Avinor AS vart skipa 1.
januar 2003 som eit aksjeselskap eigd fullt ut av den norske staten under Samferdsledepartementet. Avinor har som oppgåve å eige og drive lufthamner i Noreg. Selskapet har òg ansvaret for tryggings- og navigasjonsinstallasjonar av ulike slag, som radarar, radiofyr, fjernstyrte basestasjonar for flyradiosambandet, og kontrollsentralar.
Avinor | |||
| |||
Avinors radar på toppen av Haukåsen i Oslo | |||
Org.form | Aksjeselskap | ||
---|---|---|---|
Org.nr. | 985198292 | ||
Skipa | 1. januar 2003 | ||
Forgjengar(ar) | Luftfartsverket | ||
Eigar | Samferdsledepartementet | ||
Dotterselskap | Oslo Lufthamn | ||
Eigenandel i | Bergen lufthamn, Trondheim lufthamn, Værnes, Stavanger lufthamn, Sogndal lufthamn | ||
Hovudkontor | Oslo | ||
Land | Noreg | ||
Styreleiar | Anne Carine Tanum | ||
Adm.dir. | Abraham Foss | ||
Nettstad | https://avinor.no (norsk), https://avinor.no/en (engelsk) |
Avinor AS har teke over oppgåver som tidlegare låg under det statlege Luftfartsverket. I samband med at Avinor AS tok over drifta av lufthamnene og det som høyrer med dette, vart Luftfartstilsynet skipa for å take seg av alle tilsyns- og forvaltingsfunksjonane i som låg til det gamle Luftfartsverket.
Avinor AS er den største lufthamneigaren i landet, og har ansvaret for drifta av 43 av dei, inklusive 12 som ligg under Forsvaret. Inntektene kjem frå den kommersielle verksemda på flyplassane, og frå luftfartavgifter som flyselskapa må betale for å nytte lufthamnene eller òg for å fly i det luftrommet som Noreg har kontrollen over. Dei få lufthamnene i Noreg som går med overskot, subsidierer dei fleste andre lufthamnene som Avinor AS eig, av di dei går med større eller mindre underskot. Lufttrafikktenesta vert drive til sjølvkost, men kostnadene ved tryggleiksarbeidet vert dekt ved å krevje inn avgifter.
Torp Sandefjord lufthamn er ei av få norske lufthamner som ikkje er drivne av Avinor.
This article uses material from the Wikipedia Nynorsk article Avinor, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.