Dandong (kinesisk skrift 丹東, pinyin Dāndōng) er eit byprefektur aust i provinsen Liaoning i Kina.
Byprefekturet, som har eit areal på 14 981 km² og i 2010 hadde vel 2,4 millionar ibuarar, har ei lengre grense mot Nord-Korea i aust, dit prefekturet har brusamband over grenseelva Yalu. Sørdelen av Dandong ligg ved kysten av Gulehavet.
Dandong | |||
byprefektur | |||
Dandong ved elva Yalu | |||
Land | Folkerepublikken Kina | ||
---|---|---|---|
Del av | Eastern Hills (Liaoning) | ||
Areal | 15 289,61 km² | ||
Folketal | 2 188 436 (2020) | ||
Dandong 40°07′00″N 124°23′00″E / 40.116666666667°N 124.38333333333°E | |||
Wiki Commons: Dandong | |||
Byprefekturet Dandong omfattar tre distrikt (区 qū), to byfylke (市 shì) og eitt autonomt fylke (自治县 zìzhìxiàn).
Viktigaste næringsgreinene er produksjon av papir, eikebladsilke, kjemikaliar, medisinar, maskinar, sement og gummivarer. Supungdemninga ved Yalu genererer kraft til industrien i Dandong.
Dandong har sidan 1907 hatt togsamband med Shenyang og Nord-Korea.
Kinas riksveg 201 fører gjennom området. Vegen tek til i Hegang i provinsen Heilongjiang og passerer mellom andre Mudanjiang og Dandong før han leier sørover Liaodong-halvøya til Dalian. Også Kinas riksveg 304 fer gjennom området. Han byrjar i Dandong og fører vestover til Holingol i Indre Mongolia.
Byen Dandong vart grunnlagt under Ming-dynastiet og utvikla seg til eit viktig handelsknutepunkt mellom Kina og Korea.
Under den første sino-japanske krig (1894-95) vart området, då kalla Andong, raskt okkupert av japanske styrkar. Dandong vart i 1907 opna som traktatshamn for utanlandske statsmakter og handelsselskap. Under Mandsjukuo-æraen var provinsen Andong, ein av fjorten provinsar som vart etablert i den japansk-kontrollerte marionettstaten.
Byen fekk sitt noverande namn i 1965, då ein meinte det førre namnet vitna om ei imperialistisk innstilling.
This article uses material from the Wikipedia Nynorsk article Dandong, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.