, Ignacio Zoco, Josep Maria Fusté, Amancio, Jesús María Pereda, Marcelino Martínez, Luis Suárez og Carlos Lapetra.
Sovjetunionen: Lev Jasjin, Viktor Sjustikov, Albert Sjesternjov, Eduard Mudrik, Viktor Anitsjkin, Valerij Voronin, Aleksej Kornejev, Igor Tsjislenko, Viktor Ponedelnik, Valentin K. Ivanov og Galimzjan Khusajnov.
This article uses material from the Wikipedia Nynorsk article EM i fotball 1964, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.