Alejandro Selkirk-øya (spansk: Isla Alejandro Selkirk), tidlegare kjent som Más Afuera (lenger ut (til sjøen)) og døypt om etter den stranda sjømannen Alexander Selkirk, er den største og vestlegaste øya i Juan Fernández-øygruppa i Valparaíso-regionen, Chile.
Ho ligg 180 km vest for Robinson Crusoe-øya i det søraustlege Stillehavet.
Alejandro Selkirk-øya | |||
øy | |||
Land | Chile | ||
---|---|---|---|
Del av | Juan Fernández-øyane | ||
Areal | 49,52 km² | ||
Folketal | 65 (2017) | ||
Alejandro Selkirk-øya 33°46′09″S 80°48′04″W / 33.769166666667°S 80.801111111111°W | |||
Wiki Commons: Alejandro Selkirk Island | |||
Frå 1704 til 1709 var øya heimstad for den stranda sjømannen Alexander Selkirk, som i det minste delvis inspirerte romanforfattaren Daniel Defoe sin fiktive Robinson Crusoe i romanen med same namn frå 1719, sjølv om romanen eksplisitt er sett til Karibia. Dette var berre ei av fleire overlevingshistorier frå perioden som Defoe ville ha vore klar over. For å spegle den litterære kunnskapen knytt til øya og tiltrekkje seg turistar, døypte den chilenske regjeringa om øya til Isla Alejandro Selkirk i 1966.
Øya måler 11 km i nord–sør retning og 6 km aust–vest, og har eit areal på 49,5 km2. Ho er tett skogkledt, fjellrik og er prega av rygger og mange djupe ravinar som fører til ein bratt, utilgjengeleg kyst på austsida av øya, med enorme djupner utanfor. Kystklippene er opptil 1000 m høge. Dei sørlege, vestlege og nordlege sidene av øya har sandstriper med strand som strekkjer seg 161 m til havs på somme stader. Den høgaste fjelltoppen, Cerro de Los Inocentes, stig til 1268 moh. i den sørvestlege delen av Alejandro Selkirk Island, der det også er ein framståande stein med eit hol gjennom.
This article uses material from the Wikipedia Nynorsk article Alejandro Selkirk-øya, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.