Adjágas

Adjágas er namnet på tistanden mellom å vera vaken og søvn. Gruppa blanda joik med moderne sjangrar som elektronika, indierock og ambient.

Adjágas
Adjágas på samefolkets dag i 2012
Opphav	Noreg
Aktiv	2004-2014
Sjanger	joik, indierock, elektronika, ambient, verdsmusikk
Plateselskap	Trust Me, Ever Records
Siste medlemmer	Sara Marielle Gaup Lawra Somby

Adjagas vart danna i 2004 av Lawra Somby og Sara Marielle Gaup. Allereie året etter oppstarten varma dei opp for Kaizers Orchestra på preikestolen under by:larm, vart invitert til å opne Glastonbury-festivalen, joika under Mandela-konserten i Trondheim og spela på Oslo World Music Festival. På grunn av regn fekk dei ikkje spela på Glastonbury det året likevel.

Debutalbumet Adjágas vart gjeve ut 21. november 2005 med Paal Fagerheim og Juhani Silvola på gitar og Timo Silvola på perkusjon.

I 2007 kom dei attende til Glastonbury og opna festivalen, der kjente artistar som Arctic Monkeys, Amy Winehouse og Bloc Party også spela.

Andrealbumet Mánu Rávdnji, som tyder månestraum, vart gjeve ut sist i 2009. Albumet vart godt motteke og fekk terningkast fem i mange norske avisar. I 2010 spela dei ved OL i Vancouver og året etter var dei på turné i USA.

Bandet ga seg i 2014, men medlemene fortset å drive med musikk.

Songen deira «Ozan» vart framført av Ella Marie Hætta Isaksen på Stjernekamp 2018 på NRK som finalelåt.

Studioalbum

• Adjágas (2005)
• Mánu Rávdnji (2009)

Singlar

• Mun Ja Mun (2006)
• Lihkolaš (2009)